اياد: لعد نتزوج ؟ اخذج واسافر
ايلين : صفنت بوجهة انت شدتحجي وين اكو هيج زواج
اياد: ماكو لعد غير طريقة وزواجنا راح يكون ع الورق فقط اني عايش بفرنسا بعد منتزوج اخذج ونسافر تساعديني هناك
ايلين : بقيت ساكتة مااعرف شجاوبة صحيح اني احب اساعد الناس واحب يكون عندي شغل بس موبهيج
طريقة
اياد: راح اعوفج منا الباجر تفكرين اني بس باجر باقي وراها اسافر لذلك فكري ورديلي جواب
ايلين : ماشي
اياد: وهسة رجعيني للغرفة
ايلين : اخذتة للغرفة وبقيت افكر معقولة يكون فعلا محتاج الي ووو افكار هواية بالي الى ان رجعت للبيت وانتظرت ابوية حتى احجيلة واخذ رأية وتفاجأت بموافقتة بدون حتى ميشوفة
ابو ايلين: بنتي اني اشوف هاي خوش فرصة الج تشتغلين الشغل الي تحبي وتسافرين وعندج راتب تكونين حياتج بي ويكون زوجج هو بنتي اني مدايم الكم ولاامج دايمة لازم تشوفين حياتج
ايلين : مااعرف بابا راح اجيبة باجر للبيت وشوفة
اجة اياد ثاني يوم البيتنا وشافة ابوية واقتنع بي امي وابوية نفس الرأي
اياد: اجتي ايلين علية واخذتني البيتتهم والتقيت بااهلها ومبينين ناس طماعين وديبعون بتهم من سمعوا شكد راح انطيها راتب رأسآ وافقوا كانما ديبيعوها اكيد قبيحة وعمرها جبير وماكو احد يتزوجها المهم معلية اني بهاي المواضيع اهم شي تجي تساعدني
ايلين : بعد موافقوا اهلي عقدنا اني واياد وصار كلشي سرعة بسرعة كانما حياة ثانية دتنتظرني كانما رايحة للمجهول مااعرفة ولااعرف اهلة كاعدين اني ويا بنفس الطيارة عيوني تدمع على اهلي مااعرف ليش وافقت واهلي ليش وافقوا بهاي السهولة حسيت اكو ندم بداخلي بس من باوعت عليي وشفتة نايم انقهرت كلت يمكن ماعندة احد ويا او يمكن ربي حققلي حلمي انو اشتغل هيج شغلة وصلنا الفرنسا واجتي سيارة اخذتنا البيتهم مشينا اني ويا ايد باايد وبيناتنة مسافة لما نوصل للبيت
اياد: اكيد امي واكفة بالبالكون ويمها ابن عمها
ايلين : مااعرفهم واكفة مرة جبيرة وياها ولد شاب
اياد : اي همة
ايلين : وصلنا البيتهم سلم ع امة وابن عمة
ام اياد: ابني متعرفنا ع الي وياك
اياد : زوجتي ايلين
ام اياد: شوكت وشلون تزوجت
اياد: شفتها وعجبتني وتزوجنا ليش تدققين بالموضوع تصير كرايب ايمن صديقي وهو كلي عليها
ام اياد: فرحتني كلش حضنتها للبنية وبوستها البنية كلش حلوة وصغيرة استغربت انو تتزوج بااياد صحيح اياد مناقصة شي جمال واخلاق وثقافة وفلوس بس علمود حالة عينة بلكت تكون خوش بنية فعلا وتسعد
رامي : اسمي رامي ابن عم اياد عمري 30 اني زير نساء 😎 كل البنات احبهم عايشين بنفس البيت مواصفاتي طويل وضعيف عيوني سودة وشعري اسود انيق كلش من اني وصغير اياد جان يعلمني ع اللبس والاناقة يعني تعلمت منة عندي اخت عايشة وياية اسمها روزا تفاجأت بزواج اياد من بنية كلش حلوة وهادئة اكيد تزوجتة علمود فلوسة مبين من ملابسها من الطبقة الفقيرة الله يسعدهم 😂
