Wonder Woman

Eomma

Sa pagmulat ng mata siya lang ang nakita

Kumapit kami at gusto sanang magsalita

Ngunit purong iyak lang ang aming nagawa

Hinagkan niya kami at tumigil ang pag-ngawa

Tanging haplos niya lang ang sa ami'y uubra

Paghawak sa ami'y banayad ng sobra

Sa paggising sa umaga siya ang unang hinahanap

Tanging amoy niya lang ang nais malanghap

Pag siya'y nasisilayan kumpleto na ang araw

Sumisigla ng todo ang aming mga galaw

Boses niya'y musika sa aming pandinig

Presensya niya'y bumubuo sa aming daigdig

Marami man siyang mabigat na nararanasan

Nandito kami upang iyon ay gumaan

Matumba at madapa man siya ng paulit-ulit

Sasaluhin din namin siya kahit ilan pang ulit

Magkaroon man siya ng pusong napapagal

Kami'y mananatiling malakas kahit gaano pa katagal

Sa paglaki'y siya pa rin ang nais makatabi

Nais pa rin makita ang ngiti sa mga labi

Balang araw babalik ang sigla

At lilipad siya kasing taas ng agila

Dahil lakas niya'y Maykapal ang lumikha

Kaya kirot sa puso'y matatanggal ng kusa

Hindi hahayaan na siya'y mag-isa

Hindi papayag na siya'y mabalisa

Nang kami'y maliliit siya ang nag-aruga

Kami naman ngayon ang nais mag-alaga

Ang mga bisig niyang sa ami'y nakaalalay

Kaya't buhay namin sakanya'y ibibigay

Nabuhay kaming siya ang hinahangaan

Pagmamahal sa ami'y kanyang inilaan

Matatag na tao, 'yan ang aming Inay

Matapang na babae, 'yan ang aming Nanay

Sayo'y maglilingkod ng walang katapusan

Mamahalin ka ng walang alinlangan