Big or Small lias are lias

Part 27

..
ناظرت الساعه كانت ٢
لي اربع ساعات و انا اتقلب بفراشي ما جاني نوم لان كنت احس بذنب في داخلي
قمت من السرير و رحت جلست عند الكرسي الي قدام الشباك جلست اناظر الشارع و تنهدت و انا افكر بكلام فيونا الي شغل لي بالي . كريس تنهدت مره ثانيه و انا اشوفه و جهه في خيالي شعره الاشقر الناعم عيونه العسليه خشمه مستقيم و شفايفه الزهريه كنت اتمنى اشوف شعره نازل على وجه دايم اشوف شعره مرفوع من قدام و بعض الاحيان اشوف خصلات طايحة على وجهه ولا طوله و اكتافه العريضه و اتذكر يدينه القويه لما تلف على خصري بعثرت شعري و انا اهمس لنفسي : لازم اعتذر له
لمحت شي في الشارع قطع تفكيري كنت اناظر شي في الظل و كأن واحد واقف يناظرني و الاغرب و الي اول مره اشوفه عيونه الذهبيه نوعاً ما كان يذكرني بالذيب الي جاني اتوقع في حلمي  بس هاذي المره بهيئة انسان ما كانت واضحه ملامح وجهه ووقفت و قربت من الشباك ابي اشوف
لما حسيت بأحد مسك يدي التفت و شفت فيونا وهي تحك عيونها
و تقول : وش قاعده تسوين ؟ فيك شي
قلت : لا لا يلا نرجع نوم
التفت اخر مره على الشباك و اختفت العيون الذهبيه
.....
في حصة الانقليزي
كان كريس ما يناظر للجهه الي انا قاعده فيها ابد
و حسيت بشي بداخلي يحزن
تنهدت و انا اناظر من شباك المدرسه
اما كريس خذها فرصه : حلوا تمرين D
كانوا الطلاب ملتهين في التمرين اما انا كنت الوحيده
الي رافعه راسي و مسندته على يدي و اناظر من الشباك
سمع تنهيدتي و هو يناظر عيوني الي لمح فيها الحزن
حس بقلبه يلين لي اكثر و بعدها تنهد و رجع وجهه البارد
و كل هذا و كانت ملاحظته فيونا الي كانت ترقص رقصه صغيره
مع نفسها بحماس من الي تشوفه قدام عيونها
..
كنت واقفه عند اللوكر حقي و ادخل كتبي و باخذ كتبي للحصص الثانيه حسيت في احد يربت على ظهري
التفت و شفت تاو وقلت انا ابتسم : اوه استاذ تاو اهلا
ما كنت ابي الفت انتباه الطلاب اني اناديه باسمه بس
سكرت اللوكر وهو ابتسم لي : كيفك اليوم
مشيت معاه لان اصلا هو علينا الحصه هاذي و انا اهز راسي له و قلت :بخير وانت
هز راسه ب لا قال بطريقه مباشره :كريس متضايق مره من امس
تنهدت يوم جاب طاري كريس
و قال : و تعرفين كيف تأثير كريس علي اي شي يضايقه بيضايقني
تنهد. بعدها قال : ما شفتيه امس يوم سأل عنك و الكل قال انهم ماشافوك كان خايف عليك و حقيقةً اول مره اشوف ييفان يتصرف كذا
ناظرته باستغراب : ييفان !
قال : اوه ايه هذا اسم كريس الحقيقي بس هو يفضل كريس
هزيت راسي له
و بعدها تنهدت للمره مدري كم و قلت : عادي تسمح لي جزء من حصتك يعني ودي ..
قاطعني وهو يبتسم ابتسامه واسعه و بحماس و قال: اكييد اذا تبين لا تجين كل الحصه و بقول لفيونا تسجل لك الملاحظات
قلت و انا احك رقبتي بتوتر : متأكد ؟!
