يمكن ان تكون كسرتني الحياة.....
.
.
لكن هل يحق لي الامل ؟؟؟!!
.
.
.
بعد ان تم انهاء الغداء قامت لمار بتقديم الحلوى الى ام غيث وغيث واثناء تناول الحلوى قامت أم غيث بطرح بعض الاسئلة على لمار..
ام غيث: حبيبتي شلونة ابني وياج وياچ
لمار : الحمدلله زين (عبالچ مخلفة بومة حيوان😡😡)بنفسها
ام غيث : اذا حاول يغثچ حتى لو بأحلامة گوليلي واني احاسبة ماشي😊😊
غيث يرد بسرعة : اني شعندي غير لمار ماما روحي بيها شلون واحد يغث روحة
لمار تنظر له بتعجب وتكلم نفسها : ( عابت شكلك يا اثول يا حيوان شوفي شوفي شلون چذاب ما شايفة هيچ چذب الله يسود وجهك😡😡)
ام غيث : الله يديم محبتكم يا ماما وتفرحوني بحفيد يونسني
تسعل لمار من سماع كلام والدة غيث يناولها غيث كأس ماء ..
ام غيث : اسم الله اسم الله بنتي شصارلج
غيث : ماكو شي ماما هي من تخجل تسعل وانتي خجلتيها بكلامچ
لمار تكلم نفسها : ( غضب على راسك من تخجل عابت چذاب خو گول اني وياها زواج حبر على ورق اذا بيك خير وشاطر الله ياخذك امداك)
لمار : اسفة مو قصدي اعتذر😊😊
ام غيث : لا حبيبتي اني اسفة خاف احرجتچ حبيبة گلبي
لمار : لا العفو منچ لتتأسفين مصار شي
ام غيث : يلة تسمحولي اني اتركم واروح للبيت ارتاح
لمار : بعد وقت ابقي يمنا
ام غيث : لا حبيبتي انتو لازم ترتاحون باچر وراكم سفر
لمار تفتح عيناها على وسعهما بصدمة : سفرررر!!!!!!!؟
غيث : احمممم اي ماما باجر ان شاء الله مسافرين ساعة 8 الصبح واعذرينة احتمال ما نگدر نجي نودعچ
ام غيث : ولا يهمك ماما اهم شي تتونسون وتخلي بالك زين على عروستك وان شاء الله برجعتكم تسمعوني الخبر الحلو الي اني انتظرة😉😉
غيث : اي اي ان شاء الله ماما
يقومون بوداع والدة غيث ويدخلون الى البيت ..
لمار : انتظر لو سمحت
غيث : اي باچر مسافرين لتركيا على اساس نسافر شهر عسل😏
لمار : يا عسل هذا
غيث : شنوو؟؟؟
لمار : لا قصدي اني ما عندي خبر يعني ليش
غيث : وليش انطيج خبر اصلا شنو دخلچ بالموضوع؟؟
لمار : غير اني راح اسافر وياك لو هم ممنوع السفر؟؟؟
غيث : اي راح تسافرين بس مو شهر عسل
لمار : لعد شنو شهر صخام
غيث : خفة دمچ لتعرضيها يمي ترة ما احبها ويلة ابتعدي خلي اطلع اخلص شكم شغلة قبل سفري باچر ها ونامي لتنتظريني
لمار : اي
يخرج غيث وتبقى لمار بأفكارها وحزنها على حياتها وتعاسة حظها ءاهذا حظي ؟؟
هل هكذا هي قسمتي؟؟؟ هل اهلي الان باعوني؟؟؟هل لازالو يكنون لي الحب؟؟؟ هل لا زلت احبهم؟؟؟؟ااااااه يا ربي كم هي صعبة كم هي صعبة خيانة المقربين كم هي صعبة جراحهم يمر الوقت تذهب لمار وتخلد الى النوم وعند الساعة ال6 صباحا تطرق باب غرفتها....
لمار بنعاس وتثاقل : اتفضل
غيث يدخل : يلة جهزي نفسچ بسرعة احنة بعد ربع ساعة لازم نكون بالمطار
لمار : اوكي تريد اسويلك اكل
غيث : لا ماكو داعي اكلت
نهضت لمار دخلت الى الحمام لتستحم
غيث قام بتحضير حقيبته للسفر خرجت لمار وبدأت بتجفيف شعرها وارتدت ملابسها وحجابها وقامت بتحضير حقيبة سفرها ..
لمار : شكم يوم راح نبقة؟؟؟
غيث : شهرين
لمار : شنوووو شدعوة هلگد واني حتى اهلي ما ودعتهم
غيث : لمااااار بغضب گلتلچ اهلچ باعوچ باااااعوچ ب ا ع و چ افتهمي عاد ولدوخيني اني طالع بالسيارة انتظرچ 5قايق وتنزلين ونقطة مكياج ما اريد واذا لمحت شي بوجهچ اخربطة لوجهچ
