احنا بتوع ربنا

شغل الفوتس و الكومنتس

-عدلت البارت و نزلته تاني-

سلاموا عليكوا 👋
امعاكم نرمين..اماندا ✋👽

النهاردة هتكلم زي مانتوا شايفين هتكلم عن شغل الفوتس و الكومنتس

نتكلم في الاول عن الفوتس

بصوا هما فيه فئتين، تمام؟

فيه ناس بيقروا القصص و بعدين يعملوا فوت بقي كل التشابترز و مش عارف ايه

و دول ناس زالفل و كل الشكر ليهم

انما فيه فئه تانية مستفزه كدة بتستفز الكاتب لما يقعدوا يقروا في القصة و ميعملوش فوت

انا من الفئة دي 🐸😂👽

اصل بصوا، والله بكون مركزة في القصة بنسي والله اني اعمل فوت..بس اصراحة لما بفتكر يعني بعمل علي التشابترز بس فيه ناس اللي بتفتكر و مبتعملش اصلا

ونبي خلي عندكوا دم الواحد بيكون حاطط كل مجهوده في القصة و بعدين حضراتكوا تيجوا تقروا القصة و متعملوش ولا فوت ولا كومنت..يعني والله بيتحسسوا الكاتب انه بيكتب لحيطة بجد

خلصنا من الفوتس..نيجي بقي للكومنتس

و نبتدي بأول كومنت بيستفزني و بيستفز معظم القراء

'كملي'

ونبي قوليلي كدة هو ايه كملي ده..

والله يا جماعة انا هكمل بس انتوا مينفعش كل تشابتر كدة الاقي واحدة تيجي و تقولي 'كملي كملي كملي'

انا عارفة اني هكمل مش محتاجة انك تفكريني انما انا كل اللي عايزاه من الكومنتس هو رأي حضرتك في التشابتر
مش حضرتك تقوليلي كملي 🐸

يعني مثلاً لو عايزة تقولي حاجة زي كملي قولي 'انا مش قادرة استني البارت الجي..نزليه بسرعة ارجوكي' كدة انتي بتديني احساس اني عملت حاجة حلوة..اني كتبت حاجة بطريقة حلوة و المشكلة اللي في البارت عجبتكوا و تديني شعور اني اكمل في القصة بطريقة احسن و افكار احلي

انما لما حضرتك تقوليلي كومنت بعد السبع الاف كلمة دول و تقوليلي 'كملي' بس دي انا ارد عليها اقولك ايه بجد؟

و انا واحدة بحب ارد علي كومنتات القراء فبكتب 'حاضر'..بس

و بعدين بالنسبة لكومنتات الناس اللي بيقعدوا يشتموا و يتريقوا عالقصة و بعدين يوصل بيهم الموضوع للكاتبة

نخلي عندنا احترام شوية يا جماعة مش عشان انتي روشة و جامدة و كل حاجة يبقي تتكبرني عالكاتبة و تفضلي تتريقي عالقصة و انتي اصلا قصتك شبه قصص بوجي و طمطم 🐸

لو مش عجباكي القصة خلاص متقريهاش

لو مش عجباكي بس عايزت تعرفي ايه اللي هيحصل في الاخر يبقي حضرتك تكملي بإحترام..مش بقلة ادب، تمام؟

النبي 'صل الله عليه وسلم' قلنا في حديثه الشريف "من كان يؤمن بالله و اليوم الآخر، فليقل خيراً او ليصمت"

ده حديث النبي تمام؟..و لازم طبعاً كلنا نسمع كلام النبي 'صل الله عليه و سلم'

نروح بقي للصورة اللي فوق دي..

قريتوها؟
-اه

اقروها مرة تانية..
-تمام

خلاص كدة؟ تمام اوي..فهمتوا قصدي ايه

انا لما نزلت البوست ده عالانستاجرام و عملت تاج لبيدج عن الواتباد و كدة و هما نزلوها علي صفحتهم

نشوف وجهات نظر اللي عملوا كومنتس؟
تمام يلا..

طبعاً، الكاتبة المعروفة اللي كلنا عارفينها آنا كاتبة 'سبارتينا' قالت انها مش متفقة..ليه يا آنا مش متفقة؟

قالت اننا لما بنكتب بنكون عشان نفسنا و مش عشان الفوتس و الكومنتس و اننا لازم منعتمدش علي الفوتس و الكومنتس

برضوا في بنتين او تلاتة اتفقوا معاها لإننا مش هنستني فوتس ولا كومنت من حد عشان احنا بنكتب عشان نفسنا

فهمتوا كدة وجهة نظرها؟..تمام اوي

انا محترمة جداً رأي آنا في الموضوع و انها حبت تعبر رأيها في موضوع الفوتس و الكومنتس بس هو مش قلتلكوا تقروا البوست ده كذا مرة صح؟
-اه

انا في الآخر قلت عن الكاتب و الكاتبة فعلاً مش محتاجين فوتس ولا كومنت انما محتاجين دعم ولا حتي قليل..فهميني

الفكرة في الموضوع ان الكلمة الحلوة اللي بتحطها في الكومنت و الفوتس اللي انت بتعملها للقصة بتخلي الكاتب او الكاتبة يفرحوا و بيحسوا انهم عملوا حاجة عجبت اللي حوليها و عجبتها هي اول حد

زي مانت بتكون بتذاكر كتير و بتحط كل جهدك في مذاكرتك و اهلك يقولولك كلمتين حلوين بتخلي نفسيتك احسن و بتخليك انك عاوز تعمل الاحسن و الاحسن عشان تجيب مجموع كويس في الآخر

اللي بقوله هو انها ممكن متفرقش معاك لو كتبت كومنت حلو او حتي دوست علي زرار الفوت..انما هتفرق مع الكاتب كتير اوي و هتفرحه و هتخلي عنده اراده انه يكمل

فأنتي لما حضرتك تقولي كلمة حلوة..كإنك بتدي طاقة ايجابية للكاتب و كدة كإنك بتخليه فعلاً يكمل بطاقة ايجابية و يكتب في البارت الجي احسن و يعمل احداث احلي..انما مش بكلمة كملي دي اللي هتخليه هوب دابل كيك يكمل زي بسرعة و ينزلك بارت تحفة..

فهمتوني يا جماعة؟

فهمتوا وجهة نظري..او وجهة معظم كتاب الواتباد؟

و كان معكم اماندا حبيبة قلبكوا 😂😂

-الجروب دلوقتي مبقيناش نتكلم زي الاول لإننا مشغلوين
ياري موبايلها مسحوب و بتفتح كل فين و فين
آية خلاص داخلة علي تالته ثانوي
نالا..معرفش اصراحة
داني..مش بتفتح كتير بس ممكن تكتب بارت و تنزله
سكار عندها حالة وفاة فمش هتفتح كتير
بسمة..معرفش برضوا

انا معاكم طول الوقت فلو حد عايز حاجة يستفسر حاجة انا موجوده و حسابي عالواتباد اهو rozawolf_x

و السلام عليكم و رحمة الله و بركاته