احببت من قالو عنه شيطان (بالهجة جزائرية)😍😘

💓23💓

عند جواد:
ستنيتها حتى دخلت و تأكدت بلي راهي في امان باش دخلت لدار كي كنت داخل شفت طنوبيل كحلة فومي قلت قبل ماندير اي عفسة لازم ندرس خطواتي مع مولينا ..  عيطت لمولينا
انا: مولينا جاز موطو و كان حاب يدخل فيها
مولينا: واش فيها بلاك كاش سكران
انا: نسحق نعرف تاع شكون شوف فل كاميرات لي كاينين هنا
هو: مايكون لاخاطرك
انا: ورجال هدوك وين راهم  مولينا علبالك بلي رجالي لي فل مافيا مانديرش فيهم ثقة يلزم دبرلي
هو: راهم قدام باب دار فطنوبيل كحلة   فومي
انا: هاد شئ تاوعنا دورك نخرج نشوفهم
خرجت طبطبت فزجاج
(كانت هدرة بفرنسي)
انا: نتو هما رجال
هما: انعم حنا هما
انا: واسمكم
نطق واحد
هو1: ايدوارد و هدا ابدال
انا: متشرفين نظن علبالكم خدمتكم واشنو هي و تعرفو بلي لازم تعسوها و اي تحركات ديرها كي انا مانكونش معاها تبعتوهالي فديك دقيقة
هما: a vous ordres chef 
انا: بلاكو تغلطو
                                #  RÜYALAR
وليت دخلت لدار  .....عاودت وليت وحدي و دار فرغت ... رحت دخلت للكوزينة قلت نطيب باش كي جي نكونو alez  ونلعبوها شوية رومنسين  كنت لاتي مع لكوزينة حتى نسمع لاصونيت خليت واش في يدي و رحت حليت نلقاه عصام (دعوى ما تبشرش كامل بل خير باينة من وجهو) 
انا: عصام ياك ما صرا والو احلام راهي مليحة
هو غزر فيا مشوكي هههه كنت داير طابلية تاع شغل و فولارة هديك قصيرة  فطنت على عمري و نحيتهم تبهديلة  Rüyalar#
انا: فوت عصام
هو: جيت باش نهدر معاك
انا: امشي نروحو للبيرو تاعي
طلعنا و قعدنا
انا: غير لخير عصام
هو: شوف ندخل ديراكت بدون مقدمات  اني حاب نتأكد ما صرا والو بيناتكم
اناتخلعت لدرجة قعدت ثواني معدودة باش  ريبونديت
انا: لالا  ماصرا شي
هو: مليح علاخطش ما قلت حتى واحد من دارنا و ما رانيش معول نقولهم ياك انا وياك علبانا هي قبلت تتزوجك باش تخرجني من لحبس و نتا حبيت تتزوجها باش تخليها قدامك و تقدر تحميها وكي تفري شغلك مع هادو لي راهم يهددوك ختي تولي لدزاير و ما تزيدش تولي
حاولت نهدأ اعصابي مارانيش حاب نغلط معاه
انا: مارانيش معول نطلقها انا ن....  ماخلانيش نكمل حتى ناض و بدا يعيط
هو: كيفاه ما طلقهاش  ماشي كامل هكا تفاهمنا ياو كان ماشي كنت انا فل حبس و انت ستغليت لفرصة والله ما تشوف شعرة منها  ختي عندها حياتها قرايتها نتا ما عندك حتى حق تدخل و تخربلها كامل احلامها
انا: لي يسمعك يقول انا راني غابنها و راح نحرمها من كل شئ و راح ندمرلها حياتها ختك راهي مرتي و انا نحبها ندير اي شئ باش نسعدها  ومن المستحيل نطلقها
هو:  هي اصلا ما راهيش حابة هاد زواج و نهار لي عقدتو فيه كانت هاربة  كان ماشي انا شديتها هي ماكانتش معولة اصلا تجي لعندك
خبطت فل بيرو و قلتلو
انا: احلام مرتي و تقعد مرتي حتى نهار نموت  حتى ولو نكون تحت تراب و تنوض لقيامة ماتحلمش انه تكون لواحد من غيري نظن درك راك سمعت هدرتي
رفد صبعو و كان يهدد
هو: نشوفو مع لوقت ادا تقعد عند كلمتك خبط لباب و خرج
                                       #Rüyalar
مالازمش هدرتو طلعلي زبل هبطت باش نكمل رحت شفت تيليفوني نلقا ميساج photo حليتو نلقا احلام معنقا واحد  و تصويرة لوخرة يتسالمو و يمشو كيف كيف لاصقين  و داير يدو على كتفها.....  هدوك تصاور ما حبوش يدخلو لمخي مرتي مع واحد للحظة كان عندي امل انه لي بعث داير خدعة لانه هي فدار خوها حتى نلقاها من عند رجال  لي درتهم يعسوها هه.... انا هنا  قعدت كي رخيص نوجد و نصلح علاقتنا و هي مور دهري خاربتها لاعبتها ملايكة و هي بحالها بحال شيطان اعصابي نفالتو وليت كي حيوان لهايج ما نشوف والو قدامي كنت نشوف ظلمة كسرت كل شى ما خليت والو  كان يما جي قدامي مانعرفهاش.ههههههه كي شغل انا نعرفها  ......حكمت قراعي شراب و قاعد نشرب كل ما تجيني في بالي نزيد ف la doz  كلمات خوها و زيد تصويرتها هي و معاها داك سيد مانعرف شحال من قرعة حسيت و لا شكون انا حاجة لي علبالي  بيها انه داخلي ولا ظلام و انه انا وليت انسان اخر  
                                      #Rüyalar
عند احلام:
انا: جواد واش بيك علاه راك تجبد في شعري واش دارلك
هو (بل عياط): وين كنتي جاوبي....  ورماني فل ارض
كانت انفاسو فيهم ريحت شراب
انا: جواد شربت 
