يا ربي ....
.
.في قلبي ألم لا يفهمهُ ...
..
.
.
أحد غيرك وغيري.....
..
.
.
.
عند غيث ونور.
يصلان الى بيت نور الذي قام غيث بشرائه لها.
نور : حبيبي الحمدلله على سلامتك اشتاقيتلك هواي طولت غيبتك هالمرة(بدلع وتمايع)
غيث : حبيبتي فداچ اني يا روحي انتي تعرفين امي ويادوب قنعتها اتزوج اي وحدة حتى اخليها تحس انو اني تركتچ وراح ابدي حياتي من جديد
نور : حبيبي استعجل بالاجراءات شوي لان تعرف امك ما يعبر عليها شي وخاف هاي الغبية الي تزوجتها تروح تفضحنا
غيث: لا حبيبتي لتخافين هاي لمار اني اتحكم بيها هاي فقيرة ومطيعة وتعرفين شنو بيها برائة اطفال يعني بصوت مني يغمى عليها
نور : مهما يكون حبيبي لازم تستعجل حتى تعبنا ميروح على الخالي
غيث : ماشي حبيبتي هسا خلي ادخل للحمام اسبح وارتاح ونطلع نتعشا حتى اروح اشوف هاي شنو تحتاج وارتب وضعها وارجع حتى اني وياچ ناخذ راحتنا
نور : لاااا حبيبيي لتروح 😔😔 خليك يمي نوديلها السايق يشوف شنو تحتاج وهو يبقة يمها اني مجهزتلك مفاجأة اليوم😘😘
غيث : فدوة لروحچ بس حبيبتي ضروري اني اروح حتى افهمها شكم شغلة واخوفها حتى متخرب علينة
نور : ماشي روحلها بس بشرط
غيث : انتي تأمريني يا احلى وحدة بالكوووووون😘😘😘
نور : اروح وياك للفندق وانت تصعد تشوفها وترجع بربع ساعة بسسس
غيث : بس!!!؟
نور : اييييي بس
غيث : لچ غالي والطلب رخيص😘😘😘😘يلة خليني اروح اجهز نفسي
نور : اوكي حبيبي واني هم اجهز نفسي😘😘😘
.
.
.
اعرفكم على نور::.....
نور بنت من عائلة غير محترمة هي فقط تقوم بصيد الشباب الاغنياء لتحقيق رغباتها المادية الجشعة تعرفت على غيث في احد الحفلات في العراق وبذلت جهدها لتوقع غيث في شباكها ونجحت وقرر غيث الزواج بها لكن والدة غيث رفضت لانها عرفت نور وماضيها وكل ما يتعلق بها قامت بالتحري عنها وعند رفضها لها قررت ان تخرب عقل غيث على والدته وتضع خطة ليتم مافي بالها واقنعت غيث بها قررت انت تجعل غيث يخذع امه بالزواج من اي بنت تقوم امه بختيارها ويكون زواجهم حبر على ورق وبعد الزواج يسافران الى تركيا ليتم زواج غيث بنور وبعد عودة غيث ولمار الى العراق يتم تحويل املاك ام غيث كلها الى غيث بشكل رسمي لان ام غيث اخبرته ان لنم يوافق على الزواج من بنت محترمة ستجعل كل املاكها للفقراء وبعد التحويل يقوم غيث بتطليق لمار واعلان زواجه من نور هكذا كانت الخطة وبعدها تقوم نور بالضغط على غيث ليجعل الاملاك بأسمها وبعدها تقوم بالطلاق منه...
.خطة شريرة من انسانة شريرة.....
.
.
.
.
.
.
عند لمار ...
تستيقظ لمار على صوت غيث..
.
غيث : لماااااار لمار اگعدي بسرعة
لمار بتعب وألم : نعم
غيث : اسمعي ماعندي وقت ركزي بالكلام الي راح احچي وياچ
لمار : اي اتفضل
غيث : اني ماراح اگدر اجي اشوفچ هالفترة انتي راح تبقين هنا والسايق شنو تحتاجين تگوليلة واذا صار شي ضروري هو يتصل بية
لمار : اريد ارجع ما اريد ابقة هنا
غيث : ومنو گال احنة نمشي على كيفچ اسكتي ولتحچين زايد كل يومين يجي السايق يطلعچ لاي مكان ويرجعچ وياويلج لو حاولتي تتذاكين ومن نريد نرجع للعراق اني اتصل بيج حتى تجهزين نفسچ واي تصرفات مال اطفال ما اريد
لمار : اني طفلة وانت كسرت طفولتي ودمرت حياتي الله ينتقم منك ياحقير
.
يصفعها بقوة تجعل فمها ينزف من قوته غيث بكل غضب : لمار خليني مسيطر على نفسي لا هسا اسلب روحچ من جد واندمچ كل حياتچ واني اعرف شلون احاسبچ على كلامچ
.
يخرج ويترك النار في قلبي يخرج ويترك المي يعتصر قلبي يخرج ولا يبالي بوجعي يخرج ويترك حياتي تحترق...
لمار : ليش هيچ ياربي شنو سويت بحياتي شنو ذنبي انتقم لي منة ياربي اني ماعندي غيرك ..
.
.
.
من كثر بكائها وألمها لايسعها فعل شيء ولا يسعها قول شيء فقط بكاء وصراخ وألم وحزن وآهات وأنين وتغط في نومها من دون احساس..
.
.
...........
#لا اقبل بالانكسار
.
.
....
