عشق الجيران

البارت العشرين

هواي رادوا يعرفون القصه من طرف غيث وشنو جان وجهة نظره وشنو جان يفكر بيهه وليش هيج اصرف وياهه ..
هذا البارت كله يحجيه غيث ..

السلام عليكم اني غيث عمري هسه عمري ٢٦ ..
انتقلنه لهاي المنطقه ب٢٠٠٧ واني عمري ١٣ وماعرفت هواي وماختلط هواي وياهم ..

لما كملت سادس علمي بمعدل ٦٨ ..
ابوي قرر يسفرني لأوكرانيا لحته ادرس هناك ..

رحت هناك وضليت سنه ورجعت لبغداد ..
ماتحملت الغربه واشتاقيت لهلي حيل مكدرت استغني عنهم ..
الغربه حيل صعبه والي عنده نخوه مايكدر يعيش هناك ..

رجعت وتركت سنه لأن اجيت هنا وصادف بنص السنه ..
رحت ويا صديقي مروان جان هنا بمنطقتنه بس بعدين راح للكراده ..
كضيناهه هناك شرب وملاهي وبنات واحنه عدنه فلوس ..

ماهتمينه للدراسه والصرف لأن عرفنه راح نرجع واللغه هم منكدر نتعلمهه ..
من رجعت سمعت من مروان فاتحين كلية اهليه جديده اسمهه الاسراء ..
كلت لأبويه وقبل يساعدني بقسط اول سنه واني ماحب اعتمد ع ابويه ..

كلتله راح اشتغل وياك بلمختبر وانت علمني بما انو اني هم راح اروح قسم تحليلات مرضيه اني ومروان قررنه هذا الشي ..
وهمه يقبلون معدل ٦٥ لهذا القسم ..

اشتغلت وياه من اول مارجعت وره اسبوع ..
اتعلمت سهله الشغله انطاني بس اسجل اسماء واكتب نتائج التحاليل ..

كمت اطلع بلمنطقه اكثر وتعرفت ع واحد جوارينه اسمه منتظر ..
مروان هواي يجينه بليل ونكعد نشرب نركيله بلباب ..

احنه نشربهه من عمر ١٧ ..
كله ضحك وسوالف ونركيله ..

وراهه نروح نفتر ونسهر ويا بنات وناخذ حاجاتنه منهن ..
مراهقين ونصادق وجيلنه يختلف عن الجيل السابق ..

بدت السنه الجديده للدراسه وقدمنه اني ومروان وقبلونه ..
اني وياه بنفس العمر فرق اشهر بس ..

اما منتظر اكبر منه بسنتين وهو ضابط بلشرطة ..
يجي دائماً للمختبر متفقين انطي نتيجه غلط حته ياخذ اجازه من الشغل ..

داومنه وشفته البنات شلونهن هنا البس والميك اب اوفر ..
اني ماحب هيج صحيح اصادق بس ماستغلهن غصب عنهن ولا اهددهن ..

مروان طايش اكثر مني بهواي ويصادق كومه ..
ماعتقد بيوم من الايام يعقل ويزوج ويستقل ..

هو ابيض عيونه خضر وشعره اسود سرح ..
اني اسمر وعيوني عسليه وشعري ماحب اطوله مثل الباقين ..
شكل مروان ساعده هواي يحصل بنات بسبب عيونه وستايل بلبدايه ..