هو: ههههههههههههههه واش دخلك  ولا راح تلعبيها خايفة عليا و تحبيني
شفت فيديو كانت معمرة دم و دمو يقطر  نضت رحت ليه شديتها و كنت مخلوعة عليه
انا: جواد يدك فيها دم بزاف
هو:(كان يهدر بتبهليل) راكي خايفة عليا تحبيني.....  ودربني واحد لكف عمري ما خديت كيفو في حياتي
انا: (نبكي) 😭😭😭😭😭😭 جواد واش درتلك علاه تضربني
جا رفدني و وقفني
هو: درتك كل شئ في حياتي كنت مستعد نتخلى على كل شئ و نتي بواش تجازيني؟؟  جازيتني بانه  تكوني فاحضان واحد تاني شدني من يديا و لصقني فيه
هو:  انا نويتك لحلال  ما حبيت نديرلك والو من غير ارادتك مع لاخر واش جزاتي تروحي عند واحداخور
انا: جواد علاواش راك تهدر  فهمني ما راني فاهمة والو
هو: تحبيه؟؟
قلقني بهدرتو و لكف هداك مزالو مأثر عليا)
انا: ايه نحبو CV دورك ديت واش راك حاب تسمع اطلقني و خلاص كلش
(واش داني علاش مشيت واش داني واش من مرقة حرقتلي شواربي) 
خرجت من قبضتو و جيت هاربة شدني من شعري و قاعد يكركر فيا
انا: اييييييييي شعري جواد اطلقني علاش راك ديرلي هكا😭😭😭😭😭😭😭😭😭😭😭😭😭😭😭😭
طلعني دروج و داني للبيت رماني من شعري لسرير
وشفتو جاي ليا بكل هدوء
انا: جواد واش راك ناوي دير
هو: ليوم يرجع زواجنا تاع صح
طاح عليا و انا كنت نضرب
انا: جواد تعيش لالا ماديرش هكا 😭😭😭😭 جواااااد
كان كي لحيوان مايسمعش كان حاب برك يروي غريزتو  على حسابي دموعي ما اثرتش فيه و لا قوتي كان كل ما يدير عفسة يقولي انا نحبك  غير نتي ....مرتي.... نحبك اكثر من اي شئ  نتي حياتي نتي كل شئ كانت ابشع لحظات في حياتي و مهداش حتى شاف دم عفتي و طهرتي قدامو
لتما باسني في راسي
هو: انا اول واحد مسك و اخر واحد.... نحبك
اناكنت غير نبكي و نخبي فل جسد ديالي ماحملتش روحي عيفني فيها  لي يحب  عمرو ما يأذي لي يحبو هو غتصبني و في حياتي ما نسامحو.                     Rüyalar#
درت للجيهة لوخرة و قعدت غير نبكي في حياتي ما بكيت كيما ليوم نضت و كان لجسم تاعي كامل يوجعني حتى قوتي خانتيني لبست ملايتي و انا نرعش رميت خيمار على روحي و خرجت رفدت مفاتح طنوبيل و خرجت  نوضتها و ديماريت كنت حابة نبعد منا قد ما نقدر ما راني حابة حتى عفسة تفكرني فيه
كنت نبكي و ضباب في عينيا كنت نسوڨ بسيف
انا: نكرهك جواد نكرهك
حتى تزدم فيا طنوبيل و تخليني نفقد سيطرة على لفولون و تقلبت بيا طنوبيل... اخر كلمة قلتها هي نكرهك لانسان كنت متوقعة نكمل حياتي معاه و نعيش بسعادة بصح بسبتو و فلحظة غضب خسرني  بلاك راح نموت و نتهنى على اقل هادوك لحظات مانزيدش نتفكرهم 😣😣😣😣
                                  #Rüyalar
عند جواد:
نضت مع صباح راسي كان يقتل ماعلاباليش كامل واش صرا
انا: ايييي واشنو هدا
قعدت مع راسي حتى يجوني des flash  من لبارح  غزرت وين راني...  لقيت روحي فبيتنا و احلام مكاشها
خبطت في راسي
انا: جواد واش درت دمرت كل شئ
شفت فراش لقيت دمها
حطمتها دمرت كل شئ.... خرجت من لبيت و قاعد نحوس عليها فكل بلاصة فل فيلا مكاش قلت بلاك راحت عند خوها طلعت باش نلبس حوايجي  كي كملت  انا غير فتحت لباب يقابلني مولينا
انا: ماشي وقتك درت ديڨا و احلام ما علباليش وين راهي
دنيتو و كنت رايح لدار عصام جرية
هو: ماتشقيش روحك انا علبالي وين راهي
انا: كيفاش علبالك حليت عينيا و قلبي ولا يخبط  رحت حكمتو من شوميز ديالو وقلتلو
انا: ماتقوليش حكموها لمافيا و قتلوها ما تقوليش واش راني نخمم في صحيح
هو: هدن روحك ماماتتش
انا: يمال وين راهي قول ما تلعبش باعصابي 
هو: فسبيطار
انا: اه...... كي قال كلمت سبيطار فشلت  طلقتو من شوميز وقلتلو
انا: راهي مليحة واش داها لتما
هو: اكسيدون زدمو فيها و خلاوها تفقد سيطرة تقلبت بيها طنوبيل كي جانا لبلاغ وشفت طنوبيل كان عمباتلي نتايا حتى نشوفها هي
انا: واش من سبيطار
هو: *********
رحت لڨاراج ديت طنوبيل لوخرة و قلعت بأقصى سرعة
فطريق دموع كان يطيحولي غلطت كي تسرعت و شربت كي ما سماعتلهااش كي ضربتها و كل مانتفكر حالتها لبارح نكره روحي  هدمت حياتنا بيديا.....كان تموت نكون انا سبة من قبل ميليسا و دوركا هي...  انا واحد يخلي ناس يتعذبو حتى لي نحبهم دمرتهم....  وصلت لسبيطار ڨاريت و خرجت نجري و كل ما نقرب خطوة نخاف ما نلقاهاش نخاف تروح و تخليني مانيش قادر نتصور حياتي بلا بيها ....وصلت لacuılle.                   
