#الضياع 🔞

قصه سماره /٤٦

#الضياع ٤٦
#قصه سماره@
ملاحظه /..
(( ..الاحداث الماضية كانت  للتشويق والمتعه ..
اللي صار بالحقيقة مجرد محاوله سمير للتقرب من سمر لأنه يعتبر نفسه
صاحب الحق الاول بيها
ورفضته لأنها تحب بسام 
وللتذكير الرواية مليئة بالرومانسية والحب والأحداث المثيرة
متابعه ممتعة للجميع  ))
....
...
بدلت ملابسي واخذت الصينيه
وطلعت للمطبخ وبسام بقى بالغرفة شفت خاله دا تطبخ الغده وتبجي وصوتها مبحوح ركضت شبكتها وبجيت من كل گلبي كنت محتاجه ابجي وافرغ اللي بداخلي من ضياع وقهر  ..
مسحت دموعها بيدي وهدأتها
خاله حبيبتي فدوة اروحلج سامحيني
لا ماما انتي مالج ذنب بهجرة سمير
الاحداث توالت ويمكن صارت سبب
بس هسه هاي رغبته بالاستقرار هناك
اصلا اني مزعلانه بالعكس فرحانه علموده
بدت تضحك وتمسح بدموعي شفتي سماره الصغيرة
تشبه سمير من جان صغير ورجعت تبجي وتنشغ كعدت على الطاوله
بقيت اهدأ بيها وظلت تحجيلي عن سمير من جان صغير وشلون جان مدلل
كل كلمه تحجيها تمرده لگلبي وتخليني احس بالندم اكثر
ظلت تحجي وتتدّعي على عماد السافل
كلها منه هو السبب هو اللي خلاج تعوفينه وبعدين سمير عافنه
دخل بسام للمطبخ انقهر على منظر امه وسمع كلامها حضنها وظل يواسيها ووعدها ياخذها تزوره لسمير بس يحصّل اجازة لخ من العمل
اني عفتهم بعد ما اتحمل تحججت اسبح دخلت للحمام وكملت بجي لمن شبعت ونشفت عيوني من الدمع ...
...
للظهر اجت ماما وتغدينه انتبهت للكل يكلبون بالمواعين بلا ماياكلون
سمير ترك فراغ كبير من راح
عمو سعدون استأذن ودخل لغرفته
وماما كالت حصعد ارتاح
طلبت من خاله ترتاح بغرفتها
واني اشيل الاكل
ساعدني بسام ورتبنه الطاوله وغسلنه المواعين واني بيا حال وبسام كل شويه يشبكني ويبّوس بيه 
وكلي سماره حبلي بسرعه نجيب طفل ونلهيهم عن سمير وبنته
ضوجني كتله ماشي  بسام هسه اسوي طفل واجيبه من الحاسبه الإلكترونيه !
شمرني برغوة الصابون هاي داتصنفين عليه انتي !!
بسام الله يخليك مالي خلگ اتعارك نشفت ايده بمنشفه ودفعته برة المطبخ روح ارتاح هسه يله روح
اني اكمل واجي وراك
ماشي رايح بس اشوف شلون تراضيني هالمرة
كعدت بالطاوله يربي ريحني دخيلك تعبت ..
اني احبه لبسام وعبالي ارتاح من نتزوج واستقر وحققت حلمي بزواجنه
هاي سالفه سمير منين طلعتلي
كلما افكر اسوي شغله مفيده  ترجع عليه بمتاهات وعذاب
اني اللي فكرت هالفكرة وياريتني ما فكرت ولا طلبت من بسام ياخذني لفرنسا ماتوقعت هيج راح يصير لمجرد رجوعه لسمير لهنا يتخربط كلشي ...
تمنيته يرجع ونعيش مثل قبل سوة بكل عفوية وبراءه
يمكن هروبه افضل اللي واله والبعد ينسيّ ويشغله عن التفكير بيه ...
...

