قاسي ولكن احبنى

2

رواية قاسى ولكن احبى
بقلم*وسام اسامه
الفصل الثاني
*************
ليخرج المندوب من المكتب ويبتسم ادم يثقه
عمار بدهشه محدق بأدم
ادم بجديه : ورانا ايه تاني ياعمار غير المناقصه
عمار بدهشه : يخربيتك ياادم دول كدا خلاص طفشو كدا
ادم ببتسامه ثقه وغرور : لا هيبعتو بكره الموافقه ويمضو العقد
عمار : جايب الثقه دي منين بقا دا انتا كان شويه وتطردهم
ادم بجديه: واثق انهم هيجو عشان شركتهم ف الفتره الاخيره خسرت جامد وهما كتمو ع الخبر هما دلوقتي محتاجين ان اسم شركتهم يتربط بأسم امراطوريه الصياد ف صفقه عشان سمعتهم تتحسن
عمار بتساؤل : طيب احنا هنستفيد ايه منهم
ادم بأيجاز : هنستفيد كتير كفايه شروط العقد دا غير ان شغلهم كويس لولا عجزهم ف الفلوس بس
عمار بأنبهار : كل يوم بتفاجأ بيك يادوما
ادم بملامح جامده : ياله روح شوف وراك ايه
عمار بتذكر : اه صح انهرده في انتر ڤيو عشان تعين سكرتيره ليك
ادم بشرود: شوف انتا الموضوع دا عشان ورايا مشوار مهم
عمار : انا مش هينفع عشان رايح اشوف المناقصه بتاعت الشاذلي وتابع بخبث مع اني كان نفسي احضر الانتر ڤيو بنفسي بيجو بنات ايه صاوريخ يا ادم
ادم بحده : اسمع ياعمار انتا صاحبي اه بنسهر ونسكر مع بعض برا الشركه انما ف الشغل مبحبش وساخه مفهوم
عمار برتباك : ايه ياادم انا بهزر معاك يااخي انا ف الشغل مبعملش حاجه
ادم بغضب : انتا فاكرني مختوم ع قفايا ياعمار ولا ايه امال ايه المواظفه الي اتحرشت بيها اول امبارح دي وكنت هتعمل شوشره لشركه
عمار بخوف : اااا
ادم بحده: مش عايز كلام كتير الي حصل دا ميتكررش تاني ف الشركه والا هتشوف ادم الصياد هيعمل فيك ايه
عمار بضيق : حاضر
ادم : اتفضل وروح خلي علي الي ف شئون العاملين يتابع الانترڤيو عشان نخلص
*******************************
في مكان اخر تحديدا في اروبا حيث النظام
تجلس سيده من سيداترالمجتمع الراقي ذات ملامح جميله رغم انها تجاوزت الخمسون من عمرها وهي *فريده*كانت تدخن سيجارها الفاخر بعصبيه
امجد بخبث: مالك ياروحي ايه الي معصبك كدا
فريده بعصبيه : مخنوقه ياامجد
امجد : في ايه بس مالك
فريده بضيق: بعد ما احمد الصياد مات من قريب قولت كدا الطريق فضي ليا واكلم ادم واحسسو بوجودي واخد منو مبلغ نعوض بيه خسرتنا الي خسرناها ف البيزنس
لتتابع والشر يتطاير من عينيها بس ادم طلع كارهني اوي
امجد بتوجس : قالك ايه يافريده
فريده بسخريه : قول مقالش ايه اداني محاضر وقفل السكه ف وشي
امجد بخبث : noproblem ياروحي انا محضرلو مفجأه هتعجبو اوووي
فريده بتساؤل : ايه ياامجد
امجد بشر : فكره لو نجحت هناخد كل الهيلمان الي عندو دا ونرميه ف السجن
فريده بجديه : لا ياامجد ناخد فلوسو ماشي انما سجن لا
امجد بسخريه : ايه يافري من امتا والامومه نزلت عليكي
فريده بحده : انتا بتكلمني كدا ليه ياامجد ايه الكلام دا
امجد وقد تدارك نفسه : لا ياحببتي انا مقصدش ليقترب منها ويجذبها من خصرها ويحتضنها بخبث انا مقدرش علي زعلك ياروحي
فريده بلين : خلاص ياحبيبي مفيش مشكله
ليبتسم امجد بنتصار لمدي تأثيره عليها
تابعت فريده وهي سانده رأسها علي صدره
طب هتعمل ايه مع ادم يا امجد
