كومنت بليز +تصويت **********
--------------------------------------------
في منزل سلمى.......
كانت سلمى تسير الى المطبخ وهى في طريقها له سمعت صوت بكاء يأتي من غرفة رامي ففتحت باب الغرفة.
سلمى بغباء مصطنع :ممكن ادخل.
رامي وهو يمسح دموعه محاولا اخفاء اثرها :ما انتي دخلتي اهو.
سلمى :اه صح ايه الغباء اللي انا فيه ده.
رامي :كنتي عايزة حاجة يا سلمى.
سلمى :ابداً يا سيدي كنت رايحة آكل سمعت صوت حبيبي بيعيط فحبيت اعرف ماله.
رامي :مفيش حاجة.
سلمى بحزن مصطنع :كده برضو يا رامي من امتى وانت بتخبي عليا حاجة للدرجة دي كبرت و مبقاليش حق اعرف اسرارك.
رامي :لا طبعاً انا... انا مقصدش.
سلمى :خلاص مفيش داعي تبرر انا ماشية.
وقفت سلمى وكانت ستتجه نحو الباب الا ان اوقفها صوت اخيها.
رامي بخجل :سامحيني يا سلمى انا طلعت مش راجل.
سلمى بصدمة :ايه اللي الهبل اللي بتقوله ده.
رامي :ده مش هبل انا مقدرتش ادافع عنك وقت ما اتهموكي كدب في القاعة ومقدرتش امنع عمر من انه ياخدك معاه و مقدرتش امنعه من انه يضربك ويفتحلك شفتك حتى الشغل انتي اللي نزلتي تشتغلي مش انا.... انا مقدرتش احميكي يبقى بعد كل ده ابقى راجل ازاي؟
سلمى :لا طبعاً انت راجل و سيد الرجالة انا اللي بشتغل علشان بعرف اتكلم انجليزي وبفهم في بعض الحاجات اللي تخليني ممكن اشتغل وبعدين انا الكبيرة ثانيا عمر مضربنيش كل الحكاية ان في ناس ثبتونا وواحد فيهم رفع ايده عليا بس عمر اداله درس مش حينساه و...انا اللي روحت معاه بكيفي وانت اكتر واحد عارف ان محدش يقدر يغصبني على حاجة ثالثا الشك ده كان لعبة عملتها مع زياد علشان اقدر اقنع جميلة بالارتباط بوليد مش اكتر يعني كل اللي حصل ده ملكش ذنب فيه خااالص.
رامي :طب انت ليه روحتي مع عمر؟
سلمى :كان لازم اوقفه عند حده علشان يبطل يطب علينا الناس بتتكلم واحد من صحاب المحلات اللي جمبينا كلمني امبارح وجارتنا اللي تحت بدأت تطلع اشاعات علينا واحنا لوحدينا هنا و لو حد من عيلتك عرف حاجة معرفش ردة فعلهم حتبقى عاملة ازاي.
رامي بحزن :اهلنا ها اي اهل دول يا سلمى اللي بتتكلمي عليهم ده محدش رفع سماعة تليفون وكلمنا حتى خالتوا بطلت تكلمنا من ساعة ما اتخانقتي معاها.
سلمى :خالتك معذورة الدور والباقي عن التانين وبعدين احنا مش محتاجين حاجة من حد اللي عايز يسأل يسأل واللي مش عايز احسن وفر برضو.
رامي :انا دلوقتي بس عرفت حزن بابا اللي مكنش ليه سبب كان من ايه.
سلمى :بقولك ايه متاخدنيش في الكلام كده حسك عينك اسمعك تقول على نفسك انك مش راجل دي تاني والا..
رامي مقاطعا :من غير والا وقام باحتضان اخته :ربنا يخليكي ليا و ميحرمنيش منك ابداً انتي مش عارفة من ساعة اللي حصل مع بابا وماما ووائل وانا خايفة اخسرك انتي كمان.
سلمى مخففة عنه :انا حفضل معاك و مش حسيبك وبعدين يلا معايا على المطبخ والا حتلاقيني مغمى عليا هنا انا عصافير بطني بتصوصو وانت شكلك كلت من غيري.
رامي :لا ابداً محصلش ده انا واقع من الجوع.
سلمى :طب يلا بينا.
YOU ARE READING
سأظل رغم الصعاب
Fanfictionالحقيقة انا اول مرة اكتب رواية واتشجع وانزلها فيارب تعجبكم دائماً ما تفاجئنا الاقدار بما لا تشتهيه قلوبنا ولكن حكمة الله في هذا الشئ تكون اكبر مما نظن واعظم مما نتخيل هكذا قصة سلمي ستفاجأها الحياة بما لا تحب ولا ما يتمناه بشر في الوجود ولكن هذا الش...
