#الخطيئه
بقلم فردوس عبد اللطيف
الجزء 3
مهيمن. خلصت تشطيب البيت وبعد لازم نتحول بيتنه كنت ملهوف أتعرف على البنت ام عيون حزينه حاتبدي المدارس وبلكي اشوفهه تروح للدوام لان هالايام مجاي اشوفهه عيني على بابهم وماكو انشلع كلبي عالاقل نتحول وأصير يمهه
تحولنه لبيتنه الجديد امي من النوع الي تدور إتيكيت ونزاكه
ورتبت البيت سوته يخبل كانت تشتغل مشرفه تربوية وابوي مهندس يعمل بالنفط حالتنه الماديه كانت متوسطه عندي اخوات اثنين واخوي الصغير اني كنت الكبير
بدا دوام المدارس وطلعت انتظر خروج بنت جيرانه الي ما اعرف عنهه اي شي بس سمعت كالو بيت الأسير يعني ابوهه أسير بقيت واكف بالباب انتظر الحلو يبين
اي طلعت لابسه قميص ابيض وصدريه طويله وتمشي بخجل مشيت وراها لحد ما دخلت المدرسه وركض على مدرستي طبعا اول يوم كان دوامنه فوضى كملت بسرعه وركض على مدرسه حبي رحت اخذت البايسكل وافتر كبال مدرستهه شوكت تطلع بقيت تقريبا ساعه بين افتر وبين اوكف لحد ما طلعو
اي فدوه طلعت الحلوه واني وراها افتر وارجع ادور اخر شي نزلت من البايسكل وبقيت امش وراها هي حست اكو احد التفت شافتني اخترعت ..... اشو سرعت خطواتهه
اتمنى احجي اكلمهه اسولف وياها لكن خفت تفشلني
بقيت ساكت بس امشي وراها
شغلت تفكيري من أشوفها احس كلبي يدق دقات سريعه شنو معناها حبيتهه صارلي فتره مشايفهه بس اليوم من شفتهه حسيت وتأكدت اني حبيتهه بدون ما اعرف اي شي عنهه
المهم كلبي اختارها صرت ادور اغاني حب وغزل واهتم بشكلي وابقى واكف بالباب بلكي تطلع واشوفهه
مروه اليوم اول يوم داومت الولد الي صيح علي ابو البايسكل حسيت بي الصبح لاحكني للمدرسه وبالرجعه هم وراي شيريد مني حسيت بخوفه منه من يوم صيح علي حسيته قاسي ومغرور .....شدعوه شايف نفسه اوي لويش افكر بي
مهيمن .... بديت اختلط بالمنطقه وعرفت قصتهم ناس مستورين واسمها مروه واصغر بنت عدهم وحالتهم الماديه ظعيفه هذا الي عرفته عنهم ....المهم عندي مروه ما مرتبطه بحبيب او خطيب ......
بقيت الحكهه يوميه الصبح والظهر من ترجع وراها تقريبا عرفت مواقيت دوامهه وأيام تكون عدهه 6 دروس وأيام 5 دروس كل هذا عرفته ويوم عن يوم حبي الهه يكبر ويزيد
وتكبر بعيني لان البنت ماترفع عينهه من الارض
مهيمن .... لحد يمته ابقى اراقبهه بصمت لازم اكسر الحاجز الى بينه كعدت كتبتلهه رساله خلي اشوفهه واشوف رده فعلها
(امانه ايتها النوارس اخبريه
ان قلبي به متعلق وروحي له عاشقه
بل اخبريه ان شوقي له تعدى الشوق بذاته)
العاشق مهيمن
وخليت بيهه رقم تلفون بيتنه وطلبت منهه تتصل بي
يوم الثاني الصبح لحكتهه وخليت الورقه بشنطتهه عالسريع ومشيت هي اخترعت وفزت ... هاي اشبيهه شكد خوافه
مروه ...كنت امشي مع صديقتي وابن جيرانه خله ورقه بشنطتي ارتبكت خفت بس صديقتي (مها) شجعتني
مها. ولج هاي اشبيج ليش خايفه لا تصيرين ثوله صارله من بدت السنه وهو يركض وراج دفتحيهه خلي نقرى مو رجليه صارت خيوط
مروه. ولج اخاف منه
مها شتخافين دفتحي خلى نقرى
مروه بعد ما فتحت الرساله واني خايفه وارجف. اشو كلامه عجبني ومعنى كلامه يحبني
مها ولج هذا يحبج مو كتلج همزين ما مزقتيهه رسالته
مروه يعني اخابره
مها شتنتظرين. تعالي لبيتنه ومن بيتنه خابري واني اعلمج شتدكولين. (بوقتها كانت التلفونات ارضيه)
