احبك كثر الأيام الي عشتها.

part 24.

راكان: اكثر ي عمري، يلا اخليج بسير اقول حق ابوي يرمس ابوج.

عليا: فمان الله وسكرت.
--
بعد ثلاث ايام بدون أحداث مهمه.

بالليل الساعه 2.

قامت بخوف وويها معرق وتتنفس بسرعه: بسم الله الرحمن الرحيم اعوذ بالله من الشيطان الرجيم بسم الله.

حطت ايدها ع قلبها وخذت نفس وتنهدت وطلعت من حجرتها سارت حجرة يدتها.

شافت يدتها يالسه تقرأ قرآن يلست صوبها وحطت راسها ع جتفها.

يدتها بعد ما خلصت قرايه: بلاج الريم شحقه ناشه بهالوقت.

ريم: يدوه خيفانه حلمت حلم ازيغ.

يدتها: قريتي المعوذات قبل لاتنامين.

ريم: هيه.

يدتها تنهدت: تعالي نامي عنديه.

ريم حطت راسها على ريل يدتها: يدوه لاتروحين باجر بيتج عند يديه تمي هنيه اباج.

يدتها ابتسمت وهي تمسح على شعرها بحنان: ي قلبي انتي كيف اروح واخليج بروحج.

ريم ابتسمت: فديتج والله انتي مافي منج اثنين.

يدتها ضحكت: الله يحفظج يارب.

ريم تنهدت: امين وياج، عقب سكتت شوي وقالت يدوه انا من قمت من الغيبوبه ونا بس احلم بكوابيس تعبت ماقدر ارقد ونا مرتاحه.

يدتها بخنقه: حبيبتي والله ماقدر اسوي شي ماي مقراي عليه وشربناج وديناج عند مطوع بعد مافاد شنسوي.

ريم نزلت منها دمعه ويدتها مسحتها بحنيه: الريم اتصيحين؟ ترا ازعل وبعدين الله كاتب انه يصير فيج جذي نحن م بيدنا شي.

وعقب يلست تقرأ عليها لين ماغفت.

--

الساعه 3م.

يدتها: الريم يلا قومي.

ريم: يدوه خمس دقايق بس.

يدتها: خمس دقايق خمس دقايق مليت انا يلا قومي بسج نوم.

ريم فتحت عينها: ماوراي شي خليني نايمه.

يدتها: لازم يكون في شي عشان نتشين يعني نشي نشي لا اكب عليج سطل ماي.

ريم قامت وهي مكشره وسارت حجرتها عشان تاخذ لها ملابس وتتسبح.

بعد ماخلصت سارت المطبخ ادور لها شي تاكله طلعت لها كرواسون زعتر وعصير توت ويلست تأكل.

يدتها: الله يهداج حد يتريق بهالوقت.

ريم: هيه انا.

يدتها: نزين اقولج اربيعتج عليا اتصلت الظهر  كانت تباج.

ريم: شو تبا.

يدتها: اتقول انه ملجتها الخميس هذي.

ريم نطت بفرح وودرت الاكل وسارة ركض ترمسها.