حكايه عشق 2

19

الفصل التاسع عشر

هزت نادين رأسها بصدمه قائلة:مستحيل..مستحيل اللي انت بتقوله ده ايمان مش ممكن تعمل كدة
عقد آسر حاجبيه قائلا:هو انتي تعرفيها
اومأت نادين قائلة:ايوا طبعا ايمان كانت زميلتي في ثانوي ويوسف كلمني قبل ما يموت وقالي لو جراله حاجة يبقى واحد اسمه خالد
اتسعت عيناه صدمه قائلا:خالد!!! انتي قولتي خالد ايمان قالت نفس الكلام
نادين:انا عايزة اشوفها
آسر:صعب جدا دي لسه بيتحقق معاها بس انتي لازم تروحي النيابة وتقولي الكلام ده اكيد هيساعدها كتير
نادين:طيب هروح
آسر:تعالي معايا دلوقتي هنروح لطارق لازم يعرف الكلام ده
اومأت نادين وذهبت معه وقد قررت ان تحكي لطارق كل شئ..
****

في مكتب طارق بالشركة ومعه عاصم ينتظرون زينه ان تعود..دخلت مساعدة طارق ونظرت له قائلة:المقدم آسر الراجي برا وعايز يقابل حضرتك
عقد طارق حاجبيه ونظر لعاصم قائلا:ده عايز ايه
هز عاصم كتفيه قائلا:معرفش خليه يدخل وانت هتعرف
اومأ طارق ونظر للفتاة قائلا:خليه يدخل يا منى
خرجت منى وبعد لحظات دخلةآسر ومعه نادين..نهض طارق وصافحه قائلا:اهلا آسر باشا اتفضل
آسر:متشكر ،ثم اشار لنادين قائلا:انسه نادين بكري..اخت يوسف الله يرحمه
نظر طارق لها بكره واضح فابتلعت ريقها ،اشاح طارق بوجهه وقال:ده دكتور عاصم الشاذلي
آسر بابتسامة:طبعا دكتور عاصم غني عن التعريف
نظر طارق لآسر قائلا:خير الانسة عايزة ايه
جلس آسر وجلست بجانبه لكنها التزمت الصمت فقال آسر:اولا الانسة نادين ملهاش اي علاقة باللي يوسف كان بيعمله هي كانت عايشة برا من زمان مع بنت يوسف
اتسعت عينا نادين ونظرت له بدهشه..كيف له ان يعرف امر ابنة يوسف..كيف له ان يعرف انها كانت تعيش طوال حياتها بالخارج..انتبهت لطارق الذي قال:كل الكلام ده ميهمنيش مفهمتش برضه هي عايزة ايه..متكونش جاية تلبس مراتي قضية تانية
في تلك اللحظة هتفت نادين بحده:هو ممكن حضرتك تسكت شوية وتسمعني اوف انت ايه راديو وفتح
اتسعت عينا طارق وعاصم بدهشه..اما آسر فنظر لها بتعجب ثم فلتت منه ضحكة رغما عنه على تلك الفتاة التي كانت منذ ساعة تبكي مثل الاطفال على قبر اخيها والان تتحدث مع طارق بتلك الحده ،اما طارق فضغط على اسنانه بغضب واشاح بوجهه قائلا:قدامك دقيقتين لو مقولتيش عايزة ايه والله العظيم...
قاطعه آسر قائلا:طارق بيه لو سمحت مينفعش كدة ،ثم نظر لنادين قائلا:ايه اللي بتقوليه ده
زفرت بضيق:sorry عصبني
نظرت اليه قائلة:انا عارفه ان ايمان مقتلتش اخويا ومتأكدة من كدة..يوسف قبل ما يموت قالي انه لو جراله حاجة محدش هيبقى عمل كدة غير واحد اسمه خالد
طارق بتعجب:خالد!
تدخل عاصم قائلا:انتي تعرفي شكله
اومأت نادين قائلة:ايوا شوفته مرتين
صمت الجميع عندما اقتحم غسان المكتب ووراءه منى التي كانت تقول:مينفعش كدة يا استاذ
نهض طارق وهتف قائلا:خلاص يا منى اخرجي انتي ،ثم نظر لغسان قائلا:خير يا غسان في ايه
القى غسان الجريدة التي كانت بيده على المكتب قائلا:اتفضل اقرا
امسك طارق الجريدة وقرأ مافيها..اتسعت عيناه بدهشه وغضب وهو يقرأ والقى الجريدة قائلا بغضب:مين الحيوان اللي كتب الكلام ده
كان الجميع ينظر اليهم بدهشه حتى زينه التي دخلت وراء غسان مباشرة..التقطت زينه الجريدة من على الارض واتسعت عيناها وهي تقرأ ماكتب وهمست بحزن:استغفر الله العظيم
نظر لها عاصم قائلا:اقري يابنتي خلينا نفهم
نظرت لطارق بتردد فزفر عاصم قائلا:ماتخلصي يا زينه
ابتلعت ريقها وبدأت تقرأ:السر وراء مقتل رجل الاعمال السابق يوسف بكري..اكدت احدى المصادر ان السبب وراء مقتل يوسف بكري على يد زوجة رجل الاعمال طارق عز الدين هو وجود علاقة غير شريعة بينهم ،واكدت تلك المصادر ان هناك خلاف حدث بينهم مما ادى الى قتله
اخفضت زينه الجريدة وهي تنظر لوجه طارق الغاضب ونادين التي كانت تهز رأسها بصدمه واحمد الذي كان يقف بجانب باب المكتب وينظر لشقيقه بترقب..زفر طارق بغضب وصاح:منى منى