انا: احلام ***
(بل فرنسي) 
هي: استني حوست فل ميكرو 4 ايتاج شمبرة 50
طلعت فدروج نجري نلقى طبيب خارج من بيتها
انا: دوكتوغ احلام****
وجهو تزبط و نطق
هو: حالتها حرجة بزاف فقدت بزاف دم و عندها كسور بزاف صرالها نزيف داخلي حنا درنا لي علينا
انا: تقعد حية ما تموتش
هو: ادعي
انا: نقدر ندخل
هو: b1 sur 
دخلت نلقاها رقدا بيضا كثر من حليب و في وجها بقاعي زروقة كانو خيوط دنيا كامل لاصقين فيها رحت دنيت ليها قعد قدامها قاعد نمسحلها على وجها  بستها من خدوها
انا: احلام سمحيلي انا اناني رخيص دمرتك غلطت معاك ما نستاهلكش  احلام انا صح نحبك و واش قلتلك كان من قلبي بصح كي خوك قالي طلقها و بلي نتي ماراكيش حابة تقعدي معايا جهلت و زادت كملت كي شفتك مع هداك تحطم كلشي ما حوست نفهم والو من غير انه نقتلك و نقتلو غرت لاقصى درجة  انه جيني مجرد فكرة تكوني ف احضان واحداخور من غيري نتكرز و نحب نقتل اي واحد يجيني فطريقي   حكمت يدها و حطيتو على قلبي
انا: انتي اول اول طفلة تخلي قلبي يتعلق بيك و من اول نظرة... نشفا نهار كنتي بل جبة خضرا و عصابة صفرا هههه هداك نهار كنتي تهبلي نهار لعبنا جعلولة نهار كنتي بين يديا و اروع نهار كي كنا فل غابة و بلا ما ننسا نهار لاول لي شفت عينيك فيهم... كل شئ فيك يخليني نحبك  نعشقك لاقصى لحدود  طفولتك ملامحك اخلاقك تربيتك نظرتك لمرحة للحياة و خاصة كي تكوني تهدري و ماتسكتيش هادو كامل يخلوني مجنون بيك يا احلى شئ فهاد دنيا
اني حاس بلي راكي تسمعي فيا يمال راني حاب نشكرك لانه خليتيني  ننسى شكون انا خليتيني نهدم لحواجز لي درتهم هادي 12 سنة  "صحة حبي" و بستها (علبالكم وين) حبيت انها تبادلني نفس شعور فهديك دقيقة اما والو قابلني  غير لبرود                         Rüyalar#
قعدت نمسحلها في شعرها و كنت على امل انه تفطن قاعد ندعي فكل لحظة انه ربي يشوف ليا و مايديهاش لعندو اني حابها تقعد نكملو حياتنا  ان شاء الله تفطن و نحاول بأقصى جهدي نسيها ف واش صرا....  كنت قاعد حتى رقدت معاها يدي فيدها  غد من داك نضت على امل نشوف ابتسامتها  بصح خاب املي لقيت غير صوت لماشينات يڨزيستي maı هي والو نظت باش نشرب قهوة حتى يصوني تيلفون
انا: الو
موح : وين راكم انا و ملينا رانا قدام دار
انا: راني فسبيطار
هو: واشنو؟!  وا ش صرا علاه راك لتما
انا: راني فسبيطار***** ارواح وجيب ميلينا و قول لعصام يجي فطريقك و كوبيت
تنهدت تنهيدة تاع معاناة وطحت فل ارض شريط حياتي كامل جاز قدامي اليتم الوحدة الكره العذاب حياتي معمرة بيهم وو صلت لدرجة انه كي نفرح نحس بلي دعوى ماشي نورمال.....  قعدت هكاك شاد راسي حتى نشوف ميلينا
هي:  واش صرا علاه راك هنا و احلام وين راهي
انا: احلام دارت اكسيدون و راهي لداخل كومة
هي: و نتا ماصرالك والو
انا: كان غير جات فيا و ماشي فيها ميلينا انادمرت كل شئ بيناتنا ماسمعتهاش ما خليتلهاش فرصة تهدر   ولا توضح موقفها  عنقتني و قاعدة تمسحلي في دهري حتى نشوف هداك سيد جاي لاهنا يجري  انا رحت ليه و ما حوستش نهدر معاه عطيتو ديراكت بونية
انا: كل شئ بسبتك نتايا بسبتك نتا راهي هنا
ميلينا: جواد حبس واش بيك هدا خو احلام
اتا درت ليها و غزرت فيها نظرة تعجب
انا: خوها؟! 
هو ناض طبطبلي فدهري و كي درت عطاني بدبزة
هو: هكا رانا متعادلين و واحد ما يزعف من لوخر  ومتشرفين راجل ختي
لحقو البقية و جا عصام شافنا هكاك انا وياه
عصام: واش صرا هنايا
انا: شكون هدا
هو: خونا انيس لبارح جا
انا: واحلام كانت معاه لبارح
هو: ايه هي جابتو من لمطار وين راهي و واش جابكم لهنا ديجا
ماجيت راح ننطق حتى نشوف طبه يجراو و دخلو لشمبرة تاع احلام غلقو لباب انا حكمت فرملية قلتلها(بل فرنسي)
انا: واش كاين
هي: حبس قلبها رانا نسيو نرجعوها......