مرت الايام ممله وثكيله وبسام رجع للدوام واني الصبح اعاون خاله بشغل البيت والطبخ والتنظيف وماما تتداوم بالمدرسة الابتدائية
ومن يجي بسام من الدوام اتحضر والبس احلى ملابس واخلي مكياج  واسبّحه واغديّ وامرغلة واوكله بيدي
ويتتدلل دلال السلاطين اموت بغرامه اعشقه وماامل منه وراضيه بجنونه
ومن يشتغل بكتابة المقالات اساعده وارتب اوراقه وغراضه مرات اترجم وياه كنت أسرع منه بالترجمه
...
بعد متصلت ببابا غسان
لحد ما هو أتصل بالبيت ومحاجيته ماما بالتلفون سألها عني ودعاها تحضر القداس يوم الجمعه
...
على الغده ماما كالت سمر حضري نفسج اليوم ننروح للكنيسة
اني ناسيه شغلي ومسؤؤلياتي وكرّست وقتي كله كزوجه لبسام ولشغل البيت
بسام ظل يباوع ببوجهي !
عمو سعدون كال كلنا ننروح وفرصه نشوف الأب غسان من زمان ماشفناه
خالتو عجبتها الفكرة
تحضرنه بس شفت بسام تحجج كال اريد انام تعبان وعندي مقاله اريد اشتغل عليها
اني ماحبيت اجادله اعرفه يزعل
طلبت منهم يسلمون على بابا غسان ويرحون ويعوفوني مااكدر اعوف حبيبي وحده
..لمجرد ماطلعوا بسام انفرد بيه وظل يناكرني ويتعارك وياي لا ساعه ولا اثنين ميمل من الجدال والنقاش التافه
تعبت ...
بسام شتريد هسه !!
عفت كلشي وراي علمودك حتى ارضيك واطيعك
.. استهزء ..صحيح ست سماره !!
بس عندج رغبه هسه ترحين وترجعين لسنين الانفتاح العالمي
والحريه والاختلاط بالرجال !!
يوووو بسام انته دا تتحجج واني مالي خلگك
ارجوك متگلي شتريد بعد لخاطر الله
اريد اطلع من الغرفه جرني من شعري ليش تصيحين عليه طلع لسانج هسه !
وخر ايدك دفعته وضربته ماادري شلون ضربني وكعني حيل على الدولاب انضربت كصتي شويه بالحافه وطلع دم
هبط عليه وصرخ سمررر ...!
اني دخت بس شفت الدم
والدنيا غوشت
دفعته وبجيت وخرّ بسام وخرّ عني دا اكولك
شبكني سمر حبيبتي آسف جاب منشفه وضغط على الجرح
كان سطحي بس خفت من شفت الدم تذكرت بلحضه شلون كلبته للميز على راس عمو عماد ونزل دم على وجهه بالحادث القديم
لذلك خفت وبقيت ارجف
شالني بسام ومددني بالسرير  وركض جاب عده الاسعافات الاوليه من بره وضمدلي الجرح
شفت دموعه نزلت
ظل يعتذر وميعرف شلون صار هيج
سمر وداعتج ممتقصد
ضحكت وشبكته نام على صدري ولزم أيدي
حبيبتي دا ترجفين كام ركض اخذ عده الاسعافات وطلع للمطبخ جابلي عصير ومي ورجع شبكني ويبجي
بسام حبيبي كافي مابيه شي شربت العصير ارتاحيت شالني بسام للحمام كلي اسبحج ترتاحين
جنت مرتاحه من شفته ملهوف ويداريني من تزوجنه لحد اليوم اني اللي أداريّّ وبعده يتعززّ ويتدللّ
هسه بلحظه صار بالعكس
صدگ سبحني وبدلي ملابسي وكعدني بالصالة ارتاحيت
شغلّي التيفي وحضنني حبيبي شكد كان متأثر
كل شويه وكلي سامحيني سماره شوكلاتي وكريمتي ويبوس بيه والله مو قصدي حبيبتي
تابعنه فيلم اجنبي من زمان ماكعدنه هالكعده تقريبا العصر غفيت بحضنه
محسيت بعد بالوقت واللي صار وعيت شفت نفسي بغرفتي جايبني بسام للسرير وصوت برة بالصالة ماما وخالتو وعمو سعدون يصارخون وصوتهم عالي
كوه كمت من السرير تجيت على الحايط
اريد اوصل لبرة دخت
الغرفه تفتر ورأسي صداع قوي وصلت ميز المرايا بي مكياجي تعمدت اطيح شغله حتى يسمعون ويجوني
طيحت شيشه عطر ووكعت بالكاع  اغمى عليه ..
..يتبع ..
#قصه سماره@
بارت ٤٦