جاءت منى راكضة ووقفت امامه فقال وهو يعطيها الجريدة:10 دقايق وتشوفيلي مين اللي كتب المقال عايز كل حاجة عنه
اومأت منى بتردد وخرجت من المكتب ،نظر طارق لغسان قائلا:بعد اذنك ياغسان خليك مع منى واول لما تعرف قولي
رفع غسان احدى حاجبيه قائلا:وبعد ما تعرف
همس طارق بصوت غاضب:هعرفه ازاي يجيب سيرة مراتي بكلمة واحدة
نهض عاصم قائلا:طيب انا همشي ،ثم نظر الى نادين قائلا:بكرا هستناكي عند النيابة الساعة 10
تدخل آسر قائلا:ان شاء الله هنكون هناك
رفعت نادين حاجبيها لكنها لم تعقب بل نظرت لطارق قائلة:استاذ طارق عايزة حضرتك في موضوع على انفراد
نظر لها آسر قائلا:ليه
طارق بهدوء:بعد اذنكم سيبونا لوحدنا
ابتلع آسر غضبه عندما اصطحبها طارق لغرفة الاجتماعات بداخل مكتبه..جلست نادين على المكتب وهي متردد هل يصح ان تقول له..لا تعرف اذا كانت ايمي قد حكت له شئ ام لا لكنها قررت ان تقول له ،نظرت اليه وبدات تقص عليه ماقاله يوسف لها..رغم البرود المرسوم على ملامحه لكنها رأت اشتعل ذلك الفحم في عينيه بغضب وكره..همس بصوت منخفض لكنه مخيف:اقسم بالله لو كان عايش كنت هخليه يتمنى الموت
انسابت دموعها قائلة:انا عارفه ان الموضوع صعب بس صدقني يوسف مكنش وحش اوي كدة
نهض طارق صائحا بغضب:مكنش ايه!!! خطف اختي وحاول يعتدي عليها ومكنش وحش..كان بيتاجر في المخدرات ومكنش وحش.. ،ابتلع تلك الغصه في حلقه وهمس:اعتدى على مراتي وتقوليلي مكنش وحش..امال لو كان وحش كان هيعمل ايه
نهضت نادين واقتربت منه قائلة:يوسف مات وحسابه عند ربنا ارجوك حاول تسامحه
اشاح طارق بوجهه ولم يجيب فتنهدت بحزن وخرجت من المكتب ولاحقها آسر حتى خرجت من الشركة وقبض على معصمها..التفتت اليه ليرى تلك الدموع في عيناها فهتف قائلا بقلق:ايه اللي حصل
هنست باختناق:مفيش
آسر:لا في كنتي عايزاه في ايه
زفرت نادين بحده قائلة:وانت مالك انت مش شايف يا سيادة المقدم انك بتتدخل في اللي ملكش فيه
نظر لها آسر لبرهه واخفض بصره بحرج قائلا بحزن:اسف..مكنتش اقصد اتعدى حدودي..اوعدك مش هتشوفي وشي تاني بس اروح معاكي النيابة بكرا
عقدت حاجيبه وهي تنظر لذلك الحزن الذي ظهر في عينيه..شعرت انها تعاملت معه بحده زائدة..كانت تريد ان تعتذر له لكنها تراجعت واومأت برأسها..تركته واستقلت سيارة اجره وهي تشعر باضطراب في مشاعرها لا تستطيع فهمه..
****
في اليوم التالي ذهبت نادين للنيابة مع آسر الذي كان ينتظرها اسفل منزلها..لم يتحدث اي منهما مع الاخر.. كانت ايمي هناك ايضا لاعادة التحقيق معها..دخلت نادين لوكيل النيابة مع عاصم وسردت عليه ما قاله يوسف قبل وفاته ماعدا ماحدث لايمي..صمتت نادين قليلا ثم قالت:ايمان مستحيل تقتل يوسف
حك "محسن" وكيل النيابة ذقنه وقال:يعني انتي بتقولي ان ايمان مقتلتش
اومأت نادين فقال:بس تحليل المعمل الجنائي بيقول ان البصامات بصاماتها هي
اتسعت عينا عاصم ونادين بصدمه عدا ايمي التي كانت تنظر لهم بجمود..هتف محسن:قررنا تجديد حبس المتهمه 15 يوما
نظر عاصم لمحسن وقال:وبرضه انا من حقي اطالب باستخراج جثة المدعو خالد عبدالرحمن عشان نتأكد من صحة كلامهم
ابتسم محسن بسخرية قائلا:لا حقك..بس ده برضه مينفيش تهمة القتل من موكلتك
نظر له عاصم بتحدي قائلا:دي بقى بتاعتي انا
وافق محسن على طلب عاصم وخرجوا من المكتب..اقتربا منهم طارق وغسان وظل آسر يتابعهم من بعيد..نظر طارق لعاصم قائلا:ها عملتوا ايه
تنهد عاصم قائلا: تحليل المعمل الجنائي قال ان السكينة كان عليها بصاماتها وجدد لها الحبس 15 يوم
مسح طارق وجهه بيده قائلا بغضب:ولاد ال*** لعبوها صح
ربت عاصم على كتفه قائلا:متقلقش انا طلبت انهم يخرجوا جثة خالد عشان نتأكد
نظرت نادين لايمي قائلة:هتخرجي ان شاء الله
ابتسمت ايمي ابتسامة باهته وقالت:يارب
****

