Oops! This image does not follow our content guidelines. To continue publishing, please remove it or upload a different image.
#أنا_القطة
الحلقة { 3 }
هند : ما هو مش تمثال بنفس الشكل
هيبقى مثلا أنا هعملك تمثال بس مش هتكون بنفس الشكل وكمان ممكن أنحت صور الناس على صواني وكمان الخشب
وكمان أعمل تماثيل للعرايس
_ ها يا جماعة إيه رأيكم فى المشروع ؟
عمار : هى فكرة جديدة بس معتقدش إن هتبقى حلوة في مصر يعني الناس هتقول عليهم أصنام زي ما منصور قال
هند : مش كل الناس متخلفة
منصور : يعني أنا متخلف
هند : ههههههههه
خالد : بس أنا أعتقد الفكرة دي موجودة برة
هند : اه فى الهند عاملين متحف لنجوم بوليود الممثلين الهنود يعني ، أنا بقى فكرتي أكبر مشاهير فى كل المجلات تمثيل وكورة وسياسة وكمان مش النجوم المصريين بس لا أى حد مشهور في العالم وكمان أماكن التماثيل تكون فى وضع يديك إحساس إن فعلا دا نجم مش تمثال وكمان الخلفيات يعنى النجوم الهنود أعمل الخلفية تاج محل النجوم الأتراك أعمل الخلفية أشهر أماكن تركيا كدا يعني
عماد : بس كدا إنتي عاوزة فلوس كتير أوي
عمار : وكمان أرض كبيرة
خالد : ومش فى أي مكان لازم الأرض تكون فى مكان حلو عشان يكون فى ناس تروح وتيجي
هند : إنتم أخدتم المشروع بجد ولا إيه أنا بقولكم مجرد حلم أو فكرة مش أكتر
خالد : أي إنجاز أو أي مشروع كان فى الأول فكرة والفكرة كبرت وبقت حلم والحلم بقى إنجاز الهرم نفسه كان مجرد فكرة
انتصار : صح يا خالد ، لو إنتي دارسة المشروع ده حلو إتكلي على الله واعمليه
هند : وهجيب الفلوس منين أنا محتاجة في الأول مش أقل من 10 مليون جنيه
