Big or Small lias are lias

Part 43

كريس : هذا بعدين نتكلم عنه
هزيت راسي بتفهم و انا احس بغرابة الموضوع لكن تجاهلته
قلت : و بس هذا كل شي صح
بيكهون : و ايه نطير
شاف عيوني توسعت
فطسوا ضحك تشانيول و بيكهون
بيكهون : امزح امزح معاك مب لهدرجة
رميت المخده الي جمبي عليه
حسيت بجوالي يهز بجيبي تذكرت اني حاطته سايلنت
شهقت و ناظرت الساعه كانت ١١ الليل
كنت عارفه انهم اكيد الحين  في حالة استنفار عندهم هناك
وقفت بسرعه و طلعت الجوال من جيبي
و رديت بسرعه
كانوا اكسو يناظروني بتوتر وهم يحسون بتوتري العالي
خذت نفس و قلت : اهلا يونغوك
بعدت السماعه عن اذني لما سمعت صوته العالي
يونغوك : هاناا وينك لنا ثلاث ساعات و احنا ندورك
انا حذرتك انك ما تطلعين بدون حمايه قلت لك اذا تبين اي شي خليني معاك ما تدرين قد ايش خفت عليك و فيونا قاعده تصيح تحسبك انخطفتي. و غير كل هذا ما تردين على جوال لمدة ثلاث س.....
كنت اسمعه و انا امشي عن اكسو لكن ذي المره ادري انهم بسمعون كل شي حتى لو كنت بعيده عنهم
قلت : يونغوك اهدى انا بخير مافيني شي  و اسفه اني ما رديت لان كنت مشغوله شوي و صار لي ضرف طارى و رحت له و اسفه اني خوفتك لكن انا بخير و انا الحين مع ناس اعرفهم ولا تخاف بكره برجع الوقت تأخر الحين ما اتوقع اني..
سكت لما حسيت باحد يحضني من وراي حسيت و كأن انفاسي انقطعت كنت عارفه مين يدينه الي كانت لافه على خصري
خذت نفس اهدي دقات قلبي و انا اسمع يونغوك يناديني
قلت : يونغوك انا ..
سمعته يتنهد و انا ادري انه زعلان مني الحين
و قال : بسألك للمره الاخيره متأكده انك بخير ؟
قلت : ١٠٠٪‏ و قل لفيونا اني بخير مافيني شي و بشوفها بكره
قال : هانا !!
قلت بضحكه : واو يونغوك و اخيرا نزل مقامك لي هاه ما توقعت انك بتخاف علي لهدرجه ولا ما تقدر تعيش بدوني
ناظرت كريس الي لف يناظر وجهي و مركز في الجوال و كنه بيفجره
سمعت و اخيرا ضحكة يونغوك : يمكن كذا
ابتسمت و قلت : تصبح على خير
و سكرت منه و رجعت دخلته في جيبي و لفيت و عليه
قلت و انا ابتسم ببراءة و انا اشوفه يتكتف : وشو !؟
قال : وشو ها !! مين يونغوك
قلت : هو يعتبر صديق لي
لما شفت نظرته لي ضربت يده و قلت : من بدايتها غيره كريس
تنهد بقلة حيله مني و شفته فجاه حضني
و قال : ما اقدر اتحمل احد يشاركني بشي ملكي
هنا انا صنمت كانت كلمته ذي حسيت بقشعريره تنتشر في جسمي تنحنحت و انا احاوط يديني على رقبته
جيت بتكلم لكن شفت سيهون دخل وهو يبتسم بمكر
و قال : تعالوا يا طيور الحب جهزنا سينماء
حسيت بخدودي حمرت و انا ابعد عن كريس
الي كانت الى الان يده تحاوط خصري و احنا نمشي ورا سيهون للصاله
الي كان كلهم قاعدين فيها و كل واحد منهم خذ المكان الي يريحه الي جايبين فرش و منسدحين على الارض
و الي قاعدين على الكنبه
كان حواليني اكل و كان طول الوقت و احنا نشوف الفيلم و الاكل يدور بينا لكن كل هذا في بداية الفيلم و حماسه
من وصلنا لنص الفيلم و الاغلب ناموا
و منهم كريس الي كان متعلق فيني و كني بروح و دافن وجهه برقبتي و تاو الي نايم على رجليني
و ما كان الا انا و دي او و تشومين الي كنا لسا نقاوم النوم
طلعت جوالي و بالخفاء صورت كل اكسو وهو نايمين
و صورت كريس وهو نايم بهدوء و ابتسمت
رفعت يدي و مسحت على شعره الناعم الي اشتقت لملمسه
بعد ثلاث شهور و بالنسبه لي كانت كأنها ثلاث سنين
وقتها شفته فتح عيونه لما حس بلمستي له
كان مشتاق انه يفتح عيونه و يقابل عيون ثلجيه الي كان هايم فيها شافني ابتسمت ابتسامه صغيره له
اما هو كرد لي باس خدي بنعومه و رجع يتمسك فيني اكثر و يدفن وجهه برقبتي و سمعته يتنهد براحه
فصخت الجهاز من اذني و ذي المره معد صرت اسمع لا التلفزيون ولا صوت نفس كريس بس كنت احس بنفسه على رقبتي
و بدون ما احس نمت و انا بهاذي الوضعيه
  ......
