"""""سوزان المندلاوي """"""""
ماريد ..لا حفله ولا سرمد ..جوزو مني ..
شنو من زواجه هاي ..
انطي صبر راح تخزينه انتي ..
عزة بعينج ..
اختي اصغر مني ..مينا ..
كالت دينا ..انطي صبر ..شوفي شبي ..
انجبي انتي مالج دخل ..
اجه ابويه ..
يلا لبسي جاين ..
ماه ماه ..
بابا فدوة. ماريدة دجبروني انتو ..
لا بنتي محد جبرج ..ماجبركم ع شي اني ..
لا ابد ..
بس خلي ابالك ..دتكسرني انت ..هيج ..
بنتي ..افتهمي ..الاول والتالي بيدج ..
اذا تبطلين كلشي ينتهي ..وارحع للصفر ..
بس يعوف الشراكة..
ضليت ساكته .
عرفت الفلوس ..اهم مني يمكن ..
طبيت للغرفه ..رتبت روحي ..ولبست الفستان ..
وعدلت المكياج خرب من البجي ..
امي جتي تبوس بيه ..تراضي بيه ..
بنتي فكري للبعيد ..فلوس ..ومكانه ..وطلعات وطبات ..وسفر ..ليش تفكيرج صغير ومحصور ..ترة الزواج مو بس حب ....
باوعت عليها بلمرايه كتلها ..
ميخالف ماما ..تدللون ..
اجه سرمد اخذني ..بسيارة كشف لونها احمر ..
وماما وبابا ..وخواتي بسيارتهم ..
الطريق كله ساكت محجة شي ..
ولا اني كلت شي ..
من وصلنه ..
كلي لا ضلين كالبه الخلقه وابتسمي هيج ..
اني دايرة راسه ..
دغ ايدي ..باعي هيج ..ابتسمي ..
باوعت عليه ..
ميخالف ..استاذ سرمد ..
باوع عليه ..
نزلي ...
ونزلنه ..
اجه يمي لزم ايدي ..
ابتسمي ..
اي ابتسم ...
طبينه ...
للقاعه ..
هلاهل ..
وبدت ..الاغاني ..لحد هسة ترن براسي ..
اول منبدي وشنكول ..لا اله الا الله ..
والكل ..استقبلنه ..بهلاهل ..
كعدنه
وبدت العالم دك وتركص ...كرايبي وخالاتي ..
وكرايبه ..
تقريبا الحفله كلها ..ناس معروفه ..
وفدشي ..راقي ..
بس الوكت كلة من كاعدين ..ولا حجة ويايه ..بس من احد يريد يطك صورة ..
يحضني...
يعني تمثيل بتمثيل ..
طبو اصدقائه ..
وكلبو القاعه بلدك ..والركص ..
وكومو سرمد ركصو ..
وامي كل شويه جايه ..يمي ضحكي ..
فكيها ..عاد ..ابتسمي ..
اني اضحك ..
احاول ..اتاقلم بلوضع الجديد ..
بابا كاعد اخر شي ..
هوة وابو سرمد ..وجموعه ..اصدقائة ..
بدت مراسيم تلبيس الذهب ..
لبسني هوة وماما ...
وضلو يكلوله بوسها بوسها ..
اني طبيت بهدومي من الخجل ..
باسني من كصتي ..
وعمي بوسنه ..وبارك النه واهلي ..
والكل اجه بارك الي ...
وقطعنه الكيكة ..بس كملنا ..
دك سلو ..ولازم نركص..
كتله ماعرف ..
ضحك كال ولا اني اعرف ..
وكفنه واحد مقابيل الثاني ..
وخله ايدة ع خصري ..
وكلي خلي ايدج ع ركبتي ...
وبدينه ..نحرك رجلنه ونركص ..
اذكر الاغنيه زين .. مابعرف ..ليارا ...
اني مدنجه راسي ..كلي رفعي راسج ..
وباعي بعيوني ...
رفعت راسي ...
باوعت ..
حسيت ..كلبي رجف..
كلي اي عفيه هيج ..
ديطك صور ..المصور ...
بكلبي كلت خرب هذا صدك يحجي ..
ماكو هيج ..كملت الاغنيه ..
واخذوة اصدقاءة يركصو ..وجوي اهلي ..ركصوني
وبقينه هيج ..
لحد ما..صار العشا ..
.خلصت الحفله ..
هم رجعني هوة ..
صعدت ويا ..
طلعنه بسيارة واهلي ورانه ..
الطريق كله ساكت ابد محجة شي ويايه ..
كل شويه اريد احجي ..واسكت روحي كوة ..
اريد اكوله احد جبرك عليه ..
واسكت ..اريد اشوف تاليتها ..
وصلنه ..
نزلت كلي دينا ..
باجر اجيب شيخ واجي ..
كتله ..اوك ..
نزلت ..
وراح ..
هوه .....ولا عبالك اليوم حفله النيشان..ممهتم لشي ..
وصلت للباب ...رفعت راسي اباوع ..اهلي بعدهم مجاين ..
فتحت الباب كوة ..
وطبيت بلحديقه انتظرهم ..اتاخرو ...
كعدت بلمرجوحه ..افكر بسرمد ..ليش هيج يسوي ..
معقولة من الدلال ..
زين الي يريد يزوج ..وحدة ..غير يحبها ..او يميل الها او معجب ..
شو ولا وحدة منهن ..اوف ياربي ..
هناك وذاكرتي راحت ..
بايام المراهقة ..والحب ..ذكرت ..شون جنت معجبه بجيران بيت ..خالتي وكلما اروح ..اضل اباوع علية ..واضحك...
هه احلى ايام ..
صح عندي الحريه ..بكلشي ..بلبس ..والدراسه ..وطلعات ..بس مامريت بتجربه ..حب ..جنت احترم ..ثقه اهلي بيه ..محسيت اكو احد يستاهل ..هاي الثقه ..بقيت محافضة ع نفسي ..
لحد ماطلع سرمد ..المخبل ..
يبوو هذولي وين صارو..
اذكر الحفله خلصت ..بلعشرة ..
يمكن هسة ب11ّ
....
هوف ضليت اروح واجي مليت ...
جان الجو حلو ربيع ديكسر وبي نسمه برودة ..
بله هذا غير يتاكد اهلي بلبيت ويروح شو عبالك مصدك ..نزلني ..
بديت ..اقلق اتاخرو ..ومر الوكت وهمه
ماكو ..
خفت بدت تصير ضلمه ..اكثر ...
ياربي وين راحو اكيد بابا اخذهم بمطعم ..
ياربي شلون ..
هنوب غراضي يم ..امي ..
الفون ..
اوف ياربي ...
وين اولي هسة ..
هنوب اخاف ..والكراج اضلم ..
دقايق ..واحس سيارة طبكت بلباب ..رحت ركضت ..اباوع ..
منو ..
منو ذولي ياربي ..
بتكسي ..
نزلت امي وخواتي فتحت الباب ..
ماما بابا وين ..
ولج وخري وخري ..
شكو مينا احجي ..
يبجون ..
ولكم شكو لا تخبلوني ..
بابا ..انخطف ..
يتبع ...
