အကယ်လို့များ ချန်ယောသာ ဆိုင်က မန်နေဂျာနဲ့မခင်ခဲ့ရင် အလုပ်ပြုတ်တာ ကြာရောပေါ့။
အရိုးသားဆုံးဝန်ခံရရင် ချန်ယော အလုပ်တောင် မသွားချင်တော့။ အစကတည်းက ကော်ဖီဆိုင်မှာ အလုပ်လုပ်ရတာကို ချန်ယော စိတ်မဝင်စား။ သူ့ကိုယ်သူ ဘာစိတ်ဝင်စားလို့ စားမှန်းလည်း ချန်ယောမသိ။ စီးပွားရေးဘွဲ့တစ်ခုရပြီးပြီဖြစ်သော်လည်း အခုအချိန်အထိ ချန်ယောရဲ့ ဘဝကြီးသည် ဦးတည်ရာမဲ့နေဆဲ။
အခုလောလောဆယ်တော့ အခြေအနေမဟန်တော့သော ချန်ယောကို နားလည်ပေးနိုင်သည့် မန်နေဂျာကြီးရဲ့ ကောင်းမှုဖြင့် ချန်ယော အိမ်ကို စောစောပြန်ရောက်သွားခဲ့လေပြီ။ ကျောပိုးအိတ်ကလေးကို လွယ်ရင်း အိမ်ကိုသာ ခပ်သုတ်သုတ်ပြန်မိသည်။ အလုပ်ဆင်းသည်နှင့် ဆယ်ဟွန်းကတော့ သူ့ကို ဖုန်းလှမ်းဆက်ပြီး ပွမ်မလားမသိ။ဒါပေမယ့်လည်း ချန်ယော ဘာကိုမှ ဂရုမစိုက်နိုင်တော့။ သူ့စိတ်ထဲမှာ ရှိတာက တစ်ခုတည်း။ အိပ်ဖို့။ မျက်လုံးနှစ်လုံးကို မှိတ်ပြီး ငြိမ်းချမ်းစွာ အိပ်စက်ဖို့။
ဟိုတယ်ရဲ့ ဓာတ်လှေကားကို စောင့်ရတာတောင် စိတ်ကမရှည်ချင်။ ခြေပစ်လက်ပစ်ကို လှဲပစ်ချင်နေပြီ။ သူတည်းနေသည့် အထပ်ကိုရောက်သည်နှင့် ချက်ချင်းကို သော့ထိုးထည့် တံခါးဖွင့်လိုက်ပြီး ဆောင့်ပိတ်မိသည်။ ကိုယ်ပိုင်အခန်းတစ်ခန်း ငှားဖို့လုပ်သော်လည်း အိမ်နီးနားချင်းတွေကို သူ့အိမ်မက်ဆိုးများနှင့် ပြဿနာ မပေးချင်၍ ဟိုတယ်ခပ်ပေါပေါတစ်ခုတွင်သာ နေနေရခြင်းပင်။
အခန်းထဲကိုရောက်သည်နှင့် ဖိနပ်နှစ်ဖက်ကို ဆွဲချွတ်ပစ်ပြီး ကျောပိုးအိတ်ကိုလည်း ရောက်တိရောက်ရာတွင်ထားကာ ကုတင်ပေါ်ကို မောပန်းစွာ ခွေကျသွားတော့သည်။ အင်္ကျီတောင် မလဲနိုင်တော့ဘဲ ခေါင်းအုံးထဲသို့ ခေါင်းကိုနှစ်လိုက်ကာ အိပ်စက်ခြင်းဆီသို့.....
---------------------------------------------------------
ချန်ယော မင်းသားလေးကို ငေးကြည့်နေသည်။ မင်းသားလေးသည် ဝရန်တာ လက်တန်းတစ်ခုကို မှီလျက် လက်နှစ်ဖက်ကို ဝတ်ရုံပေါ်တွင် တင်းကြပ်စွာပိုက်ထားသည်။ ချန်ယောရဲ့ အမြင်အာရုံတစ်ခုလုံးကို တော်ဝင်မင်းသားလေးက ဖမ်းစားထားသည်။ မင်းသားလေးအွန်းရဲ့ မျက်ဆံနက်နက်ကလေးများသည် စိတ်လှုပ်ရှားမှုဖြင့် တဖျတ်ဖျတ်လက်နေပြီး ညကောင်းကင်ယံကို အံသြတကြီး ငေးကြည့်နေသည်။
YOU ARE READING
မင်းသားလေးကို ကယ်တင်ခြင်း
Fanfictionပတ်ချန်ယော တစ်ယောက် ညတိုင်း ကောင်လေးတစ်ယောက် သူ့လက်ထဲမှာ သေတာကို မြင်ရသလို မနက်ရောက်တိုင်းလည်း မျက်ရည်တွေနှင့် သူမသိတဲ့ နာမည်တစ်ခုကို တဖွဖွတရင်း နိုးလာရတယ်။ "ဝမ်အွန်း" ချန်ယောမှတ်မိသလောက် ဂျိုဆွန်းခေတ်က မင်းသားငယ်လေး တစ်ပါးကို ညတိုင်း အိမ်မက်မက်ဖြစ...
