الإتهام الباطل

الجزء 06

فتحت رؤى الشنطة وانصدمت بتلفون سامي قاااعد في شنطتها .. وطواااالي دمعت ..

( ودميعاتها ديل يادوورب جابن الشكوووك فيها ) ..

سامي : ده شنوو يارؤى!! ?

رؤى ( وهي بتبكي ) : والله ماعارفة ياسامي ..

عصام ( اتضايق كده ) : التلفون ده الجابوو في شنطتك شنوو?

رؤى ( زادت بكيتها ) : ماعاااارفة مااااعارفة .. وقامت خلتهم ومشت بعيد منهم وجرت لاحقاها لميس وباقي صاحبتها من الدفعة ..

سامي : مستحيل!! ده شنو ياجماعة الحصل ده!!?

محمد : انت بتتوقع رؤى تعمل عملية زي دي!! ?

سامي : اكييد لاا .. بس كيف وصل ليها التلفون ده!!?? برغم اني من الصباح لقيتها مررة واحدة بس في المحاضرة!!

عصام : والله دي عووجة دي لكن!! ده تفسيرو شنوو الكلام ده!?

محمد : كدي خلوها بت الناس دي تهدأ شوية ونتكلم معاها بعديين برااحة براااحة ..

سامي اول مرة يشوف حب حياتو الوحيد يبكي بالدرجة دي وماقادر يعمل ليها حاجة .. لكن متيقن انوو يستحيل رؤى تعمل عملية زي دي ..

وبقى يفكررر ويفكررر ..

دخلوو المحاضرة التانية الساعة 3 وسامي سرحاان بعيد تماااما عن المحاضرة ومخوو سرحااان بالحاجة الحصلت دي ..ورؤى ولميس ماحضرن المحاضرة لاول مررة ..

انتهت المحاضرة بسرعة البرق .. وسامي طلع جااري جري لرؤى عشان يقعد معاها .. ويفهم الحصل شنوو!! ?

سامي لقن بنات الدفعة كلهن متلمين في رؤى وشغالين يهدّو فيها..

( فيهن الشك فيها وطلعها حرااامية .. وفيهن الواثق منها ومن براءتها وفيهن البين كده وكده )

سامي : بس معليش يااخوات ممكن تخلونا انا ورؤى شوية!! ?

لميس وباقي البنات : اووكي تمام ..

سامي : تسسلمي ..

( وقامن انسحبن بهدووء .. وفي بعضهن فكا الحادثة لباقي الدفعة وانتشر الخبر بسرعة الصاروووخ ..)

سامي قعد جمب رؤى وهي مدنقرة والدمووع مالية وشها .. وخجلانة ماعارفة تقول شنوو .. قام لاشعوريا رفع ليها راسها و مسح عيونها برومااانسية وبحنية غريبة كده .. ورفع وشها ليهوو .. وسرح بعيونو في عيونها .. لحدي ماعيونو لمعت ..

سامي : رؤى .. انا بحبك والله العظيم ..

رؤى طبعا من الفرحة ماعارفة تعمل شنوو بس اخفتها بسرعة كده وتاني دمعت لكن دمعة فرحة ..

برضوو بحنية مسح ليها دموعها وقال ليها : خلاص ماتبكي عشان خاطري .. انا مابقدر اشوفك والله بالحالة دي .. انا في حياتي ماحبيت زول غيرك والله .. عمري كلوو مقضيهو قراية بس وماكان عندي اي علاقة بالبنات ابدا رغم الكيد بتاعهن ده .. لكن انتي زلزلتي كل المشاعر والعواطف الفيني .. بعشقك والله وماشايف بت في الدنيا غيرك .. لكن ماقدرت اقولها ليك ..تقدري تقولي ماكان عندي الجرأة الكافية عشان اواجهك بيها .. لكن خلاص ماقدرت استحمل اكتررر من كده ..

واناا عااارف انوو يستحيييل تعملي حاجة زي دي ابدااا .. كلي ثقة فيك .. بس برااحة كده احكي الحاجة المررت بيك اليووم ده كلوو ..

(وببسمة كده ساحرة من سامي )

يلاا انا كلي آذان صاااااغية ..

( رؤى خجلت وماقدرت تعاين في وش سامي ) ..

وقامت بكل هدوء اتجاهلت كلام سامي الرومانسي الاول مادايرة تحكي ليهو برضو عن مشاعرها تجاهو طوالي كده ..

طوالي دخلت في موضوع التلفون ..

رؤى : والله ياسامي مااعارفة الجاب تلفونك ده شنوو في شنطتي ..

سامي ( بذكاءو الشدييييد بقى يحقق ويسألها عشان يعرف الحكاية شنو ) : طيب في حاجة حصلت ليك اليوم ده!?

رؤى : حاجة زي شنو يعني!! ?

سامي : يعني مر بيك موقف غريب كده .. تصرفات مامفهومة .. حاجة لفتت نظرك!! ?

رؤى : والله ياسامي ماف حاجة كده قبيل بس مشينا الاستراحة انا وميسون وحصل كده كده ..الخ

( حكت ليهوو قصة الوقعة بالتفاصيل ) ..

سامي : حسيتي بشي غريب في الحادثة دي!! ?

رؤى : ماف حاجة كده يقولو عليها بس حسيت مروة صاحبة ميسون انها زي كأنها مااا مهجووومة زينا كده ..

سامي : ايواا طيب تمام ..

طوالي ربط الحكاية انوو في تدبير متقن من مروة في الحكاية دي .. وانوو اكيييد دي واحدة من جرايمها ومُكرهاا ..ولااااازم يعرف باقي التفاصيل .. ويكشف للناس كلها برائة حبيبة قلبو رؤى ..

يتبع....