ابلغوا عبدالرحمن والد خالد بقرار النيابة في استخراج جثة خالد..كان يتمنى من كل قلبه ان يكون توفي حقا حتى لا يكون قاتلا..لا يريد ان يكون ابنه السبب في ايذاء ابنة عمه..لا يعرف لو كان حيا لماذا فعل ذلك..فايمي لم تؤذيه قط..تنهد بحزن وهو يدعو ان يخيب ظنهم جميعا
****

عاد غسان للشركة ليتابع الامر مع منى مساعدة طارق..جلس امام مكتبها وسألها:عرفتي حاجة
اومأت منى وهي تعطيه ملفا قائلة:ايوا..ده ملف في كل المعلومات عنها..
همس غسان بتعجب وهو يمسك الملف:عنها!!
فتح الملف وقرأ اسمها بهمس:دليلا..دليلا منير الجرحي..
****
في المساء في مكتب عاصم كان يجلس هو وطارق وزينه..كان عاصم يفكر في حل لتلك القضية..تنهد طارق قائلا:يعني مفيش حل؟
صمت عاصم قليلا ثم قال بتردد:هو في حل بس
صمت فقال طارق بسرعة:ايه هو
عاصم:انها تقول انه حاول يعتدي عليها وكدة هيبقى قتل دفاع عن النفس
هبت زينه واقفه وهتف:لا لا ده مش حل حرام كدة
عاشم بتعجب:ليه بقى
زفرت زينه قائلة:يادكتور عاصم انت عايزها تكدب في اكتر وقت هي محتاجة ربنا جانبها..وكمان تفتري على راجل ميت بالظلم وهو مات عشان خاطر حاول ينبهها
تنهد طارق فقال عاصم:ماهو مفيش حل تاني
زينه بحماس:لا في
طارق:طب ايه هو
جلست زينه قائلة:مش مدام ايمان قالت ان يوسف قالها ان خالد عايش وده نفس الكلام اللي قالته نادين اخت يوسف صح
اومأوا برأسهم فاكملت:وكمان حضرتك قلت انها شافته في العمارة اللي فيها العيادة يبقى ايه اللي هيوصلنا للخالد؟
ضرب عاصم جبهته بيده قائلا:كاميرات المراقبة اللي في العمارة
.......

يتبع....