قمت من النوم و احس باشعة الشمس على وجهي
انا مدري كم مره انسى اسكر الستاير
تنهدت : فيونا سكري الستاير
و سحبت المخده و غطيت وجهي فيها
ما سمعت رد فيونا
استوعبت اني شايله الجهاز
مديت يدي على الكمدينه الي جب السرير عادة يكون عليها
و لقيته و رجعت حطيته على اذني
وقتها حسيت بيدين تحاوط خصري
فتحت عيوني بسرعه كردة فعل استوعبت بعد ان كل الي صار
ما كان حلم زي ما كنت انا متوقعه
سمعت صوته الخشن : صباح الخير
هنا حسيت بجسمي يرتاح
ولا ارادي مني ابتسمت و انا اقول : صباح النور
لمس باصابعه الجهاز الي على اذني
رمشت كم من مره احاول اصحى اكثر
و انا اسمعه يقول وهو الى الان يلمس اذني : ماقلتي لي عن كيف صوتي
ناظرت بعيون فيها النوم و قلت : مزعج
ناظرني بتفاجئ للحظه ما توقع اني بقول كذا
ضحكت و انا اقول : امزح يعني هو نوعا ما في نسبة ازعاج
ضحكت مره ثانيه و انا اشوفه عقد حواجبه
قربت منه و دفنت وجهي بحضنه و اتنهد و اقنع نفسي الى الان انه مب حلم و قلت : مثل ما توقعته
حسيت باصابعه بدت تلعب بخصلات شعري
كنت اشم ريحته الي اشتقت لها و انا قول بهمس: يحسسني بالامان مثل ما تخيلته ما كان الي مره عالي ولا الي واطي صح انه اخشن من الي تخيلته لكن هادي و نبرتك متزنه ولا تخاف مب مزعج
و طلعت مني ضحكه صغيره على اخر شي قلته
بعدت عنه و انا اقول : يلا لازم نقوم
كنت احاول اخفي وجهي الاحمر لان لما وصفت صوته كنت مخفيه وجهي بحضنه
سمعت تذمره وهو يقول : ليه تحبين تقطعين مثل هاذي اللحظات
قلت و انا ارفع شعري : لان خلصت هاذي اللحظه و يلا قم
و بعدها دخلت الحمام و غسلت وجهي و رتبت نفسي
تنهدت ادري اذا رجعت الحين لازم اشرح للعم حون و انا متأكده انه بيفهمني لكن يونقوك الى الان ما قدرت افهمه بشكل واضح
بعدها طلعت و شفته منسدح و حاضن المخده الي كنت نايمه عليها
لحظه توني استوعب اني في غرفته
و كالعاده كان اثاثها اسود ليش يذكرني بهيئة كريس الثانيه
نفضت هاذي الافكار من راسي و قلت : كريس !! الى الان ما قمت يلا قم ، ااه ما منك فايده
ما شفت منه اي حركه رحت عنده و جيت بسحب المخده الي كانت معاه لكن بدال ما انا الي اسحبها سحبني انا  و رجع حضني
عقدت حواجبي و ناظرته وهو مغمض عيونه ولا كانه سوى شي
شوي و شفت ابتسامته وهو يقول : لا تناظريني كذا
انتم ملاحظين انه ما فتح عيونه
رمشت كم من مره و تنهدت و قلت ذي المره بهدوء : كريس !! ممكن تقوم
فتح عيونه و قلت : لو سمحت ، اكيد هم ينتظرونك تحت و تأسف لهم بعد
هنا رفع حواجبه
قلت : انت تدري انك متعبهم كل هاذي الفترة كريس ما تدري كيف لما شفت تاو قبل كم من يوم واضح انه كان تعبان على الاقل في هاذي المره سوو الي اقوله
شفته يتنهد و رجع غمض عيونه
بعدت يدينه عني و قمت بعدها
و مديت يدي له و انا اقول : يلا
مسك يدي و قام من السرير
رفعت يدي الثانيه و لمست خصلات شعره الناعمه
كانت مبتعثره على عيونه رتبت شعره و انا حاسه بنظراته لي
ابتسمت له بعد ما خلصت
وهو نزل راسه و باس خدي و اتسعت ابتاسمتي اكثر
بعدها سحبته معاي و طلعنا من الغرفه
و نزلنا تحت
استقبلني ابتسامة لاي و دي او وهم يقولون : صباح الخير
رديت عليهم بالمثل و قلت : صباح النور
شوي و الكل اجتمع على الطاوله و بدينا نفطر
تذكرت الايام الي راحت لما كم من مره فطرت معهم
ابتسمت و انا احس براحة في داخلي
انقطع تفكيري لما حسيت بهدوء الطاوله و سمعت كريس كان يتكلم تأسف لهم عن الي صار في الفترة الاخيره
هو قالها بطريقه غير مباشرة
لكن الكل ردوا له بابتسامه و تاو الي حضن كريس
و جا تشانيول و حضنوا بعض كلهم
في الاخير صرنا حضن جماعي كلنا و منتشره اصوات ضحكنا في الغرفه
كان دي او بين سيهون و كاي
و قال : اوكي جماعه خلاص انا معد اقدر اتنفس
ضحكنا و بعدنا عن بعض كلنا
هنا عرفت و اخيراً رجعت الايام لمجاريها
.....