ايلين : تفاجأت من اياد من كال الامة اني زوجتة ومكال مساعدتة يجوز ميريد احد يعرف امة حبابة سلمت علية ورحبت بية سلم علية ابن عمة بثقل سلمت اني طبيعي ودخلنا للبيت شكد داخلة بيوت بحياتي مشفت بيت بهذا الجمال بيت آمراء فعلا بداية البيت حديقة بنص الحديقة ممر مرتبط بي مسبح وعلى يمين الحديقة تحيط بالحديقة الاشجار والورود وداير مداير الحديقة ممر دائري على يمينة مدخل البيت 😍 دخلنا البيت اول شي الاستقبال عبارة عن ابيض مورد بذهبي وبالوسط ميز متوسط الحجم على الميز ورد ابيض وقريب من التخم تحفيات شكد مااوصف قليل نهاية الاستقبال ميز طعام جبير ورا دراجين يصعد للطابق الثاني بيت آمراء فعلاااا
ام اياد: ابني اكيد تعبان خليت الخدامة تحضر غرفتك انت وزوجتك ارتاح شوية بين مترتب اغراضكم
ايلين : كعدنا بالاستقبال بين متخلص الخدامة وداافكر شلون راح انام ويا بغرفة وحدة اوووف ايلين شسويتي بنفسج
ام اياد: يلا ابني اخذ مرتك واصعدوا الغرفتكم ولتتاخرون ع موعد الاكل وفهم مرتك كلشي
اياد: ماشي اخذتني ايلين وصعدنا للغرفة اندل كلشي بالبيت اكدر اصعد وانزل وحدي دخلنا للغرفة
ايلين : شلون راح انام وياك بغرفة وحدة
اياد : عادي نامي بالكاع
ايلين : وليش متنام انت بالكاع مفروض تكول الاهلك مساعدتي حتى يخلولي غرفة وحدي
اياد: تسدين حلكج وتسكتين هذا الموضوع يبقى بيناتنة انتي جاية تساعديني شكلج تنفذين بدون سؤال اكو فراش بالكنتور اخذي وفرشي بالكاع ونامي وعدنا مواعيد محددة الكلشي نكعد ساعة 7 نتريك كلنا نتغدة ساعة 3 ونتعشة ب9 دائما نحب نجتمع عائلة وحدة ع الاكل عدا بحالات استثنائية انو ناكل بالمطعم حتى لو متشتهين لازم تنزلين تكعدين ويانة
ايلين : شنو هاي ياربي حتى بالاكل مواعيد مو اكللكم بيت امراء 😫
فرشت فراشي ونمت من التعب كعدني اياد
اياد : كعدت وصحت ايلين عرفت بعدها نايمة بقيت اصيح ايلين ايلين
ايلين : مدااكدر اكعد تعبانة كلش
اياد: يلا كومي راح يصير وكت الغدة مساعدة كسولة يلا كومي اريدج تختاريلي ملابس داانزل
ايلين : كمت غسلت وجهي وكتلة شنو تحب تلبس
اياد: قميص سمائي فاتح وبنطرون بيجي وحزام جوزي وطلعيلي الساعة الذهبية والحذاء الجوزي
ايلين : حضرتهم الة وكلت اني نازلة كمل وتعال
اياد : وين نازلة ميصير لازم ننزل سوية
ايلين : لعد شلون تبدل
اياد: عادي انداري اعرف البس
خلص اياد لبس ونزلنا لكيت اهلة كلهم مجتمعين ومبدلين بس اني نازلة بتراكسود فشلت كلش بس متعودك بيتنا البس تراكسودات شفتهم تفاجأو من شافوني 🙄
روزا: شنو جايبين خدامة جديدة واني ماادري ديانا تعرفيها ؟
ديانا( اخت اياد) : لا اول مرة اشوفها
رامي : هههههههههههه
ديانا وروزا : ليش تضحك
رامي : هاي زوجة اياد
روزا : انصدمنا اني وديانا معقولة اياد يتزوج ومن منو من هااااي يرفض الزواج بية علمود هاي
ام اياد؛ تفضلي بنتي كعدي ويانة ولتستحين هذا البيت هم بيتج
ايلين : تسلمين خالة
ديانا : شنو هاي اياد دتشاقة ويانة شنو زواج شنو كعدي لحد الان ممستوعبة الموضوع شلون تتزوج هيج بنية نازلة بتراكسود عريض حتى الخدامة لبسها ارتب منها شلون صار هذا الزواج اكيد علمود فلوسك تزوجتك
اياد : صحت بيها بصوت عالي ديااااانا لزمي حدودج
روزا : عشنا وشفنا الخدامات يصيرون سيدات علينة 😏
رجاءآ الي ديتابعوني ع الواتباد اريد تتفاعلون وياية حتى استمر واكتبلكم 💙 مااريد بس تشوفوها بعدين ميصيرلي واهس اكتب
