في الجانب الاخر صاحبتنا مروة ماقرااية هي نهااائي لكن عندها شوية ذكاء كده .. نجحت برضوو ( لكن نجاح حق حكومة 51.2% ) ..
نجحت كيف زاتوو الله اعلم هههه ..
هي برضوو قارية علمي هندسية .. وناس بيتها عاارفين ماح تجيب سجم خشمها بس عدت ..
سمعت بنجاح سامي وانو اذاعوهو في التلفزيون وطلع سادس البلد ..جات جااارية جرري على بيتوو .. وبقت تزغرررط ايووووي يووي بكل عين قووية .. وشغالة الف الف مبرووووك ياسااامي يااخ فرحتنا وفرحت كل النااس .. والف مبروووك ياخالة سعاد ..
خالة سعاد : الله يبارك فيك يابتي .. اهاا جبتي كم انتي ?
مروة : والله ياخالتوو جبت 51% نتيجتي كعبة عاارفة بس ياهوو النجاح اهم شي ..
خالة سعاد : مبروك النجاح يابتي .. وربنا يووفقك ان شاء الله ..
مروة : الله يبااارك ياخالتوو .. امييين جمعاا ويوفق سامي كمان ..
وهي شغالة تعاين ليهوو ساااي .. وهو ولاعبرها غير بس قال مبروك النجاح وربنا يوفقك .. وقام انشغل مع تهاني وتبريكات شباب الحلة .. وشغالين يوزعوو في الحلاوة والعصاير للضيووف الفي البيت ..
انتهت الاحتفالات والاهازيييج .. واستعد سامي عشان يقدم للجامعة النفسوو يدخلها ويحقق حلمووو ..
والحمدلله قدم ليهاا وتم تسجيلوو ..
وبقا خلاص يجهز حالووو ( نفسيا ومعنويا ) لمجتمع الجامعة ..
من الناحية التانية مروة قدمت لنفس جامعة سامي ( ودخلت تقديم خاص ) عشان تقرا معاهوو في نفس التخصص البحلم يدخلو وهو ( هندسة معمار ) ..
( اصلوو اسرة مروة وضعها المادي عاالي جدااا ومقتدرين )..
رغم انو ماعندها ( خط ) زي الناس خلييك من انها ترسم !!
عندها خط تحلف تقول بتكتب بكرعينها هههه لكن قدمت لنفس الجامعة ( وهو ماعارف انها قدمت معااهو ) ..
المهم واخييرا جا اليوم المنتظرووو سامي .. ودخل الجامعة وجاتو ليك الدهشة والاستغراب بهيبة الجامعة ومجتمعها وفكرها ..
وطبعاا عرف من ناس حلتوو وكلموهو انو في ناس ببرلمو الطلبة الجدد ..
كسرة : ( البرلوم الطالب الجديد في الجامعة ) ..
( يعني بتوهوهم اذا سألو عن حاجة معينة في الجامعة ) ..
واثناء انبهارو بالجامعة لقى بعض شليلات طلبة كده قاعدين في حوش الجامعة والبنات زاااااتهن انبهرن بسامي وبقن يعايين ساااااي ..وشغالات ده شنوو الكسااار ده !! .. ووووب علي!! .. ده هندي??الحقي الحقي يابنوووت عاينن المزززز ده!! ..
( غايتوو بنات الزمن بقن خطراات ياااخ واخطر مننا ههههه)
نرجع لصاحبنا المدهووش سامي ولسه ملخووم بالبيئة الجديدة دي .. وخايف يسأل يقوم يتوهو السناير ( السناير ده لفظ على الطلبة الفي السنة التانية من الجامعة ) ..
واثناء لفليفوو في الجامعة جاهو واحد قاصدوو شكلوو مقلق وباين عليهوو التعب والارهاق ..
الولد : السلام عليكم
سامي : وعليكم السلام
الولد : لو سمحت بس قاعات معمار سنة اولى وين?
سامي : والله يافردة انا برضو سنة اولى معمار زيك لكن ماعارفها وين ..
الولد : يااخ انا والله جيت من ستة ونص صباحا لافي زي الدربكين سألت كم زول كده يقوم يوصف المكان ومابلقاهو ياهو ..
سامي ( قام اتبسم ) : شكلو برلموووك يافردة ..
الولد : ههههه اي والله .. يااخ معقولة من اول يوم نتجهجه كده!!
سامي : انا برضوو متخوف اسأل من قبيل عشان الحركات دي هههه لكن كده دقيقة نسأل بتاعين المكاتب الهندسية ديل امكن عندهم خلفية عن قاعة معمار اولى ..
الولد : ارررح طيب
سامي : معليش ما اتعرفنا .. انا اسمي سامي حسن
الولد : مرحب بيك سامي ..
انا عصام حمدي ..
سامي : اتشرفنا ياحبيب ..
عصام : لي الشرف والله ..
واثناء ماهم ماشين على المكتبة الهندسية سامي سمع صووت بناديهو ساااااامي !!..
يتبع ....