كي قالتلي هكاك نفصلت عن دنيا .... حسيتها بلي خلاص ماتت راحت و خلاتني  ماقدرتش نغزر فوجوه خاوتها على خاطش نظزاتهم راح يكون فيه تأنيب ليا انه ما قدرتش نحميها و بسبتي راهي هنا....  قاعد نمشي و ماشفتش مورايا حكمت طنوبيل و قاعد نسوق حتى وصلت للغابة رحت للبلاصة لي قعدنا فيها انا وياها و هاد لخطرة وحدي
عيطت بكامل واش عندي من قوة حبيت نبرد زعافي و اخر اسم نطقتو هو اسم احلام  حتى نسمع صوت نعرفو مليح
هو: جواد صحبي و خويا
ندور نلقاه منير رافد سلاح و موجهو ليا
انا: واش راك حاب
هو(يهدر بعصبية): نمحيك من هاد دنيا حياتي كامل و انا موراك وقت ما تحب نعفسني تعفسني و دورك نقلبت الادوار من ليوم راح نكون انا ف مكانك شحال من سنة و انا نستنى فهاد لحظة بأحر من الجمر  .... شحال وانا نستنى نديلك بلاصتك ونولي كيما نتا و دورك راح نرونديلك servıce و راح نبعتك عند ختك و والديك
انا: ماتجبدهومش على لسانك يارخيص يا****
هو: هههههههه اصبر نقولك حاجة لي كان لازمك تعرفها هادي شحال يعني مع انه متأخرة بصح معليش خير من والو
هو: راح نقلك لحقيقة لحلوة و لا مرة كيما حبيت ديرها  بلال و agat هما والديك الحقيقين هما لي جابوك لهاد دنيا و رماوك
انا: واش راك تخلط واش راك تخرف
هو: باباك كان لازم عليه يخليك  علاخطش لمافيا كانت حابة تنتقم منو يمال غير زيداتك يماك حطك فل ميتم حتى جمعكم لقدر و عاودتو تلاقيتو بصح كي عارفك حاقد عليه ما قالكش لحقيقة هاني انا صاحبك رجعتلك خيرك باش ماتقولش بلي انا غدار و دورك وقت صح باي باي
و تيرا عليا رصاصة ف قلبي ف اكثر مكان موجوع فل جسد ديالي مع لاول ماحسيت بوالو حتى فقدت سيطرة على روحي و نطيح فل فيد (لبحر)  نظن هادي هي نهايتي لي هي الموت من عند واحد اعتبرتو اخ و صديق.......  احلام احسن حاجة صراتلي فهاد دنيا و دوركا راح تكمل حياتها بلا بيا  دورك تقدر تكمل حياتها و كأنها جامي عرفتني  ان شاء الله برك تقدر تسامحني 😢😢😢😢😢😢😢😢😢😢
عندموح:
خو ميلينا مور ماسمع بقلبها حبس راح و خلانا  كامل كانو عندنا تسؤلات و فهديك لحظة تأكد بلي صح يحبها في حياتي ما توقعتو يكون هكا على جال طفلة..... كنا كامل نستناو فكاش خبر عليها حتى نشوفو طبة بداو يخرجو و جا ليناواحد و قالنا( بل فرنسي و ترجمة)
هو : لمريضة راهي مليحة دورك تفطن تقدرو تشوفوها
ميلينا دخلت تجري قبل خاوتها  ههههههه الحمد الله طحت فوحدة قلبها حنين مسكينة شبعت بكا.......  مور ما كامل دخلو انا جيت داخل حتى نسمع تيليفوني  واحد نعرفو داخل  فل مافيا يعني يخدم عند Pablo
انا: الو وي
عبدو: سمعت واش صرا
انا قلت كيفاه عرفو على احلام
انا: واشن
هو: ياو Pablo قتلوه
انا: واشنو (بل عياط) 
هو: والله ياخو هدا واش سمعنا جا هداك منير جمعنا كامل فل مقر ديالنا و قالنا بلي هو لي راح يعود يحكم
انا: كيفاه مات شكون قالكم وين راهو
هو: ماحبش يقولنا و كي سينا نفهمو رفد سلاح و تيرا و قالنا راهو فل بحر ياكلو لحوت
عند احلام:
كنت حاسبة روحي مت و رايحة نتحاسب فل قبر تاعي كي بديت نحل عينيا نلقا واحدة بيضا عينيها زروقا قدامي انا قلت او ما رانيش فل قبر نتعذب.....  حتى حليت عيني مليح نلقها ميلينا و امة محمد كامل عند راسي و تأكدت بلي راني فسبيطار 😭😭😭😭😭علاه ياربي علاه ما ديتنيش
ميلينا: احلام تقلقنا عليك بزاف كان حسبتنا راح تروحي و تخلينا بصح الحمد لله كي وليتي لينا و عنقتني طفلة تبكي من نيتها
انا ماقدرتش نهدر سيت نفهمهم على لما ريقي ناشف ما فهموش غير ميلينا لي جابتهولي كي كملت شربت
انا: نتوما خاوة نتوما جامي تفهموني
انيس: هايليك دورك عاودي ولي كيما كنتي تهنينا من  حسك
انا: عندك زهر راني فل فراش و مربوطة سينو كان راني نضت ليك وريتلك زنباع وين ينباع
عصام: ايا بركاونا نتوما زوج من جياحتكم بغال قد لبغال مزالهم كي توم و جيري وديجا قولي نتي واش صرالك
انا: نشفا اخر مرة كنت فطونوبيل و كنت نسوڨ زدمو فيا و فقدت سيطرة على طنوبيل
هو: كنت تسوڨي و فليل و راجلك وين كان
انا: خلوني طرونكيل خلوني نريح
حتى يدخل موحة  و جهو كان صفر من لخلعة كي شغل شاف جني
انا: ناس يقولو الحمد الله على سلامتك لحمد لله كي راكي بخير  سلامت راسك و نتا جايني بهاد لوجه وقيل ماعجبكش لحال كي وليت حية
هو قعد غير يغزر فيا  مشوكي اوه دعوى فيها لوش
انا: ياو مامتش راني هنا شوفني بشحمي و لحمي و عضامي
هو: الحمد الله على سلامتك يعني رغم واش صرالك غير لهدرة ما تنقصيش منها
انا: ايا طير دسارة غير لخير
هو: راني طاير و انيس عصام ارواحو عندي هدرة معاكم
انا: علاش ما تهدروش هنايا
ما داروش meme po راحو و خلا ني نغلي
انا: بففغفففف سامطين
ميلينا : احلام وعلاش خويا مكانش معاك كي درتي لحادث
انا: ماتجبديليش كامل  عليه خليني منو
هي: علاش؟
انا: خوك رخيص حيوان حمار مايسواش راح نطلق منو و اخر انسان نتمنى يكون ف حياتي يكون هو
هي: علاش راكي تهدري هكا كي كنتي كوما و جينا لهنا كانت حالتو ماشي مليحة كامل.