امجد بخبث : انتي عارفه ان ابنك مش قليل ف مصر الكبير والصغير بيخافو منو وبيعملوله الف حساب بس اصبري انتي وشوفي هعمل ايه فيه
***************************
وصلت تقي الي شركة الصياد وما ان رأت البنايه حتي دبت الرجفه ف اوصالها
كانت بنايه عاليه يبدو عليها النظام كانت تري العاملين فيها مثل الروبوت كل منهم يعمل بجهد فابتسمت وحدثت نفسها : اممم لسه في ناس بتشتغل بمجهود الحمدلله
فهي لا تعرف ان دافعهم للمجهود هذا هو الخوف ليس حبا ف العمل
جلست تقي ف انتظار مقابله العمل
وكانت تفرك في يديها في توتر بالغ وهي تنظر الي الفتيات الاتي قدمن علي نفس الواظيفه
مثلها وملابسهن القصيره والوجه الممتلئ بمساحيق التجميل
فتمتمت في نفسها ربنا يهديهم
قطع شرودهارنين هاتفها فالتقطته من حقيبتها وجدتها صديقتها هند
تقي : السلام عليكم
هند: وعليكم السلام ياتقي روحتي الانتر ڤيو ولا لسع ولو روحتيه اتقبلتي ولالا ها احكيلي
ها
تقي بضحك: يخربيتك انتي ادتيني فرصه احكي حاجه بكبورت فتح ف وشي اهدي
هند بحزم مصطنع : كدا ياتقي انا بكبورت دي جزاتي اني عايزه اطمن عليكي متشنكره ياصحبتي انا زحلانه
تقي بضحك حتي دمعت عينها : ههههه متزحليش وعموما لسه مستنيه الانتر ڤيو
هند بمشاكسه : طااااه اي خدمه انا حبيت اعملك خمسه فرفشه عشان عرفاكي زمانك متوتره
تقي ببتسامه : ربنا يخليكي ليا ياهند وميحرمني متك ابدا انا فعلا كنت متوتره جدا
هند بمرح : عارفه اني مصدر سعادة للجميع
تقي : ياعيني ع التواضع
سمعت تقي السكرتيره تذكر اسمها
انسه تقي محمد اتفضلي ادخلي
تقي بأيجاز سلام ياهند دلوقتي اكلمك لما اخلص
هند : اوك باي
دلفت تقي الي المكتب وهي تردد الايات القرأنيه ليوفقها الله
رفع علي عيناه الي الفتاه الواقفه امامه ذات الملابس المحتشمه والوجه الطفولي
علي في نفسه : اخيرا ف واحده لابسه عدل وعارفه انها جايه شركه مش كباريه
علي بجديه : اتفضلي اقعدي ياانسه تقي
جلست تقي بهدوء واعطته الcv
علي : اشتغلتي قبل كدا يا انسه تقي
تقي بهدوء: لا حضرتك لاني لسه متخرجه قريب
علي وهو يقرأ الcv الخاص بها : اممممم معاكي كورسات انجليزي وفرنساوي وايطالي
ومتخرجه من الكليه بتقديرممتاز
تقي بأدب : شكرا لحضرتك
علي : بس لحقتي تاخدي الكورسات دي كلها امتي يا انسه
تقي بجديه : ف اجازه كل سنه من الكليه كنت باخدكورس
علي بأعجاب : اممممم طيب حضرتك معاكي المؤهلات الي تخليكي تشتغلي بس ناقصك خبره ودا هتتعلميه بسرعه يا انسه تقي
تقي : يعني انا اتقبلت ف الواظيفه
ابتسم علي : ايوا وراتبك هيبقا5000ج تقدري تبدأي شغل من بكره يا انسه تقي
تقي بفرحه داخليه : شكرا جدا
علي ببتسامه : عفوا بس لازم تعرفي ان اهم حاجه هنا المواعيد وخصوصا انك سكرتيره لمستر ادم يعني تيجي الساعه 8بظبط
والامانه والاجتهاد ف شغلك لان مستر ادم مبيرحمش الي بقصر ف شغلو
تقي وهي تهب واقفه : تمام بكره هكون هنا بدري
وغادرت المكتب
علي مخدث نفسه : ازاي البرائه دي هتبقا سكرتيره ادم الصياد ربنا معاها وتفضل زي ماهي واطلق تنهيده قويه
وتابع عمله
*خرجت تقي من الكتب وتكاد تموت فرحه لحصولها علي عمل تشغل به وقتها الفارغ
وتوجهت الي منزلها لترتاح بعد يوم مليئ بتوتر
وعيون تراقبها برغبه وجرئه
*رواية قاسى ولكن احبني
بقلم وسام اسامه