وصلت بيت عليا ونزلت من السياره حست بحد يسحبها ويحط شي عخشمها وشوي شوي بدت تغمض عينها.
ركبوها السياره وبعد ساعتين تقريبا وصلو ل قصر كبير.
فتحت عيونها وهي عاقده حوايبها، تبا تتحرك لاكن مارامت لانه رابطين ايدها وريلها
بطلو الحبل عن ريلها مسكها واحد من ايد والثاني ايدها الثانيه، تمت تطالع القصر بستغراب وبنفس الوقت عيبها تصميمه وفخامته.
سألت الي ماسك ايدها: انا وين.
الي ماسكنها: فالقصر.
ريم: تستهبل صح لا تستهبل اعرف اني فالقصر يعني ليش يايبيني هني شو تبون.
الي ماسكنها رفع حاجبه من اسلوبها: عقب بتعرفين.
ريم طالعته بنص عين وصدت.
دخلوها غرفه كبيره وفخمه وقفلو الباب، شوي ودخل أحمد.
احمد وهو يقرب: هلا هلا.
ريم خافت من نظراته وتمت ترجع ورا: لاتقرب.
احمد حاوطها: واذا قلت لا.
ريم منزله راسها ماتبا تطالعه: بصرخ وبيمع الناس كلها هني.
احمد ضحك: كلهم مشغولين بالحفله يعني لو تصرخين من اليوم لآخر الشهر محد بيسمعج وبعدين ها بيتي مب مول ولا مكان عام عشان ايسمعون الناس.
ريم حطت عينها فعينه وانصدمت من جماله وبنفسها (اوف خقيت شهالجمال ، انا شقاعده اقول ريم اثقلي).
احمد ببتسامه: أدري جميل.
ريم طيرت عيونها: منو قال؟.
احمد: عيونج قالت.
ريم سكتت.
تم يطالعها من فوق لتحت عقب سحب الشيله(طرحه)عن راسها وشعرها تناثر على وييها وبنفسه (هذي إنسان ولا ملاك).
ريم بصدمه: حيوان حقير عطني شيلتي.
احمد ماهتم لكلامها وفسخ العباه عنها.
ريم بعصبيه وصراخ: يالوصخ يجليل الحيا عطيني شيلتي يالزقق.
احمد صفر: صارووخ.
ريم وهي تحاول تاخذ عنه شيلتها وعبايتها: لاجد مريض انت ماتسمع هات شيلتي وعباتي.
احمد مسك ايدها بقوه وبحده: اسمعي الحين بتطلعين جدام الكل ونا بقول انج حبيبتي عشان محد يقرب صوبج فاهمه.
ريم بألم وبصدمه: مستحيل.
احمد: تبينهم هاهاها؟ اظن فهمتي شوها.
ريم بسرعه: لالا خلاص.
ابتسم بخبث وطلع وقفل الباب وراه.
ريم دقت ريلها بالأرض بقهر: الله ياخذك يالحيوان.
أحمد قال للي يحركون الاضاءه يحطونها عليه هو وريم يوم بيطلعون.
YOU ARE READING
احبك كثر الأيام الي عشتها.
Romance"سنرا أياما جميله" We'll see beautiful days. . (الروايه باللهجه الاماراتيه). اقروا الروايه واذا عجبتكم اقروها ل اخر بارت كتبته❤.