انا: كان هنا وين راه دورك  ولا نقولك الله لا تردو ان شاء  ماتزيديش تجبديلي عليه  
قعدت مع ميلينا شوية سيات تفهم واش صرا بصح مهما يكون هو خوها مانقولهاش واش صرا. بيني و بينو حتى ولو جرحني بزاف مي كاين ربي  جا موحة باش يروحو هي ماحبتش تروح و تخليني ماشي كيما شئ ناس بسبتهم راني هنا و ما سقساوش meme poعليا  و زادو معاه خاوتي وجهم كيف كيف مايتفسرش
انا: اي واش بيكم علاه وجهكم راهو كي شغل واحد ماتلكم
انيس: كي نتأكدو نقولولك دوركا نتي لازم تريحي
انا: واش راك ترحي يرحم باباك
هو: احلام ما لازملكش زعاف دورك ريحي
حتى تدخل ماريا
انا: كتملت لمجموعة مرحبا بيك
هي: واش صرا علاه راكي هنا
انا: يعني نتهنى من واحد يجي واحد
خاوتي وموحة كانو خرجو و معاهم ميلينا راح يشربو قهوة
هي: احلام هاو حكالي شويه عصام فتيليفون من وقتاش نتي تسوقي ف ليل لحكاية فيها لوش واش صرا بينك و بين راجل
انا: هاكي قلتيها بيني وبين راجلي علاش كامل تحوسو تقرعجو ..... .  اوف راني حاسة بلي حاجة راح تصرا
هي: راكي روطار صرات و راكي فسبيطار 
ميلينا  جات قعدت و هدوك تريو ما بانوش  قعدنا مدة نهدرو انا و ماريا و ميلينا او بل احرى هما يهدرو انا ماكنتش معاهم كنت حابة على اقل نشوفو توحشتو
جاو عصام و انيس سلمو عليا بقاوني على خير داو ماريا  و راحو
قعدت انا و ميلينا بسلامتها شحال تهدر راسي راح يطرطق دورك بديت نحس بل معناة تاع ناس كي نكون انا نهدر و مانسكتش حتى دخل بوخنونة مقارونة يعنقها و يبوسها قدامي
انا: ايييي ما تحشمش 😕😕
هو: راح نقعدو حنا معاك
انا: و هداك علاش ماجاش كان لازم هو يقعد بسبتو راني هنا
موح : خرجلو شغل و كان لازم يروح
ايه دورك دا واش كان حاب.....  دموع بداو يطيحولي لا اراديا حسيت روحي من هدوك تاع زنقة  حتى جي ميلينا تعنقني و تمسحلي في دهري
هي: هو يحبك و كان شفتيه كي قالولو قلبك حبس كيفاه ولا يمال امسحي دموعك خويا و نعرفو باين خرجتلو حاجة مهمة باش كان يلزم عليه يروح و خلاك معنا يكون فعلمك حنا ماراحش نخلوك
انا: حابة نفهم واش هي عفسة مهمة كثر مني... ميلينا نحبو رغم كل شئ مدابيا كان يكون هنايا دوركا
هي: يولي ماتخافيش و تنتقمي منو كي خلاك و حدك و انا راني معاك ايا دورك ارقدي تصبحي بخير
انا: ونتي بخير
                                  #Rüyalar
                               "بعد اسبوع"
عند احلام:
جازت سمانة دورك و انا هنا كرهت حياتي و هو كامل ما بانش كل ما نسقسي خاوتي يقولولي عندو شغل برا لبلاد ما يقدرش يولي حتى ولو كان شغل بزاف مهم انا مرتو يسقسي عليا يهدر معايا يا ولو بتيليفون و لا انا مانستاهلش 😖😖😖😖😖😖😖😖😖😖😖😖
ليوم نخرج خويا قالي نروح عندو لدارو انا ما لقيت مانهدر اصلا واش لازم نقول  meme po سمانة من يلي تزوجت صرالي كامل هاد شئ
عصام و انيس دايريني بين عينيهم كي ڨارينا و شفت داري انا و جواد قلبي بدا. يوجعني كان ماشي يدي و رجلي مكسرين يشوف كان راني رحت كسرت بابا هديك دار  خلي نهار يولي يشوف شكون انا ضحكت بزاف معاه والله غير نوريلو شكون انا
طلعت لبيت ريحت حتى جا وقت لعشا  هبطني انيس كنا قاعدين و كان سكات سيد لموقف ماشي كيما لعادة ضحك و لعب وتمسخير كانت لكآبة مسيطرة علينا....  حتى ينطق عصام و كان غير ما هدرش
هو: احلام بعد ما تبراي تروحي لدزاير خلاص كولش دورك
انا: كيفاه خلاص واش راك تخلط
هو: ما بقاش كاين Pablo ني في حياتنا ني في حياتك
انيس: ياخو بعقلك ماشي هكا
انا:(بل عياط)  : واش كاين اهدرو  ما راكمش تشوفو لحالة لي راني فيها ما راني قادرة لحتى صدمة وحدوخرا
انيس جا عنقني و قالي
انيس : ربي معاك ختيتي و يعطيك صبر راجلك مات
انا: هههههههههههههه واش هادي poısson davrıl  فشهر اووت و لا كيفاه ياك راهو فل خارج و عندو شغل بركاو من جياحتكم
عصام: ماحبيناش نقولولك كي كنتي فسبيطار مي علبانا دورك كي خرجتي تحبي تهدري معاه الوغ قلنالك
انا:(بل عياط) : بركاو من كذب  تقتلو ناس و هما حين
