تدور احداث قصتنا عن شاب اسمو ( سامي ) .. في عمر 18 سنة كده يادووب خلص سنة تالتة .. زول ياخ ماشاء الله عليهوو ذكي شدييييد .. اخلاقوو عالية انسان محتررم ومحبووب بين اهلو واصحابوو .. وجيه ومكسسسر بنات الحلة كلللهن .. بس ماشغال بيهن وهموو كلوو قرايتوو ومدرستو وبس .. اجتماعي جداا سلبياتو تكاد تكون معدومة .. كل الاهل والاصحاب متوقعنوو يجي من الاوائل في الشهادة السودانية بسبب اجتهادوو وجديتوو في السنة كلللهااا
في الجهة الهناك كانت في مروة البت النجاااضة والمكسرا الحلة برضوو بجمالها وانوثتها .. لكن مهملة جداا وماعندها حاجة للقرااية نهااائي .. وبتغيب كانت من الحصص وبتعلل باسباب وهمية .. همهاا كلوو المكياج والقعاد قدام المراية .. والقطيعة مع بنات الحلة والشمارات .. وشغالة تفتن مع دي ومع فلانة ..
رغم ده الحلة كلها مغرمة بيهاا لكن ولامعبرة واحد فيهم .. لكن كانت منجذبة لسامي شدييد وبتحبوو حب اعمى لكن ماقادرة تصارحو ..
اصلو مروة وسامي جيران فرقهم ستة بيوت .. كانت بتزوورهم بحنك انو تتونس مع اخت سامي الصغيرة لكن هي بس بتجي عشان تعاين لسامي .. لكنو ماجايب خبرهاا هموو كل دراستوو وامتحاناتوو ..
وام سامي ( خالة سعاد ) ماكانت بتطييقها ابدااا وعاارفة حركاتها البتعمل فيها دي قصدها شنوو .. ومابتحب وجودها في البيت .. عشان ماتشغل ولدها سامي وتوقعو في حبالها ..
المهم مرت الايام سرييييع على نهاية الامتحانات واخيييييرا جا موعد النتيجة ..وكلللل الناس متررقبة ومقلقة وحارسة التلفزيون من صباااح الرحمن عشان يذيعوو الاوائل .. ومترقبين يذيعوو سامي ..
الناااس كلللها خاتة انوو ح يذيعوو يعني ح يذيعوو ..
الام ( بكل قلق وعيونها مرقرقااات) : ياااارب العباد ياحي ياقيوووم نجح ووفق ولدي واجعلوو من الاوائل ياااارب ..
الاب ( حاج حسن ) ـ بكل ثقة ـ : اي عليك الله ياحجة كترري من الدعوواات ..
( اصلوو سامي قاري علمي هندسة وحلم حياتوو يكون مهندس معمار ناجح جدااا .. واموو وابوهو ديل واقفين معاهوو في اي حاااجة ومسهلين ليهو كل الجو الملائم للقراية والمذاكرة وموفرين ليهوو كان كل سبل الراااااااحة )
عمار ( اخو سامي الاصغر منو بسنتين تقريبا ) : يااا سمسم شااايف مقلق كده . هههههههه مالك يازوول ماعامل لينا فيها حفار قرااااية السنة كلهاا .. الخووف تجيب لينا 70% بعد ده كلووو هههه
سامي : اي انت اقعد في حركاتك دي .. بدل ماتدعي لي معاك ..
عمار : لالا ماتخاف ياخووة .. ياااخ معقوولة ماندعي ليك? قاعد ادعي ليك معاي والله .. انت قدرهااا ياااخ وعلى قدر ثقتنا فييييك ..
سامي : حبيييبي ياغاااالي .. ربنا يسهل ان شاء الله ..
( وبدأ اعلان النتايج والكل متوتر )
وزير التربية والتعليم شغال الاول فلان الفلاني .. والناااس مقللللقة
التاني فلان الفلاااني .. التالت علان العلاني واستمر كده لحدي الخامس وازاداد التوووووتر .. بعدهااا قام نده
السادس : الطالب /سامي حسن محمد .. الام : سعاد احمد التجاني .. مدرسة : .......... النسبة : 96.3% ..
النااس كلهاااا كووركت والزعااااريييييط وصلت للحلة التانية وام سامي بقت تبكي دموع فرح على نجاح وتفوق ولدها .. وابوهو شغاال ليهوو رفعت رااااااسي ياولدي والله .. واخواتو الصغااار اتشعبطوو في رقبتوو .. وناس الجيران اتلموو وماشاء الله البيت اتملا عن اخرووو .. وانطلقت الافراااح والزعاااريط ..
يتبع....
