The S.A.I.N.T.S 2: Reloaded

Reloaded 17

A Love Story

Sabina's POV

One week...

Hindi na naman siya nagparamdam sa akin sa loob ng isang linggo. Wala man lang siyang ginawa para ipagtanggol ang sarili niya laban sa mapanghusga kong isip.

Nandito ako ngayon sa plantation. Wala kaming masyadong order dahil tag-init at konti lang ang mga bulaklak na nakatanim.

"Sab, break na ba kayo nung bf mong si Mr. Dimples? Hindi na naming nakikitang pumupunta dito." Tanong ng isa sa mga kasamahan kong may pagka-tsimosa.

Nginitian ko lang siya. Wala akong sa mood makipag-usap kahit kanino.

Nang mapansin na niya na wala siyang mahihita sa akin nagtungo nalang ito sa may sala at nanuod nalang ang tv. Ilang metro lang naman ang layo nito sa reception area kung nasaan ako.

Napailing ako ng biglang bumukas ang pinto. May isang babaing pumasok na nakasuot ng saya at may hawak na malaking abaniko. Maririnig mo ang lagatok ng kanyang hakbang dahil sa sapin niya sa paa na bakya. May belo na nakapatong sa kanyang ulo.

"Magandang umaga...?" Alangan kong bati habang hinhintay na sabihin niya ang kanyang pangalan.

Mabilis niya ibinuklat ang kanyang abaniko kaya lumikha ito ng ingay. Maging ang kasama kong nanunuod ng tv ay napalingon sa gawi namin.

May saltik ba ang babaing ito? Tanong ko nalang sa isip.

"Maria Clara Dimaguiba." Napataas ang kilay ko sa pangalang sinabi niya.

Seriously? Maria Clara? May sayad nga ang babaing ito.

"Anong maipaglilingkod ko Miss Maria Clara?"

"Hindi Miss. Binibini dapat." Pagtatama niya pa sa aking sabay tawa.

"Ok."

"Nag-aayos pa kayo ng mga bulaklak para sa mga okasyon?"

"Opo."

"Gusto ko magpagawa ng anim."

"Ok para po saang okasyon?"

"Sa lamay." Napatitig ako sa mata niya at bigla akong may napansin ngunit saglit lang ito.

It was excitement.

Hindi ko makilala ang buong itsura niya dahil sa abanikong nakatakip mula sa kanyang ilong pababa sa buo niyang mukha at samahan pa ng puting belo nguinit nakuha niya pa akong kindatan.