عشق الجيران

البارت السابع

- رند ... وره ماحجيت وياه كلش ارتاحيت ..

اعتقد احد اسباب الي خلتني احجي ويا اكثر هو اني محتاجه احد احجيله ويهتم بيه وخصوصاً اني احس عندي نقص عاطفي من اهلي ..

قبل جانو يهتمون بيه يسمعوني كلام ويداعبوني شو انوب من كبرت بلعكس ماكو ..

واكو غير سبب انو هو محلل ويشتغل ويا ابوه بعيادة يعني معتمد ع نفسه ويشتغل بلرغم هو بعده بلكليه وهذا الشي عجبني ..

ضلينه نحجي طول العطلة ..
وهو السبب الي خلاني ادخل علمي لان اني جنت بلبدايه ردت ادخل ادبي واخواني خوفوني من العلمي وما خلوني اثق بنفسي ..

وشي ثاني جانو هم يكلولي بكيفي بس اني اريد واحد ينهي الموضوع وينطيني رأيه ..

وهو انطاني رأيه وكلي ادخل علمي احسن وانتي شاطره وشجعني مثل ما يشجعني دائماً عكسي اني جنت سلبيه واحجي ويا مشاكلي بس هو لا يفرحني ويكولي الاشياء الايجابية والسلبية قليل يحجي ..

بس من عرفت شغله كلش ضجت منه وكمت بعد ماحجي وياه وهو عباله اني كمت ماحجي وياه لان اجتي المدارس بس هذا الشي مو صحيح ..

يكولون اذا تريدين تعرفين الحقيقة من ولد ..
احجي ويا بليل لان بهاي الفتره يحس بلوحده ويحجي الصراحه ..

واني طبقت هذا الشي ...

- رند .. هلو غيوثي
- غيث ... هلو سعديه ..
- ولك شكم مره اكولك اكره هاي الاسماء وقابل اني جبيره حته تصيحلي هيج .. لا تضوجني ابو سعيد
- اوك حمديه قصدي رندوش
- ماعرف ليش تحب اضوجني .. هسه اني مو اكلك ابو سعيد لان انت طلبت مني هذا الشي .
- اي بس انتي هم اتكولين لك واني هم اضوج منهه
- ماكدر متعوده بس انت مامتعود ع هيج اسماء
- لا متعود !!
- اهااا متعود .. ولك ويامن تحجي ويا بنات اسمائهن هيج اكيد هذني عوبات
- ههههه لا حبيبي مو عوبات .. ولج هو اني بس احجي وياج والله ما مصادق ماحب هذا الشي
- اوك صدكتك
- عفية برندوشه
- اي .. سؤال !!
- جواب !!
- انت مامصادق مو؟؟
- ي
- هم حبيت بحياتك ؟؟
- اي بس جان حب مراهقة مو اكثر وهسه ناسي ..
- اممم
- ي لا تفكرين زايد .. ماعندي شي حته اجذب عليج
- هاا زين
- بما اني احجيلج الصراحه بس اكو شغله اريدج تعرفيهه وماكلتلج عليه قبل !!
- احجي داسمعك ..
- بس مو ازعلين او اتبطلين تحجين ويايه
- لا مازعل ابو سعيد احجي عاد
- مو انتي اصلين وتصومين يعني متدينه وماعتقد اتحبين هذا الشي وايجوز اتكرهيني
- ولك شمسوي حته تفكر هيج .. احجي
- اممم .. مو هسه تره والله بطلت وكمت اصلي واصوم وره ما انخطفت
- ولك احجي موتتني
- اني جنت اشرب واسهر يعني جنت ويا البنات بس هذا الشي عادي كل الشباب يسوه
- شنوووو .. ولك هذا حرام
- ادري بس والله تبت وبطلت .. كمت بس اسهر ويا اصدقائي لا اشرب ولا انام ويا البنات صدكيني واني حبيت احجيلج لان هسه تعرفين احسن
- ولك شلون جنت تنام وياهن؟؟
- شنو شلون ؟؟ .. يعني انام وياهن مثل المزوجين
- ادري بس شلون سويت هيجي ولك ماكدر حته اتخيل هذا الشي ولا افكر بي ..
- آسف .. بس باعي كتلج اني راح تعوفيني لو تزعلين
- شزعل منك اني راح اموت .. مداكدر اصدك انت هيج مسوي لان اشوفك فقير ومؤدب ومتعلم مو مثل هذوله شباب الوكت
- ولج ادري والله بس جانت نزوات لا اكثر .. وهسه تبت وعفت كلشي
- ادري غيث
- اوك رند
- اني لازم اروح ماكدر احجي وياك
- شنوو راح تعوفيني
- لا مادري خلي افكر .. كلش ضجت وطلعت روحي
- لو ماكايلج احسن
- لا شكراً لان كلتلي الصراحه بس هسه خليني ع راحتي مدافكر عدل
- اوك براحتج
- تصبح ع خير
- وانتي من اهله
- باي غيث
- باي رندوش

- رند ... هذا صدك يحجي ..
شلون سوه هيج مداكدر حته الفكره رافضته ..

هذا مو زين اكيد يرجع ع سوالفه ياربي ليش هيج انوب اني تعلقت بي ..

لا مستحيل احجي ويا مره ثانيه محد يموت من وره احد ..
لازم انساه واعيش حياتي اني اصلي واصوم ومستحيل اقبل بهذا الشي ..

اووف ولج عيوني كافي تبجين كافي رحمي نفسج ..

صدك المظاهر خداعه ..
هذا الجنت اشوفه فقير طلع مسوي هيج اشياء ..

ويكولون خوفك من الفقير صدك والله خوفك منه بس مو الكل اني فقيره وماعندي هيج سوالف ..

هاي شنو العالم شكم قناع تلبس بليوم او كدام احد ..
بيا زمن عايشين ..

اوو عيني طفيت خلي انام وهيه تصفه بعدين خلي راسي يرتاح والباجر افكر صحيح هسه مشوشه ماكدر افكر بشي ..