الفصل ال 6
وفجأه يدخل احمد المكتب
احمد: علي فين كدا
حياء: انت شايفني بعمل ايه؟!... خلصت شغلي وماشيه .. عندك مانع!!
احمد بنبره خبيثه وهو يقترب منها: اه عندي
حياء وهي تبتعد: ايه دا عاوز ايه؟!
احمد : مش انا اللي بنت بتشتغل عندي تتكلم معايا كدا... وانتي عملالي فيها بنت ناس
حياء بانفعال: ما تحترم نفسك يا بني ادم انت
احمد وهو يحاوطها بيديه: ولو محترمتش
حياء وهي تقرب فمها من يده: يبقي هيحصل فيك كدا
احمد: اييي... يا بنت العضاضه
حياء وهي تهرب من غرفه المكتب: علشان تبقي تعرف كويس ازاي تتعامل معايا باحترام
احمد بخبث: ماشي ... انتي هتروحي مني فين
"ذهبت حياء الي البيت فوجدت تسنيم في انتظارها ووالدت تسنيم جالسه ايضا"
حياء بارهاق: ازيك يا طنط وحشاني جدا
ام تسنيم: وانتي كمان يا حبيبتي ... مالك باين عليكي الارهاق
حياء: لا اصلي نمت متاخره وصحيت بدري
الام: ربنا يعينك يا بنتي
تسنيم متدخله:يلا يا حياء غيري هدومك عقبال ما احضر الغدا
"اتجهت حياء الي غرفتها... وبعد بضع دقائق ...جلسوا جميعا لتناول الغدا... وبعد مرور ساعتين..ذهبت والده تسنيم الي المنزل"
تسنيم عقب خروج والدتها:تعالي هنا بقا مالك كدا مش مظبوطه
حياء: الحيوان اللي اسمه احمد دا ... كان بيحاول يضايقني بطريقه قذره
تسنيم مصدومه : يانهاري... ازاي يعني؟!.. هبب ايه الحيوان دا
حياء: حاوطني بايديه بس انا مسكتلوش
تسنيم في ترقب: امال عملتي ايه يا غاليه
حياء: عضيته
تسنيم وهي تنفجر ضحك: ههههههههه ... عفارم عليكي ابوكي جابك... بس انا خايفه عليكي منه... وخاصه موضوع السفر دا
حياء: ومين قالك اني هكون معاه في الاوتيل زي ما هما قالوا...
تسنيم وهي تضيق عينيها؟!: امال هتعملي ايه
"تسنيم وهي تنظر لها هتعرفي ناو"
"قامت حياء بالاتصال علي والدتها...
ولكنها لم تجب"... فادركت حياء انهم مشغولون
ولكن بعد مرور عشره دقائق... اعادت والدتها الاتصال بها"
حياء: ايوه يا نواره البيت وحشتيني اوووووي
الام: وانتي وحشتيني اكتر يا قلبي
حياء: وبابا واخواتي عاملين ايه
الام: الحمدلله بخير.. المهم انت بتاكلي كويس ولا بتنسي نفسك زي العاده
حياء: لا باكل يا امي... بقولك ايه يا ماما .. انا مسافره بكرا ع الساعه 9
الام: ماشي يا بنتي بس خلي بالك من نفسك ... واوعي شغلك يخليكي تهملي في دراستك
حياء: متخافيش يا امي ... انا ادها ومش هقصر... بقولك هي خالتو موجوده في شقتها في اسكندريه ولا سافرت الصعيد عند اهل جوزها
الام: لا موجوده ... بس ليه؟!
حياء: اصل هقعد معاها الشهر دا ... اللي هسافر فيه
الام: بجد يا بنتي والله كويس،،واهو اكون مطمنه عليكي.. وخلي بالك من نفسك
"اغلقت حياء الهاتف مع والدتها"
تسنيم: يا بنت اللعيبه ... تصدقي فكره حلوه وهو اطمن عليكي انا كمان... اما اقوم بقا احط هدومي في الشنطه علشان انا كمان اروح البيت الصبح
حياء: هتوحشيني يا سمسمتي
تسنيم: اوحشك ايه يا ختي .. دا احنا هنرغي اربعه وعشرين ساعه... وتديني التقرير اليومي
حياء وهي تضحك: تمام يا فندم ههههههههه
"انتهي اليوم وفي صباح اليوم التالي في حوالي الساعه الثامنه استعدت حياء للسفر... وجهزت تسنيم شنط هدومها لتعود لمنزلها.. وخرجتا من البيت"
"ودعت حياء صديقتها واتجهت في طريقها الي الشركه... لتبدا سفرها الي عروس البحر المتوسط،،المكان الذي سيشهد علي افضل مرحله في حياتها ويغيرها الي حياء اخري... بل سيجعلها.. هي عروس الاسكندريه "😍"
"في الشركه"
"احمد وهو ينتظرها في السياره الخاصه به امام الشركه"
"واذا بها تأتي"
احمد: كل دا تأخير
حياء ببرود: سوري
احمد بعصبيه: يلا اركبي متأخرين
حياء بنرفزه: حاضر
"فتحت حياء الباب الخلفي للسياره"... فجأه وجدته ينظر لها بغل معترضا عما تفعل!!
احمد: ايه دا يا انسه انتي هتركبي ورا... هو انا سواق سعاده معاليكي الخاص
حياء: انا مقصدش .. بس سوري مش هركب غير هنا.. وبعدين فكره الركوب في عربيه واحده مع حضرتك مرفوضه... بس احيانا بنضطر نعمل حاجات خارج ارادتنا واهي الدنيا بتمشي... ولو مركبتش ورا .. مش هسافر...
احمد وهو يجز ع اسنانه: طيب اخلصي اركبي
حياء بدون اي تعبير علي وجهها : اوك
" انطلق احمد بسيارته متجهها الي عروس البحر المتوسط... وهو ينوي لتلك الفتاه المتمرده علي خطه ... تجعلها تخضع له.. فهو يرأي انه ذاك الشاب الثري والوسيم ... كيف لفتاه من طبقه متوسطه ان ترفض الخضوع له وتتجاهله كانه مهمش؛!!!
"وصلت السياره بهم الي عروس البحر المتوسط و بالاخص في الفندق الذي تم حجز الغرق به
" احمد وهو يشاور لها بيده ان تخرج من السياره"
احمد: اتفضلي علشان نرتاح لان عندنا بالليل عشاء عمل مع مندوبين الوفد الالماني
حيتء وهي تتنحن في الكلام قائله: اتفضل فين حضرتك.. انا هقعد الفتره دي مع خالتو ... عايشه هنا في اليكس
احمد بعصبيه: نعم؟!... وهو انتي جايه تتفسحي .. انتي جايه معايا وفي شغل يا هانم
حياء بتحدي:وانا قولت مش هقعد هنا... ايه مبتفهمش؟!
وفجأه
يتبع😃
********
الحلقه الجايه من اهم الحلقات وتعتبر نقطه التحول في حياه حياء😙😉
ومتنسوش ارائكوا وتوقعاتكوا
#تابعوني💛
