يا بعد كل معاناتي

البارت السادس عشر

شهد.. نزلتله الملابس دكيت الباب كال فوتي ما قافله😳😱 كتله ها شلون ما احس الا سحبني ودخلني للحمام ودفعني علحايط وكال..

علي.. باعي شهد التصرف اللي شفته الصبح ما اريده يتكرر لا ومحمد استخدم وياج غير اسلوب ما يسر صح ميعاد ما احبها ولا طايق وجودها بس تبقى مرتي وام ابني

اي تجاوز منج تعرفين شسوي بيج اتٲدبي واعرفي شلون تتصرفين تره روحي طالعه ونفسيتي تعبانه لتخليني اضوج منج ومن سوالفج مثل ما كرهت ميعاد وسولفها فهمتي

شهد.. بقيت صافنه بعيونه وهوه يحجي بعصبيه والدمعه تلمع بعيني كتله امرك والله بعد ما اتقربلها

علي.. اخذت نفس خليت ايدي عله خدها كتلها لتزعلين بس ما اريد مشاكل يكفينا الهموم العدنا ما بيه حيل التهي بمشاكلجن ..

جريت الخاولي لفيت عله جسمي وطلعت رحت بدلت بالصاله سمعت ميعاد تحجي بالموبايل باوعت حسوني ابني طلع يمشي كوه هستوه متعلم المشي

اخذته خليته عله كتفي ومشيت بيه للمحل اشتريتله حلويات باوعت شفت الجبس نفسه اللي اكلنا بالطريق سوه اني وشهد ابتسمت اخذته ورجعت للبيت

دخلت لكيت ميعاد بعدها تحجي علموبايل استغفر الله ياربي بدت هلسوالف التعبانه راح تنقللهن شكو شي يصير بالبيت هزيت راسي ومشيت

دورت عله شهد لكيتها مخليه الملابس بالغساله تشتغل وهيه واكفه تمشط هستوها سابحه اتقربت يمي بعدت شعرها وبستها  اووووف لو واحد بنص همومه بس يشم عطرج يطيب ابتسمت

كتلها انطيني المشط دا امشطلج مشطتلها شعرها سرح مي واباوعلها وابتسم كملت لمت شعرها اخذت ايدها وكتلها تعاي صعدتها فوك  كعدت انطيتها العلاكه

شهد.. فتحتها وشفتها نفسه الجبس ليز اللي اكلنا بطريق عله تركيا باوعتلها كتله تتذكر

علي.. اني ما انسى اي شي منج اعشقج بكل تفاصيلج اخذت ايدها وبستها

شهد.. اسـŝøŗŗýـــفه حبيبي يمكن ضايقتك بتصرفاتي بس والله مو بيدي احس انته اليه وحدي من اجت ميعاد واحسها تشاركني بيك ما اعرف اكو نار تشتعل جواتي

علي.. ههههه احــبج

شهد.. ههه واني اموت عليك حبيبي حضنته وخليت راسي عله صدره باوعتله كتله ربي لا يحرمني منك

علي.. ولا منج. حياتي

شهد.

مرت الايام وقررت ابد ما اتقرب الميعاد علمود لا اغث علاوي بس هيه موتتني بحركاتها انضف تكول اني نضفت اطبخ تكول اني طبخت

اغسل ملابس علاوي واكويهن وتجي قبلي تنطيهياه وتكله هاك كوتلكياهن وهيه اصلا جايفه ملابس ابنها وصخات ومطشرات

..  حته مرات ادخل نت واسوي حلويات انزل الكاها مقدمتها لعلاوي وتكله اني سويتها وهوه يشكرها