انيس و ماريا : احلام تهدني زعاف ماشي مليح ليك
انا: بعدو عليا نروح لداري ما نسحقكمش
جيت نايضة باش نروح
عصام: هو تزوجك باش يحميك كانو يهددو فيه بانه يتعرضو ليك و يقتلوك و صرا لعكس و قتلوه هو دورك راه عند مولاه يتحاسب
درت ليه
انا؛ اسكت ما تزيد حتى كلمة بلع ما علبالك بوالو نتايا
عصام: نزيدلك صحبو لي قتلو باش يدي بلاصتو فل مافيا قتلو و هنا لعيباد منو  ما قدروش meme po يلقاو جثتو رماه فل بحر و لحوت كلاه
انيس : عصام خلاص بركاك من لهدرة زايدة و بلا معنى
انا كنت محطمة قاعدة غير نقول
انا: اسكتو مانيش حابة نزيد نسمع و دايرة يديا على ودني و نبكي
انيس : امشي نديك لبيتك ختي ايا
انا: انيس تعيش اديني عندو اديني لداري
انيس : ختي ماشي مليح ليك لازم تريح
انا: مأه اديني عندو لدارو
هو: اوف ايا امشي 
لبسلي ملاية و خيمار و خرجني يعاوني فل مشية  كي خرجنا كان ضو فدار للحظة كان عندي امل انه يكون حي و نتلقاها نحضنو كيما جامي حضنتو كي وصلنا طبطبت كي لمهبولة على اساس هو يجي يفتحلي بصح خاب ظني
ميلينا حلتلي لباب و ترمات عليا عنقتني كانو. عينيها حمورة من لبكا                        Rüyalar#
انا: ميلينا وين راهو صح واش قالولي خاوتي
هي: 😭😭😭 مات احلام مات راح و خلانا  خلاني كيما كامل  هداك منير طعن خويا فدهرو على جال دراهم و لمكانة فل مافيا 
انا: و كيفاش تأكدتو بلي صح مات
هي: رماه فل بحر  قعدو سمانة يحوسو عليه ما لقاو والو من غير سلسلة لي كان دايمن دايرها ف رقبتو على شط لبحر
انا: يعني صح
هي واستلي ايه براسها و بدينا نبكو بين 2  اني حابة نعاود نولي نهار لي قلت لموت تديه ماكانش قصدي كنت فلحظة غضب  مانيش حاباتو يموت  واش صرا كامل بيناتنا ماقدرتش نحقد عليه انا نحبو و حبي ليه كل يوم راه يزيد فداخلي
انيس : حلوم ايا نروحو دموعك خلاصو من لبكا
انا: مانجيش نقعد هنايا
هو: اني رايح الا كاش ما سحقيتي رانا هنا
انا واسيتلو ايه براسي  باسلي راسي و راح
قعدت غير انا و ميلينا
انا: علاش ما جيتيش قلتيلي ميلينا
هي: كنت نحب نجي بصح عصام ماخلانيش نشوفك قالي خلاص ما بقات حتى علاقة بينا و بينكم
انا: كي نولي لباس عليا نوريلو
هي: احلام نتي لي قعدتي من ريحت خويا و راح تقعدي تحت عينيا علبالي بلي كان جا هنا راح يفرح كان يشوفني متهلية فيك و يعجبو لحال ايه و حقا ... ناضت طلعت دروج و خلاتني وحدي  و كي ولات جابتلي سنسلة
هي:  هادي لازم تكون عندك
انا: جامي روماركيتها فرقبتو
كانت سنسلة فيها زوج وجوه وجه  فيه تصويرتي انا وياه كي كنا نشطحو slow  و لوخرة تصويرة قديمة  فيها bebe و مراة
انا: شكون هدو
هي : نظن جواد كي كان صغير مع يماه علبالك كي شفت تصويرة اول مرة شبهتها بيما بزاف بصح تصويرة قديمة و ماتبانش مليح و زيد صغيرة لمهم هدا تذكار منو بلاكي تنسايه
انا: هه مستحيل ننسى لانساني لي دالي قلبي و بما انه مات قلبي مات معاه 
انا: نروح نرقد و تصبحي بخير صحيتي على سنسلة
هي: اصبري نعاونك تمشي
عاونتني حتى وصلت للبيت بداو يولولي des flash  من هداك نهار طاحتلي دمعة و زيرت على سنسلة هي كي شافت دمعتي قالت
ميلينا: ادا اذاك سمحيه تعيشي
انا: مسمحاتو دنيا و اخرة و ميلينا خليني وحدي هنايا
هي : كيما تحبي تصبحي بخير
قعدت فسرير و اطلقت لعنان لي دموعي دورك هو مكاشو راح و خلاني.....  كان كل واحد يقدر يولي للماضي  كان كل واحد غير عفسة صرات في حياتو عفسة حطماتو و دمراتو بصح ياللاسف مانقدروش  خلالي ذكريات حلوة و مرة محفورة في قلبي...  كيفاه نعاود حياتي بعد كامل واش صرا كيفاه نولي احلام لي كانت من قبل كل شئ راح يتبدل 😞😞😞😞😞Rüyalar#😞😞😞😞😞
                             "  بعد شهرين "
عند احلام:
