#دموع_الحب
الجزء السابع عشر و والاخير
بقلمي همسات الليل(ام آيه)
سيف:فرح كامت تسوء حالتها وزادت الصخونه وكالو عدها فايروس قوي وبااثره صار عدها تيبس بكل مفاصل جسمهااا ،
يعني بعد متكدر تثني ايدها لو رجلها بس وضعيتين الها وضع النوم ووضع جلوس على الكرسي ومتكدر تشيل اي شي بايدهااا
فرح:تعذبت وصار بي مرض نادر والاطباء كالوا هذا واحد بالمليون..
الله انتقم مني لان فرقت بين سيف ولجين ،،يمهل ولايهمل،
ردت اكفر عن ذنبي لان الي صار بيه لعنه محبين وخفت كلت منيتي قريبه ،
طلبت من سيف يوديني على لجين بالبدايه رفض بااعتبار جرحت كرامته من كلتله الحجي الاخير الجذب عنها وبعدين قنعته ورحنا
لجين:انصدمت من شفت سيف وفرح ويا وضعيتها تقهر وضعفانه حيل بس عظم والمرض البيها ياستار نادر ويعيش وراه الانسان فتره قليله..كلش انقهرت عليها..
فرح:لجين شلونج،اريد احجي وياج انتي وسيف وحدنا بغرفه اذا مبيها احراج
لجين:تعالوا هنا غرفه فارغه..فرح كامت تبجي
فرح:اني غلطت غلطت عمري وهسه دادفع ثمنها غالي..
بيوم الي اجيتج اخر مره تره سيف دزني والكلام الي كلته الج كله كذب واني الفته لان ردت سيف الي وحدي وهو من حقج انتي..
تره سيف يحبج بجنون وخالتي جبرته يزوجني لان يتيمه ومالي احد واتزوجنه وظل بعيد عني ومتقربلي الا وره اشهر جان مثكل بالشرب واتخيلني انتي ونام ويايه وصرت حامل بليلتها،
بس حملي ضعيف لان الفايروس بجسمي وجان ميعرفون وابد ملزمني وراها وقصه حملي الاخيره جذبه هم ،،
سامحوني كبل مااموت اريد ارتاح الله انتقم مني بالدنيا كبل الاخره
لجين: هيه تحجي واني مصدومه وعيوني تجري وحتى سيف دموعه مغوركه بعيونه..
سيف:الله ينتقم منج دمرتينا هذا عذاب ربج وانتقامه
لجين:سيف فقد وانهار وكام يرزل وغلط ونسى وضعها وصار عصبي وراد يرمي اليمن واني حطيت ايدي على حلكه ومنعته وكتله الله المنتقم لخاطري عوفهااا..
سيف:حبيت اروع مخلوقه شكد اذتها فرح بس مقبلت تظلمها ؛
لزمت ايدها وبوستها وكتلها والله مااعوفج لا اخر يوم بعمري...
سيف:بقت فرح على ذمتي بطلب من لجين لان كالت سنه سنتين ورب العالمين ياخذ امانته..
خطبتها وعوضتها القهر كله العاشته بسبب غلطه وقرار انفرض علينا..
واتزوجنه وطلعت ملاك والعيون عليها واني ممصدك بروحي صارت يمي ..
سيف:جانت ليله الدخله حلم النا اثنينا بعد عذاب وطول انتظار.. عشنا بليله عرسنه احلى لحظات وادق التفاصيل ،لجونه موتتني بدلعها وحركاتها فقدت وبقيت حاضنها وميهلي تكوم ..
لجين:هو حلم حياتي ومحبيت احد غيره الحمدلله رجعلي وره كل الصعاب والقهر عشت ويا احلى ايام حياتي داومت كليه وصار عندي بنوته تشبهني وعيون ابوها سميناها ملاك..
وفرح بقت عايشه ويانه وبدت احوالها تسوء وتوفت وره سنتين من زواجنا..
مروان وره عملته السوده هاجر راسا خاف من الفضيحه؛
وسوسن طلكها اخويه وخلص من ضيمها وتزوج وحده كرابة ابويه من اهل الله جابها من العرب لان ماعنده ثقه بنت المدينه بعد والحمدلله تخاف الله وشايله مثنى وبناته واهلي بالصلوات وجابتله حمودي..
انتهت قصتنا و حبي اني وسيف باقي ويوم بعد يوم يزيد الحب ويكبر...
🌸🌸🌸🌸🌸🌸🌸🌸
انتهت قصتنا بنات واتمنى تكون نالت استحسانكم
نصيحه لتسمحون لاحد ياخذ قرار بحياتكم مهما كانت ظروف الشخص ومعزته عدكم..
لان النتيجه بحلاوتها وبمرارها انتو الي راح تعيشوها وتدفعون ثمنها وتخسرون احلى ايام عمركم....
منتظرة نقدكم البناء وبكم نرتقي
تقبلوا مني ارق التحيات
#الكاتبة
همسات الليل(ام آيه)
YOU ARE READING
دموع الحب
Romanceقصه حب تتحدث عن استاذ عشق طالبته بجنون واتفقا على الزواج لكن جرت الرياح بما لاتشتهي السفن
