،،،،،،سوزان المندلاوي ،،،،
بيوم الي يجون بي ..امي وصتني ارتب روحي ..
اني اكبر خواتي والباقي صغار ...
فوحدي رتبت البيت وي ماما ..
ورحت سبحت وصعدت لغرفتي ...
حفتحت الكنتور حايرة شلبس ..
ضليت اكلب بهدومي ..
شفت فستان قصير ..لونه زيتوني ...
لبسته وخليت مكياج خفيف ..
وملست شعري ..
وتعطرت ...
امي كل شويه تصيح عليه يله ويله ..
كملت ونزلت ..
امي ..كالت ..فدوة شطالعه تخبلين ..
ربي يفتحها بوجهج ويسعدج ..
اني فرحانه ومفرحانه ..لان ماحسيت منه فدشي بيوم ..
رتبت وي ماما ..الحلويات والبارد ..
ورة شويه ..بابا اجه ..
وجوي ويا ..
عمي ابو سرمد ..وسرمد ..وجتي مرة وياهم جبيرة بلعمر ..
طبو ..سلمنه عليهم ..
اباع ع سرمد ..شكد حلو طالع ..ولابس شي رسمي بنطرون قماش ..وقميص ..
دخلو للاستقبال ..
وكعدنه وبدت السوالف ..
وفتحو موضوع الخطوبه ..
اني خجلت ..
بس عيني ع سرمد ..
بس هوة ولا رفع ..عينه عليه ابد ..
جان يسولف وي ..اهلي ولا كانما اني موجودة ...
وتفق بابا وي عمي ...
وعرفت هاي المرة تصير عمه سرمد ...
وضلو يسولفون اخر شي ...
عمي كال خلي نقره الفاتحه دام الكل راضي ..
قرو الفاتحه ..
وامي هلهلت ..
شي عادي ..وكلبي ممرتاح ابد ..
احسه مرايدني ..اصلا..ولا مهتم الي ...
خلص اليوم وسرمد بس الي كاله ..الي السلام عليكم
كلت يجوز طبعه انطوائي او خجول ..
طلعو ..بلباب..
عمي كال احنه مو غربه وتعرفون ام سرمد متوفية ..
يعني سالفه الحاضر والغايب والنيشان ...
الي تامرون بي يصير ...
امي وابويه كالو لا تفكر بهلسوالف ابو سرمد كلها سهله ..
راحو حتى بلكذب مكال انطيني رقمج او شي ..
اني عذرته لان اول مرة ..
مرن يومين ..
واجانه عمي ..وجايب فلوس كال هاي للذهب ..وملابس ..
والخميس ..نكطع مهر ونسوي حفله ..
وسرمد ميعرف بلذهب ..وكال خلي هيه وامها يشترون احسن لا احرجهم ..
اني بقيت اخنزر ع اهلي ...
من طلع ضليت احجي ع اهلي ..
ادري اكو عروس هيه تروح تشتري ذهبها ..
..امي كالت شكو بيها ..وماعدهم احد ..والولد يستحي ..
لا مو عادي ..بلة امه ميته ..وعرفناها ..هوة شبي سرمد ..
شو بس تريدون تشمروني ...
ممرتاحه وماريد ازوج ..
اهووو دينا ..شبيج ..انتي ..الولد يخجل واحسن ناخذ راحتنه ...
ماريدة ..هذا من هسة لابسني ..
لا ماما شنو هلحجي خوما لعب جهال ..
انتظري ..شبيج يجوز يستحي وميعرف ..
بقيت احجي وادردم...
بس ميفيد ..ثاني يوم طلعت اني وامي ..
واخذت ذهب ..وملابس المهر ...
وكل ها واني محاجيه وي سرمد ابد ..
يعني ماعرف شلون زواج هذا..
اسوكت ..الاشياء المهمه بس والباقي كلت براحتي ماستعجل عليهن ..
