دموع الحب

6

#دموع_الحب
#الجزء6
بقلمي ام آيه

لجين:بدت عطله 40 يوم والتهيت بالدراسه وبديت اشتاق لسيف وكمت احجي ويا من تصحلي فرصه..
سيف:كام حبها يكبر بكلبي يوم بعد يوم وتعلقت بيها وتغيب ايام واني اتكطع من فراكها الى ان تحن عليه بتلفون وجان اطول اتصال ميطول 10 دقايق،يله هم احسن من الماكو،
امي بدت حالتها تنتكس وكل كم يوم ندخل انذار وياها ونفسيتي تتعب بس جانت لجونه حبيبتي تكسر عليه وتصبرني..دكت لجين
سيف:هلو حب همزين حنيتي صار يومين انتظر اسمع هالصوت الحلو
لجين:هلو حبيبي والله مضغوطه حيل لان اقترب موعد الامتحانات ومنا سوسن شاده ويايه ويوميه مسويتلي هوسه بالبيت..
ساعه تكلهم لاهلي لتخلوها تكمل وساعه تكلهم خل تتعين وتساعد بمصرف البيت..واني لعبت نفسي حتى واهسي خرب من الامتحانات..
سيف:والله كرهتها قبل ماشوفها،تحملي حبيبتي مبقى شي ان شاءالله بس تكملين الامتحانات اجيب امي تخطبج وتخلصين من هالعكربه وشحدها بعد تفك حلكها بكلمه وياج اكعدلها على الوحده والله..
سيف:صدك انتي راح تقدمين كليه لو معهد تمريض مو؟؟؟
لجين:والله صار فتره دايخه بهالموضوع وشفت احسن شي اقدم تعيني بالمستشفى ورا سنه لو سنتين ادرس كليه لو معهد مسائي..
سيف:انتي شدتحجين مداومين بالمستشفى من كل عقلج وتكومين تكظيها مبيت وتصادقين اشكال الوان، اني رافض هاي الفكره تماما ..
كملي دراستج وراها بالقليله تتعينين مساعده طبيب او يحطوج تقنيات طبيه وهوايه شغلات ..
ولاتصيرين ممرضه وتعرفين مجتمعنا ضيق وماخذ فكره مو حلوه عنهن..
لجين:سيف بس اني محتاجه التعيين تعرف ظروف اهلي واريد اشويه اردلهم لاامي وابويه تعبهم ويايه
سيف:لجين انتي على ابواب امتحانات وماريد اضوجج بس انتي بتفكيرج راح تجبريني اغثج..وراح اخيرج بيني وبين التعيين..
لجين:لتربط بين الامور الله يخليك والله اني اصلا بالي مو صافي..هسه عوف هالحجي الما امتحن وانجح والله كريم..شلون صارت خاله؟ وفرح شخبارها ،دير بالك تتمادى بالضحك والسوالف وياها ترى والله على البعد دافور
سيف:ههههه يمه يمه عصفورتي دتغار عليه..يمعوده داسوي بلاوي وياها
لجين:اهو بلا دهر راح اسده والله كافي تغورني..

لجين:بدت الامتحانات وصارت مدرستنه مركز امتحاني ومشرف قاعتنه سيف ،ساعدني هوايه وثولني بنظراته كوه اركز بالورقه،مشت ايام ومبقالنه بس مادتين..
سيف:اتفقت وياها بنهايه الاسبوع اروح اتقدملها يعني وره متكمل الامتحان الاخير..
لجين:اليوم اخر يوم ومتلهفه لشوفه سيف لان متفقين نطلع بكوفي ولااول مره،  ظل بالي مشفته بذاك الامتحان واليوم هم مااجه وتلفونه مغلق وقلقت هوايه لان مو عوايده..كملت امتحان ورجعت للبيت والحزن بعيوني..تلكتني امي وسالتني شبيج يمه لجونه اشوضايجه شنو ممجاوبه
لجين :لا يوم الحمدلله،بس الشمس قويه وسطرت راسي سطر
سوسن:اي واخيرا راح ارتاح واخلص من هم البيت ،لعد راح اروح لااهلي اغير جو لان تعبانه
لجين: شفتيها يوم ليش اني بشنو قصرت بالبيت اشو امتحانات عندي ومعايفتها وحدها..
امي:عوفيها بنيتي لتسويلج مشاكل ترى كلبي خلص منها والله لو مو بنت اختي جان عرفت اصرف وياها.
سيف:رجعت للبيت فرحان بلجين بعد مادتين وتكمل وبنهايه الاسبوع اخذ الحجيه تخطبها وتواعدت وياها نطلع اخر يوم الامتحانات..
بس فرحتي مكملت لكيت امي منتهيه هالمره واخوتي الكبار داكين عليه ومومنتبه لان صامت جان وخالتي يمها والبيت ياستار عبالك بي عزه واني بلاوعي كمت ابجي بحركه وكتلهم ناخذها هسه للمستشفى ،اخوتي جاوبوني ميفيدها شي بعد هاي ايامها ..
متقبلت حجيهم وصيحت على اخواني وتلازمنه بالحديقه وتلفوني وكع بالساكيه وبيها مي..
ادخلوا خوالي وبقيت ابجي مثل الطفل واتوسل بيهم وقبلوا واخذناها لمستشفى اهليه ولليل والحمدلله استقرت حالتها شويه عده 40%من مرحله الخطر وبقت يومين بالانعاش ،
بقيناها اسبوع بالمستشفى واني ابد متركتها..ولجين مغابت عن بالي بس وضع امي مربطني تربط وبس اريدها تصير زينه..
الحمدلله طلعت اليوم الحجيه من المستشفى وجبناها للبيت صحيح وضعها تعبان بس الحمدلله حسها بالدنيا..
فرح:هله خالتي نورتي البيت ياشمعتنه والله متت عليج من الخوف..
سيف:فرح كلش تحب امي تحجي وياها وتبجي،جانت خايفه ليصير باامي شي وبعد ماعدها احد بالدنيا..
سيف:فتت سبحت وذبيت وصخ وتعب اسبوع وطلعت تلفوني لكيته شبعان مي نشفته بالسشوار وحاولت اشغله ومفاد وحتى السيم كارت محترك..استغفر الله ياربي هسه لجين تخبلت والف حسبه بالها شلون راح اوصللها حتى رقم امها محافظه..
باجر اروح من يم بيتهم بلكت اشوفها..
لجين :شنو سالفه سيف وين اختفى معقوله كلب عليه وكل حجيه جذب واوهام،فجاءة اختفه وجهازه مغلق...
سيف:امي على وضعها وداشوفها تذبل يوم بعد يوم ولجين يوميه افوت من يم بيتهم ومدااكدر اشوفها حيل تعبت من التفكير ،قررت احجي ويه الحجيه اليوم..