مروه. رحت لبيت مها وهو شافني دخلت لبيت مها اشرلي خابري ...اني اشرتله حا اخابرك
مروه. كلبي يرجف وخايفه رِن التلفون سديته صاحت علي مها ولج انت اشبيج
مروه خايفه. رجعت رنيت جاوبني
مهيمن. الوووووو هلا بالقمر اشلونج مو كطعتي كلبي
مروه الو ها اشلونك
مهيمن. اني العاشق الولهان حبيتك يا اغلى انسان
مروه شبسرعه حبيتني. ومها تاشرلي وتضحك علي واني مرتبكه
زين حا اروح لبيتنا ومن هناك اتصل
مهيمن. مو تتاخرين
مروه اوي مها اشبيج خبلتيني ما اعرف احجي حا اتصل من بيتنا
طلعت من بيت مها وشفته واكف بالباب يباوع علي هالمره افتهمت نظراته كلهه حب وشوق
ابتسمتله اشرلي اتصلي. واشرتله فد شويه
دخلت للبيت تلكوني خواتي ها اشو تاخرتي
كنت بيت مها نقلت منهه الدرس مالحكت
مروه. بقيت اتصل بمهيمن ونسولف حسيت بي مهتم بي ومتعلق بي تعلقت بي وحبيته بالبدايه ماكنت مفكره احبه بصراحه لان اهله مبين عليهم وظعهم افضل من عدنه واكيد أمه حا تعترض وماتوافق على زواجنه بس هو حبني وتعلق بي يجوز يكدر يأثر على اهله
مرت السنه الدراسية بسرعه اني التهيت بالحب والغزل اهملت دروسي رسبت مهيمن شاطر نجح. اهلي من رسبت بطلوني من المدرسه كعدوني بالبيت انحبست مهيمن صار بالسادس كضاها مدرسين ووقته قليل الي نتكلم بي حسيت علاقتنه صار بيهه نوع من البرود
مهيمن. مروه رسبت واني فاتحت امي بموضوع مروه وأريد اخطبها امي رفضت كالت المستقبل كدامك ولاتفكر حاليا بالارتباط وهذه مشاعرك حاتتغير بس تدخل الجامعه
وفعلا امي عملت المستحيل حتى اطلع معدل وتدزني لبغداد ادرس صيدله وفعلا طلعت معدل وانقبلت صيدله بغداد
من داومت بالكليه واختلطت بالمجتمع فعلا تغيرت مشاعر الحب والحنين الي كنت اشعر بيهه بتلك الايام بوقتها كنت اشعر اذا ما اتزوج مروه ان الدنيا حا توكف او اموت لكن فعلا كل مرحله الهه دور بحياتنه صحيح كانت مشاعري تجاه مروه حقيقيه وحب صادق لكن اني تغيرت صرت طالب صيدله وفِي بغداد مروه توقفت حياتهه عند حد معين من بطلوهه اهلهه من المدرسه اكيد ماتناسبني
مروه من دخل مهيمن الكليه حسيته تغير علي حتى من يجي اجازه مايتصل عرفت وافتهمت مشاعره تغيرت من ناحيتي
....بعد سقوط بغداد تغيرت هوايه امور وناس ارتفعت وناس نزلت هذه الحياة ماكو واحد يبقى على حاله
مدينه أصفهان الايرانيه. زكي ابو حسن ومروه
صفيت أموري ولازم ارجع للعراق خايف اشلون راح التقي بعائلتي حاينصدمون ما احتاج جواز عالهويه اسافر
صفيت امور شغلي ودعت أصدقائي وخصوصا صديقي ابو فاضل الله وياك ابو فاضل كنت نعم الصديق والأخ بالغربه
ابو فاضل. الله وياك اخي ابو حسن بس ترى فاضل كبر وراح ازورك بعد كم شهر اني وفاضل وانت على وعدك وكلامك اخوي. جايين وراك هم نزور وهم نجيكم
ابو حسن. اهلًا وسهلا بيك وين اكو مثلك اخ وصديق اني بانتضاركم
طلعت عالحدود (مدينه الكوت )بدره وجصان
طول الطريق دموعي تنزل ماتوقفت اشلون راح التقي بعائلتي وصلت للكراج وطلعت على ذي قار
للحكايه بقيه. بقلم فردوس عبد اللطيف. F
أنت تقرأ
الخطيئة
العاطفيةاحيانا تجرنا الحياة لطريق لم يكن باختيارنا وتبقى محاولات الخلاص من الخطيئة تأرة تفشل وتارة تسوقنا لتغول بالوحل من اجل لقمع العيش