اخذت فستان سهرة ذهبي ..
وحذاء ذهبي ..
كلش حلو ..
وذهبي جان حلو وبسيط ..ماحب الهوسه رغم عمي ..مقصر بشي ...
بقيت يومين احجي وي اهلي ..اذا متوالمنه اعوفه لان من هسة لابسني ..
امي تكولي ..اله يخابرج ويحاجيج الولد خجول ..
ابويه يكول ...انطي صبر ..جيلكم ..مستعجل ..
عرفت نفسي ضحيه فلوس ..ودين
بين ابويه وابو سرمد ..
لازم اسكت ..وماحجي شي ..
كل حجايه والثانيه ..الرجال ممقصر بشي ..
ويسكتوني ..
يوم الاربعاء بليل ..
اجوي ..سرمد وعمي يمنه ع العشا ..
طب سلم عليه ..كال شونج ..دينا ..
الحمدلله وانت ..
زين ..
وطبو كعدو ..
وبقو يسولقون ...
بهلاثناء ..سرمد كام ..
اتصل بلطرمه ..اني كمت وراه بحجه اجيب شي ..
شفته ديخابر ..
اني اباع عليه ..
كمل اتصاله وطب ..
شافني ..
طبعا سرمد حلو ..ومرتب و انيق كلش ..يشبهه ..تامر حسني ..حتى شعرة..وجسمه ..
يعني مناقصه شي ..
شافني ..واكفه بلمطبخ ..
كلي دينا ..
اريد رقمج ..
اني هم رديت ..رقمي ..اله ..
كال ..اتصل بيج..
كتله اوك انتظرك ..
سالني ياصالون ترحين ..
كتله ماعرف ..
كال ..دينا ترة الكل راح يجي ..
اريدج مرتبه ..
صفنت عليه شيقصد هذا ليش شديشوفني ..
كتله ميهم ..
عافني وراح ..
تعشينه ...وبقت عيني عليه ..
اريد احس منه ..بشي،..ماكو ابد ..جماد ..
ثاني يوم ..
رحت صالون صديقه الي ..وردت منها مكياج نازك وتسريحه ..
نازكه ماحب الهوسه ..
سوتلي شي حلو ..وجنت وياها امكيج ..روحي لان اني اموت ع سوالف ..واعرف بيهن ..
كملت ..
طلعت كلش حلوة ..ومكياجي مو طوخ ..لا مرتب ونازك ..
وامي خابرت ابويه اجه اخذنه ..
لبست فستاني ..جان ..ذهبي .وبي شغل ..وموديله ..السمجه ..كلش حلو ..
كملت وكعدت واهلنا راحو للقاعه ..
وانتظرت سرمد يجي ياخذني ..
اتاخر ابويه دك عليه ..
كله عمي انتو تعالو ..
ليش ..
اني بلقاعه انتظركم ..
ابويه كله ميصير لازم انت ..حتى دخلون سوة
كله ..لا ماكدر لان الكل يمي ..ومن توصلون خابرو اطلعلكم
بابا محجه شي ..اني طنكرت ..ماروح ..
ماروح ..
ولج لا تخزينه ..
ماما وبابا لا تلحون روحه ماروح ..
ومازوج ..
الولد ميريدني يعني علمودكم اذب روحي عليه ..
ولج ماما ميعرف بهلسوالف ..
ماروووح ...
ورحت لغرفتي ..طكي بجي ..
ادري عرس لو مذله ..
نزعت البدله ..
و..وطلعت ..للحمام داغسل وجهي ..
امي لزمتني ..
وابويه مخبوص يخابر ..
ماما كبري عقلج ..ترة متسوة ..
شنو متسوة لا تخبلوني...
شنو من زواج هذا ..
ماريدة ..خلص ..
مشاكل شغلكم حلوها بعيد ..عن حياتي ..
ماريدة ...
يتبع ..ا
