عند پابلو:
علابالها واش حكايتي؟ يكون خوها حكالها على واش سامع عليا عندو لحق خايف عليها... ملينا كي شافت احلام مع موحة ههههه( شابة هادي بوخنونة )لمهم كي شافتو معاها وجها تبدل و كي دخل معاهالدار و شافتهم غير يضحكو ههههه دمعة كانت بين عينيها و كي دخلت قاعدة غير تخمم وتشوف من تاقة ههههههه و شكون ميلينا بنسبة ليا ميلينا هي بنت شخص لي مور ما هربت من جهنم لي كنت عايش، فيه هو لاواني ورباني و تبناني دارني كيما وليدو لي معندوش و مليناكانت صغيرة كي دخلت انا لحياتهم هداك لوقت قعدت هكاك حتى نهار قتلو بلال بابات ميلينا و خلالي كامل لمسؤليه ليا و من بين وصاياه انه نتهلى فيها و ما نخلي حتى عفسة تخصها كأي اخ مع ختو لمهم ملينا ما كانتش مليحة قاتلي تروح لبيت ترياح من لفواياج و انا راني قاعد ف بيتي نخمم فل ماضي لحاضر لمستقبل و على هدا لافكار رقدت.
عند احلام :ليومة نضت شربت قهوتي ودعت خويا لي رايح لخدمة لعبت مع سرين لي راهي غير تكبر مشاء الله و قلت نعس موحة ادا جا نحكمو باش، نقرعج على واش راه صاري لمهم قاعدة نشوف من تاقة حتى نشوف طنوبيلتو ندير لخيمار و نهبط نجري و نعيط
انا:يا بو خنونة يا موحة استنى....هو يدور 😕😕
موحة: مزالك ف سمير يا مقرونة ادعي ربي كي رانا في فرنسا و واحد ما يفهم
انا : ايه ايه لمهم لازم نهدر معاك 😁😁😁😁😁
هو : والله ما تبدلتي مزلكي عجوزة كيما كنتي صغيرة وتحبي تعمري لقرع
انا: ياخي دسارة ياخي😑احم ايا موح انا وياك نعرفو بعضانا مع انه عندنا شحال ما تلاقينا بصح نعرفك فرغ واش كاين😁😁 هو:اوف اوف منك
موح : واش راكي حابة تعرفي 😥😥😖
انا: هدا پابلو واش يكون و نتا لاه راك تخدم عندو و واش كاين بينك و بين ملينا ... هو غير سمع ملينا وجهو حمار خضار صفار و عطاهالي ديراكت
هو: والو ما كاين والو 😒😒😧😧😕😕
انا : يا لكذاب من والو هادي باينة كاين حاجة و راكم خايفين و زيد واش سقسيت كامل بديت من اخر سؤال ناس يبداو من لول حتى لخر
هو : احلام ما نقدرش نقولك كاين بزاف عفاسي ما نقدرش نقولهوم
انا : صحة و ملينا هو لتما بتاسم قالي ..
هو: ملينا احسن حاجة من نهار لي جيت لهنا عندنا 3،سنين من يلي نعرفو بعضانا خوها لي هوپابلو دارني شوفار عندها و ف نفس لوقت نعسهاو نحميهامن اعداء تاعو و مع لوقت بدينا نتقربو و نحكيو مع بعضانا هي انسانة مليحة و دير ثقة فاي واحد ما قدرتش ما نحبهاش مع انه ما لازمش علاخطش كان يفيق خوها يمحيني من لكرة لارضية
انا : صحة يا بوخنونة كبرت و وليت تتمعشق و انا لي كنت دايرتك رودسوكور الا ما تزوجت نديپاني بيك بوخنونة و ماصدقليش ههههه بصح والله عرفت تخير اصلا باينة مام هي تحبك لبارح كي شافتنا نضحكو و نتمسخرو وجهة تبدل
هو : لبارح غير خرجت من داركوم عيطتلي باينة كانت تستنى فيا وقتاش نخرج بصح ما لازمش نتاملو راكي عارفة 😖
انا : والله جياحة هادي كامل تخافو منو و هو والو
موحة : عندك لحق ما شتيهش نتي كي يتهول يحرق لخضر و ليابس ..
حتى نشوف ملينا خارجة تجري من دار و جاية عندنا مسكينة وحاجة باينة انا ما قدرتش ما ندخلش روحي وقلتلها لملينا انا :(بل فرنسي)ملينا نقولك حاجة هاد لبنادم ......😱😱😱😱
*****************************************
سلام عليكم ان شاء الله لبداية تكون عجبتكم و مدابيا تعطولي شوية رايكم فيها ونقولكم بلي لحكاية طويلة شوية بزاف و LA suit غدوة فليل نحطها و bon courage .......و شويه تفاعل باش نعرف شكون راه يقراها 😁😁😇😇😌😳😳😳😳😳😳😳😳😳😳😳😳
أنت تقرأ
احببت من قالو عنه شيطان (بالهجة جزائرية)😍😘
Romanceيقولون ان الحياة هي ما يحدث لكم في الوقت الذي تضعون فيه الخطط يعني نظن اننا نخطط كل شئ و لكن القدر يلعب لعبته كما يرغب و نجد انفسنا في مكان لا نعرفه ابدا مثلا احيانا تاخذنا الحياة و ترمي بنا في قاع بئر و من ثم ترفعنا و فجأة فوق الغيوم لهذا سبب يجب ا...
