لكيت شاحنه جبيره مسكفه بقماش صعدت وطفرت بيها جانت بيها كارتونات مال حلويات او بضائع نا اعرف شنو هيه منتبهتلها كمت اكمز علكارتونات ادورلي مكان بينهن ختلت بيه
كعدت بقيت ابجي وكل شوي ارفع راسي اباوع خاف اجه بس ماكو اباوع نفسي اني بالبيجامه والتيشيرت ياربي شهلفضيحه وشهلمصيبه شلون راح اخلص
كمت ابجي واحجي عله ماما وبابا العافوني بهلوضع اني تاليتي هيج ليش ربي ليش وين اروح هسه وين انطي وجهي لا عندي عمام بيهم خير واروحلهم ولا عندي خوال
كمت ابجي الى ان تعبت ونمت ابد بعد ما حسيت عله روحي من التعب
زيہزؤُ.. ها علي كملت اكل لو بعدك 😒
علي.. ليش شرايده مني ☹
زيہزؤُ..محضرتلك مصيبه 😋
علي.. لا يا الله هوه اني عايز مصايب 😠
زيہزؤُ..دكمل ابو كرش😒 وعرف عَ ـًنٌ نفسك خل المتابعين يتعرفون عليك 😊
علي.. يا متابعين ولج😦 وين ناويه ادخليني بيا مصيبه 😐 ولج زينب انتي كتاباتج كلها بلاوي واني رجال مو بتاع مشاكل فكي مني😪
زيہزؤُ..تعرف😠 لو اخلي الطاوه🍳 تشوف شغلها وياك😒
علي.. امرنه لله عمي راح انعرف بعد الكاتبه وامرت نكدر نكول ❌لّـٍْـŃØـٍْـاّ❌ 😑
مرحبا اني اسمي علي عمري 32 سنه خريج معهد اداره واقتصاد ولان ماكو تعيينات كمت اشتغل بالكمارك واطلع بشحنات بضائع بر لمختلف الدول
متزوج وعندي طفل واحد بس حياتي ما مستقره ويه زوجتي وناوي هليومين اطلكها بس ارجع من هلشحنه
جنت طالع لتركيا بر وعله طريق ديالى وكفت مشي لان الشاحنات بعد ال10 بليل تتوقف مشيها لل5 الصبح يله تمشي
فاني عفتها ورحت لمطعم قريب اتعشيت ودخلت حمام سبحت شلون ما جان وطلعت وانوب رحت كافيه اخذتلي نركيله
وجانت باديه مباراة ريال مدريد فريقي المفضل 😎 ويه اليوفانتس الساعه 1 بليل واللعبه حاميه والكوفي كله مليان والصراخ كايم
واني ومندمج ويه المباراة ومحتركه اعصابي بس الحمدلله واخيرا فازو ارتاحيييييت 😧
رحت للشاحنه مالتي بعد ساعتين ويفك الحضر وامشي..
اخذت جكاره ورثت تمددت بالسياره وفتحت فيس وكمت اشارك وانشر عل المباراة اللي صارت ونحلل والبرشلونيين المضغوطين يصيحون الحكم فوزكم😒
واني محترك دمي واتعارك واحلل بلعبه تكول ابوي الفايز😢
للخمسه مشت السيارات مشيت بقيت لل9 الصبح وصلت حدود تركيا بعد المعاملات والهوسه مال الحدود كملت ودخلت تركيا بحوالي الساعه 11
YOU ARE READING
يا بعد كل معاناتي
Romanceقصه واقعيه حقيقيه ممزوجه بالخيال لفتاة عراقيه تعاني اخوانها المدمنين لتتعرض لمحاولة اغتصاب فتنهزم ومن ثم تبدٲ حكايه اخرى مع الحب... بقلمي زينب ماجد🌹