جوزت اصعب شهرين  في حياتي جسديا و نفسيا و ليوم نروح لسبيطار باش نحي لبلاطر  شهرين جازو كي ريح باش دنيا توريلك بلي حياتك ماتحبسش عند بنادم مات ولا راح و خلاك دنيا ماشية بيك و لا بلا بيك.......   ميلينا جات معايا ماكانتش حابة تخليني وحدي و كان قدرت كل يوم تكون معايا بصح عصام ما يعجبوش لحال انيس ولا لدزاير هادي شهر ما حبش يزيد يقعد كنت دايمن نسقسيها ميلينا علاش راكي ديري هكا كانت تقولي خويا يحبك و نتي امانة من عندو و علبالي وين راهو مدابيه ختو تعتني بمرتو  و فطفلة لي حبها
                                 #Rüyalar
هاد شهور جوزتهم زمر  دوخة كل يوم قيا و دعوى ماتعجبش كامل  لماكلة ما وليتش نحملهاتتصورو  انا احلام***** درت لاطاي  لمهم كي رحت لسبيطار  قلت لطبيبة دارتلي test  و نحاولي هداك لبلاطر  الحمد الله تعذبت بيه و قاتلي غدوة من داك ارواحي ادي rèsultat
سيك ما قدروش انه ما يشوفونيش ميلينا وصلتني لدار و خلاتني و قاتلي بلي هي جيبهوملي 
دخلت قاعدة نلعب مع سرين نلعب معاها و مانحملش كي تبكي و لاتزعف تقطعلي قلبي كثر من لاول حتى يجي عصام  و ينطق
هو: منا على شهرين تروحي كي تخلاص لعدة تاعك اصلا ما فهمتش علاش درتيها  و راني وجدتلك كل شى
انا: يعني ماراكش مأمن و قتاش نروح بففففففف نضت و خليتو لازم يكحس عليا نهاراتي  طلعت لبيتي  تكسلت فسرير حكمت سنسلة جواد ورقدت من شهرين وانا هكا كي نشوفها نحسو بلي راهو معايا و ما خلانيش  بعدة مدة رقدت  مانضتش حتى غد من داك  نوضتني لاصونيت  و نسمع لهدرة لتحت و جايبن يجرو فدروج ياربي واشنو هدا لعسكر دخلو لدار و لا كيفاش حتى نشوف باب تاع بيتي تحل و قريب ما طار فسما و ميلينا تجري و تتشبك عليا و من بعد ناضت
هي: سمحيلس ياك ماوجعتكش ما صرالك والو
انا: سي صرالي نوضتيني من رقاد ديجا يرحم باباك هاد لفرحة منين جايبتها 😑😑😑😑😑😑😑😑😑😑
هي : احلام ما راكي حاسة بوالو
انا: راكي من نيتك تسقسي شوفي ادا ما عندك والو عاودي ولي منين جيتي و خلي ناس ترقد 
انا غير درت كوفيرطا على راسي  تنطق
هي: احلام راكي enceınte
انا: 😮😲 😱😨 واش راك تهدري احشمي نوضي منا
هي: احلام وليد خويا راهو يكبر فكرشك راني فرحانة هادي اجمل هدية 😍
انا: ميلينا واش راكي تهدري اصلا هاد شي ملازمش و كيفاه صرات و خويا ايا بركاي من تمسخير
هي: احلام ياك خويا راجلك و هدا لي راه فكرشك  جا فل حلال
انا: واحد ما علبالو بلي راني مزوجة يا طفلة من غير خاوتي و نتوما
هي: اوف هامليك resultat
انا بديت نقرا حتى وصلت وين" ايجابي حامل"  اه ياربي دوركا انا كيفاه ندير مع انه كل واحدة حلمها تولي ام  بصح ماشي بهديك طريقة و لا فهاد لوضع دورك يزيد يتيم  بلا اب و راني خايفة يعاني من هاد شئ  بصح رغم كل شئ راني فرحانة لانه هدا ثمرة حبنا و يكون وليد احلام و جواد  وليدنا حنا 2                          Rüyalar#
ميلينا: امشي نروحو عند طبيبة باش نشوفوه
انا: لالا هبلتي كان عصام يعرف
هي: خليه يعرف هدا وليد خويا و من حقي نطمأن عليه  كان جا هنايا كان راه دار عرس كنت دايمن نشوف نظراتو كي يشوف دراري صغار مع اهلهم دمعة تكون بين عينيه
جات عنقتني و بدينا نبكيو في زوج
انا: راح تكون اروع و افضل عمة فهاد دنيا
هي: ايا خفي نوضي خليني نشوف وليد خويا
وجدت روحي على سعدي قلنالها لماريا بلي راني رايحة عند طبيبة و خرجنا  و ديمارينا
انا: ميلينا ما تقوليش لموحة  و مانسحق حتى مخلوق يعرف
هي: واشنو هبلتي الفرحة لي راني فيها كان لقيت لي يجي جايز ف طريق نقولو  هادي انسايها  ما تتصوريش فرحتي قداش قطعة من خويا راهي جاية لدنيا  و تخليني نتفكرو طول حياتي
انا: علبالي راسك يابس على لبيطون الوغ ما نكسرش راسي
وصلنا و دخلنا عند طبيبة كانو كامل نسا قاعدين مع رجالهم كرشها واصلة لفمها و راجلها شدلها يدها يعاون فيها اااااااه يا جواد علاش رحت و خليتني وحدي 😭😭😭😭😭
ميلينا قالتلي دورك نولي زدت حسيت بل وحدة كثر لي راهو مصبرني هو هاد لمخلوق لي راه ينمو داخلي
ميلينا: هاو جاي موحة
انا: ديجا وصلتيهالو
هي: نو مزال كي يجي و نقولو
جات دالتي و دخلنا طبيبة بدات ديرلي echo و قالتلي
