اذّكُروا الله يذّكُركُم

الحق نفسك

تخيل لو ملك الموت قالك انا هقبض روحك كمان ساعه .. يا ترى هتعمل ايه في الوقت ده ؟؟

هتصلي الصلوات اللي فاتتك
ولا هتجري تدور على المساكين عشان تطلع الصدقه اللي هتنفعك يوم القيامه
ولا هتروح تمسح ال browsing history عشان محدش يشوف الحاجه اللي كنت بتتفرج عليها !!
ولا هتقعد تقول اذكار من اللي بتبني بيتك في الجنه

ولا هتفضل تقول "سبحان الله وبحمده سبحان الله العظيم" عشان النبي ﷺ قال ان الكلمتين دول ربنا بيحبهم
ولا هتقعد تصلي على النبي كتير عشان النبي ﷺ بيقول إن أقربكم مني يوم القيامة أكثركم صلاة عليَِّ .
ولا هتقعد تقول "الحمد لله" عشان النبي ﷺ قال : الحمد لله تملأ الميزان
ولا هتفضل تستغفر عشان تمسح ذنوبك اللي فاتت
ولا هتروح تصل رحمك وتستسمح الناس اللي انت مزعلهم عشان تلاقي اللي يدعيلك
ولا هتجري تقرا سورة الملك عشان النبي ﷺ قال انها بتشفع العبد وتمنع عنه عذاب القبر

ولا هتقول "لا إله إلا الله وحده لا شريك له له الملك وله الحمد وهو على كل شيء قدير لا حول ولا قوة إلا بالله العلي العظيم سبحان الله والحمد لله ولا إله إلا الله والله أكبر" عشان النبي ﷺ قال ان اللي بيقولها قبل ماينام بتغفرله كل ذنوبه حتى لو كانت مثل زبد البحر

ولا هتقول " لا اله الا الله " عشان النبي ﷺ قال (( فإن الله قد حرم على النار من قال لا إله إلا الله يبتغي بذلك وجه الله ) ) البخاري

هتلحق في الساعه دي تقول ايه ولا تعمل ايه بالظبط .. المفاجأه بقى انه حتى مش هيقولك ان جايلك بعد ساعه .. الحق نفسك من دلوقتي 😊