Takte Mahal Kita

TMK 16

Syempre may disclaimer ito. Ang istoryang inyong mababasa ay naglalaman ng mga salita at expression na hindi angkop at pangkarinawan sa mga batang mambabasa. Patnubay ng magulay ay di naman sobrang kailangan,so kalma lang! Basta may mga mura dito kaya kung sobrang bait mo , wag mo na basahin to. Medyo hindi matitino ang characters ko dito kaya intindihin mo na lang mana sila sa author haha. Sa mga nagrerequest po ng mahabang update..I kennat po kasi tapos na po ang story and iniisa-isa ko na lang po ang update. Kaya sorry tsong..

"Ang aga mo naman atang mangapitbahay?" Bungad ko kay Cen nang madatnan ko siya sa kusina namin ngayong umaga.

"Dapat ba gabi?" Nakangisi nitong sagot sa akin

"Eh kung paduguin ko yang nguso mo? Bakit ka nga nandito?!" Inis kong sabi dito

"Baliw bahay to ng syota ko kaya dapat lang na nandito ako lagi" sabi nito habang busyng busy siya kakagayat ng sibuyas. Ano bang meron at dito nagluluto ang ungas na ito? Wala ba silang kusina? Takte ano to ?! Grabe naman yang si Aling Ninay di man lang nagpatayo ng kusina nila.

Hinayaan ko muna si Cen sa kusina at hinanap ko ang mga kapatid ko. Linggo kasi ngayon at wala ring pasok si Kuya Jawo kaya malamang sa malamang ay nakatambay lang yun at magbabaskteball mamaya.

"Hoy bakit niyo pinagluluto si Cen doon?" Tanong ko kay Kuya Jawo nang makita ko ito sa sala kasama si Kuya Benjie

"Maka Hoy! Maka Hoy!" Inis na sabi sa akin ni Kuya Jawo na sinabayan niya pa ng batok

"Uhm gago!" Asar ni Kuya Benjie

"Kuya naman kasi bakit niyo pinagluluto si Cen doon? Baka isipin ng tao inaalipin at pinahihirapan siya dito. Sige kayo baka itsismis pa kayo ni Aling Ninay" sabi ko na lang

"Siya ang may gusto niyan Onse. Gusto ka daw niyang pagsilbihan,alangan namang pigilan namin. Saka okay din yan para mapatunayan niyang malinis ang intensyon ng syota mo. Sorry plus makakatikim pa tayo ng masarap na luto hindi yung lagi na lang walang lasa ang kinakain natin." seryosong sabi ni Kuya Jawo na ikinasimangot naman ni Kuya Benjie

"Kahit n..." sagot ko sana nang magsalita si Cen sa likod ko

"Ako ang nagpumilit Onse. Gusto ko lang ipakita sayo yung pagmamahal ko sa mga simpleng bagay. " sabi nito na ikinakunot ng noo ko

"Tangina tol! Ang cheesy mo ha! Hahahaha nakakakilabot na hahaha" komento ni Kuya Benjie

"Manahimik ka Benjie. Oh ayan Onse ha sa syota mo na mismo nanggaling siya ang may gusto niyan. Saka maganda rin na laging nandito yan sa bahay para naman mas makilatis at makilala namin yang syota mo" sabi ni Kuya Jawo kaya nagkipit-balikat na lang ako at bumalik sa kusina para sana tulungan si Cen sa niluluto niya

"Ano ba yang niluluto mo?" Tanong ko

"Wag na Onse, panuorin mo na lang ako diyan. Dahil ako na ang bahalang magsilbi sa mahal na prinsipe ko" nakangisi nitong sabi na ikinainis ko kaya binato ko siya ng hawak kong bawang.

"Tigil-tigilan mo ako sa mga ganyang linyahan mo ha. Matatampal kitang hayop ka" namumula kong sabi nito pero todo tawa pa rin ang gago.

"Hahaha bakit ba ayaw mo? Dapat sinasanay mo na ang sarili mo na pinakikilig ng gwapong tulad ko. Ganun talaga ang nagmamahal Onse. Saka pag naging mag-asawa tayo lagi mo namg maririnig yung mga sweet na banat ko kaya masanay ka na" sabi nito na sinamangutan ko na lang.