هي: (بل فرنسي و ترجمة)  : في عمرو شهرين راهو فصحة مليحة بصح لازم تحادري على روحك هادو اصعب شهور لازم تبعدي على لقلق و زعاف و فدار لازم يساعفوك   انا قلتلها في قلبي كان لازم عصام يجي و يسمع و كملت عليا كي كملت هدرت
هي: مدام حذاري اي خطأ قادر  يروحلك bebe 
انا خفت غير هادي لالا مانيش حابة نخسر جواد صغير
ميلينا قاعدة غير تتبهلل مع وليد خوها كي كانت تشوف فيه
عطاتلي طبيبة فيتامينات و خرجنا من عندها  و يقابلنا موحة
هو: واش كاين واش جابكم هنايا  اومبعد بتسم و عاود نطق حكم ميلينا من خصرها و قالها
هو: ماتقوليليش بلي راكي enc  مسكين ما جا راح يكملها
حتي تقولو
هي: لالا ماشي انا
هو: يمال واش جابك هنا و احلام لاه جبتيها
هي: وليد خويا راه جاي لدنيا موحة و عنقاتو
سيد قعد يغزر فيا مشوكي
هو: امشو نهدرو ف بلاصة واحدوخرة
انا: ناس يقولو واش راكي كيفاه راكي مبروك عليك علبالك وجهك لمنحوس هو لي جابلي لمشاكل
روحنا ركبنا فطنوبيل
موحة: دورك واش ديري راح تباصي علبالك راح  تكوني وحدك و عصام ما علباناش واش راح تكون ردة فعلو
انا: ياك باباه معروف شكون راني مزوجة خلاص ما كاين حتى مشكل
هو: باباك و يماك كي يسمعو يروحو ديراكت لجبانة علبالك بيها هادي
انا: بعيد شر عليهم و ما علباليش واش ندير كي يزيد و نسموه بوزيد 
وصلوني لدار قعدت فصالون مع تيليفيزيون و فجأة نفحتلي ڨاتو بيمو تانڨو و حليب بتشيكولا
انا: عصامو خويا لعزيز لي ماكاش خير منو فهاد دنيا
هو: خلينا نتجاوزو هاد لفصل و نروحو للمفيد واش تسحقي
انا: ڨاتو بيمو تانڨو و حليب سخون بتشيكولا
هو: كي تروحي لدزاير و كوليه
انا: بصح راهي نافحتلي دورك
هو: واش قالولك عمي قدور لپيسري راهو تحت دار باش نروح نشريلك
انا: راني حابة ناكلو دورك دبر راسك جيبهولي
هو: استغفر الله يا ربي واش درت باش يكون عندي اخت كيما هادي 
هو: راكي تتوحمي عليا واقيل نتي
هادي هي لفرصة تاعي
انا: ايه راني نتوحم
هو: نوضي عليا كسرتيلي راسي
انا سڨمت لقعدة تاع و قلتلو
انا: عصام راني enceınte ماريا كانت رافدة سنيوة و جايبتلي حليب بشيكولا طيحتها
هو: واشن هاد لهدرة هدا كامل علجال بيمو
ماريا: ماراكيش تتمسخري احلام ياك كي كنتي تتقياي و لوجع علاخطش راكي...
انا: ايه
عصام ناض بدا يدور كي لمهبول
هو: كيفاش و قتاش هاد شئ يا ربي واش ندير دورك
واش نقول ليما و لبابا
انا: عصام واش بيك خايف ماكنتش فل حرام افهم  كنت مزوجة فل حلال و هاد لولد راح يزيد و يصرا واش يصرا  هو خرج و خلانا
ماريا جات عنقتني
هي: مبروك عليك و ماديريش على خوك مع لوقت يوالف و تواتيك لامومة
انا: صحة ماريا
هي: شحال في عمرو
انا: شهرين
هي: يا عمري شحال مزال صغير هكا كي يجي يلقا سرين و يلعبو كيف كيف
انا: ان شاء الله
"انا احلام ف عمري 23 سنة راجلي مات مور سمانة من زواجنا  و راني حامل  منو..... كل يوم يجوز و انا دايما وحدي مع انه ميلينا و خويا ما خلاونيش ايه رضا عصام و قالي وليدك راه كيما بنتي و راهم واقفين معايا بصح يقعد هداك لخوف راح نواجه صعوبات وحدي ماراحش يكون معايا جواد ماكاش لي يحمينا  مكاش جواد لي  يسندني فهاد دنيا..  كان حاب يجي وليدو لهاد دنيا و يكون معاه فكل لحظة يشاركو فاول خطوة اول كلمة... نهار يدخلو لمسيد بصح القدر قرر شئ اخر
كرشي راهي غير تكبر و كل يوم نتحسس وليدي ايه  ولد راح يجيني كي قالتلي طبيبة فرحت هكا باش نقدر نسميه على باباه جواد صغير ربي عطاهولي كأجمل ذكرى من انسان حبيتو بجنون و من كل قلبي و ما عمري ننساه دورك وليدنا فعمرو 7 شهور و راني نستناه يجي بفارغ صبر و نعطيه كل الحب والحنان 😘😍😘😍😍😘😍😍
*****************************************mzel kayn des partıe maı ma b9ach bzef 3la la fın ra7 nssıyı f had lyoumıne nkmlha
Za3ma jawad ywalı l7yat??? W kıfh 7ata wla mn lmout nchlh f les partıe ljayın ta3rfou allah yfar9na bla dnoub ya mn 3ach w lı rahoum ypublıyıw f la chronıque hadı 9oloulı wach mn groupe esq FL FB wla f ınsta Bach na3RAF ray nas pıce 😁😘