قال : ايه يلا شوفيه بمكتبه
خذت نفس و ابتسمت له و قلت : شكرا تاو
حضني فجاه و ضحكت و انا اربت على كتفه و اقول : تاو احنا بالمدرسه
بعد عني وهو يضحك و قال : الكل بحصته
ابتسمت له و بعدها مشيت و تاو كان وده من الحماس يحضن الجدار معاه همس : انا متأكد ان كريس هيونغ بيشكرني بعدين
تنحنح و زين ملابسه  و راح للفصل
وقفت الباب بتردد اطق الباب ولا لا
خذت نفس و غمضت عيوني و طقت الباب
ثواني و فتحت الباب و ياليتني ما دخلت او فكرت اني ادخل
رمشت كم من مره بصدمه
بعدها تحنحت و تجمد وجهي و قلت : اسفه على المقاطعه
على طول طلعت و سكرت الباب و بدون ما اشوف رد كريس
و امشي بخطوات سريعه كنت اهمس تحت انفاسي : ما قد شفت اغبى مني يا ليتني ما سمعت كلام تاو هه حتى كنت مهتمه بعصبية كريس علي
حسيت بقلبي يعورني رفعت عيوني و شفت لوهان
لوهان : هانا فيك شي ليه وجهك شاحب كذا؟!
قلت : ولا شي امم لوهان عندك حصه ؟
هز راسه ب لا قال : خلصت حصصي
قلت : عادي اذا كنت فاضي ابي تطلعني من المدرسه
لاحظت لوهان التفت للجهه الثانيه
التفت و شفت كريس كان يمشي بخطوات سريعه لنا
على طول : قلت انا بستناك برا
و مشيت بسرعه ما كنت ابي اتناقش معاه
كان كريس يناديني بس اصلا ما كنت سامعته
و مكمله مشيي لوهان مسك يد كريس و ناظره وقال : وش سويت هاذي المره يا كريس؟
قال : كل شي فهمته هانا غلط لوهان
تنهد لوهان و قال : خلها الحين كريس بروح معاها و بفهم منها كل شي
تركه و مشى يلحقني
....
ركبت مع لوهان بدون ما انطق بكلمه
قرر بنفسه لوهان يروح لنهر الهان و كان بين فتره و فتره
يناظر وجهي الخالي من المشاعر
معادا عيوني الي كان فيها لمحه من الحزن
نزلنا من السياره و جلسنا على واحده من الكراسي
خذت نفس عميق اهدي نفسي و ناظرت لوهان الي كان يربت علي يدي
و قال :وش صار بينكم و بين كريس هاذي المره
تنهدت سكت لثواني و بعدها قلت : كنت جايه اعتذر له عن الي صار امس و لما دخلت المكتب دخلت في وقت غلط يعني كانت جالسه في حضنه وحده
لوهان عرف مين هي و فهم ليه قال كريس اني فاهمه غلط
قال : هانا انتي فاهمه غلط الي شفتيها تكون اخت كريس من الرضاعه
تصنمت في مكاني و قلت : هاه!
ضحك و قال : اسمها كريستال و تكون اخت كريس من الرضاعه
واضح الغيره على طول اشتغلت عندك
قلت و انا احس اذنين صارت حمرا من الاحراج: اي غيره وش تخربط بس حسبت اني دخلت في وقت
ضحك مره ثانيه و قال : ايه ايه دخلتي في وقت غلط
قلت : لوهاان
قال : خلاص طيب طيب بوقف
شاف عربه تبيع ايسكريم و وقف : استني هنا شوي
بعد تقريبا خمس دقايق رجع ومعاه اثنين ايسكريم و عطاني واحد
و قال : خذي هاذي تعبيرا عن اسفي لك
ضحكت و انا اخذ الايسكريم واشكره
.....
نزلت من السياره
و لفيت عليه وقلت : شكرا لوهان
ابتسم و قال : ولا يهمك
و مشى
لفيت على مبنى المدرسه و شفت فيونا مكتفه يدينها
ضحكت و انا امشي له
و قلت : قبل ما تلاغيني في شي صار اليوم مهم
قالت : امانه يلا اجل تعالي قولي لي في السياره
سحبتني بسرعه و ركبتني
و بديت  اقولها السالفه و ما بقى شي الا و اتهزت فيني
المهم وصلنا  و بدوا يشتغلون فينا من مساج ولا ماسكات و كل انواع العناية بالبشره
رحنا بيتها و كانوا ينتظرونا المصممين هناك
و بعد كل هذا كنا مره جوعانين فا مابقى شي الا كلناه
على الساعه ١١ كنا نايمين بتعب بعد هذا اليوم الطويل