اياد: دنركص اني وايلين فجأة جان توكع حاولت اشيلها بس مكدرت لان مااشوف الطريق اخاف اوكعها شالها رامي وحاول يكعدها ورة شوية كالوا كعدت خفت عليها كلش وطلعنا اخذناها للبيت بقيت بالسيارة امي تحجي عليها وتكللها من ورة الشمس وكتلج ارتاحي بالغرفة ومرحتي الى ان وصلنا للبيت وامي تحجي عليها😂 صعدها رامي للغرفة واني على اعصابي مااتحمل فكرة انو احد يلزم شي الي نيمها ع الجرباية وطلع بقيت كاعد يمها سوتلها امي كمادات واني عاجز عن الحركة مااكدر اسويلها اي شي نامت ايلين وبقيت كاعد يمها الى ان غفيت واني كاعد تلمست حرارتها شفتها نزلت وصارت زينة صحت الخدامة تحضرلي ملابسي بالجنطة اخذتهم وسافرت
ايلين: كعدت الصبح وتفاجأت انو اياد مكعدني كلت يمكن لان مريضة نزلت جوة يم خالة كلتلي اياد معافج ابد تطمن عليج انو صرتي زينة يلا سافر صدمتني بكلمة سافر حسيت انو شخص ضربني راشدي كتلهااا سافررر وين سافرر
ام اياد: راح الباريس ليش مكلج
ايلين: انقهرت كلش وكتلها خالة اياد ميحبني وسمعتة بااذني مكان الروزا مشتاق اخذج بحضني وقنعتة ع العملية ومقبل وهسة اكيد راح ورة روزا
ام اياد: مستحيل اياد يحب روزا
ايلين: اني سمعتة خالة اني بقيت ويا وحاولت بكل الطرق انو اخلي يتقرب بي ويحبني بس مكدرت لذلك اسفة اني ومااكدر بعد ابقة هنا وجودي ماالة معنى
ام اياد: واني مااكدر اجبرج اكثر اهم شي سعادتج ظلمتج هواية وية ابني
ايلين: حضنتها وبجيت وهي هم كامت تبجي كتلها خالة لتكولين هيج انتوا مقرصرتوا وياية ولاظلمتوني اني اجيت باارادتي
ام اياد: الله يوفقج بنتي
ايلين: تسلمين خالة❤❤ كلت للسايق انو يحجزلي اقرب موعد طيران وحضرت ملابسي وصار الموعد ودعت خالتي حتى ديانا ودعتها مااريد اروح واحد ضايج او مقهور مني ولو رامي هنا هم جان ودعتة
رامي: رجعت للبيت ع وكت الغدة شفت ماكو احد بالبيت رحت الغرفة خالتي شفتها نايمة مريضة كلش بقيت اصيح على ايلين حتى تجي يمها او تشوفها جان تكلي خالتي ايلين سافرت كتلها شوكت كالت هسة عفت خالتي وطلعت ركض للمطار والحمدلله لكيتها قبل متسافر وكتلها خالة مريضة وقنعتها انو ترجع كالت انو متكدر ترجع كتلها بس ابقي يمي تصير زينة وروحي اخذت ايلين ورجعتها للبيت
ايلين؛ رجعت للبيت شفت خالتي فعلا مريضة عبالي رامي ديكول هيج حتى ارجع بقيت وية خالتي اعتني بيها وطلعت للحديقة لكيت رامي موجود
رامي : انتهى هسة كلشي بينج وبين اياد
ايلين: ماالك حق تطرح علية هيج سؤال
رامي: صار اسابيع واني اشوفج راح تموتين وانتي تنتظرين كلمة او حركة من الرجال الي تخلى عنج وجهج الحلو يوم بعد يوم ديذبل انتي حزينة لدرجة مدتلاحظين حبي واهتمامي بيج اني احبج ايلين تعالي وياية واودعج انو اخليج كلشي تنسين
ايلين: شلون تكدر تتصرف وياية هيج انت بهيج حالة موبس صداقتنا خنت انت خنت عائلتك شلون تكدر تباوع بوجه خالة بعد اعرف انو انت واياد علاقتكم موزينة بس اياد مسوة شي يأذيك اني زوجة اياد ربما انت واياد تكدرون تنسون هذا الشي بس اني مااكدر
رامي : اني اعرف انو انت متريديني حاولت طول هذا الاسبوع انو ابتعد عنج واحاول انسة حبج شلون تدافعين على اياد بعد معافج
ايلين: اذا مكدر يبادلني الحب لازم اكرهة ؟! اني اصلا مباقية هنا مااتحمل اشوفة راجع هو وروزا
رامي : انتي متاكدة
ايلين: اي متاكدة
رامي: اعرف انو متكدرين تحبيني لذلك اريدج تسامحيني واريد نرجع اصدقاء مثل قبل
ايلين: اكيد اسامحك لان مااريد اخسر صداقتك
مرت الايام وخالة مرات تصير زينة مرات يسوء وضعها صعدت الغرفتي بملل لبست فستان وردي وخليت حمرة وردي حتى اخفي ذبول وجهي وكعدت اباوع من شباك غرفتي المطلة ع الشارع اباوع ع الناس والحياة هنا وفجأة دخل شخص الغرفتي انداريت لكيتة اياد لابس نظارات سودة كلبي راد يطلع من مكانة من الفرحة الي حسيت بيها وفجأة تذكرت انو روزا رجعت ويا ضجت انداريت كعدت ع حافة الشباك بدون مااحجي شي
اياد:اجيت كعدت يمها وجريتها الحظني وحظنتها قوي حاولت هواية انو تبتعد مني بس منطيتها مجال حسيتها استسلمت الحظني كالتلي بنبرة غيرة وروزا وينها كتلها روزا مو سافرت
ايلين: يعني مرحت سافرت الها
اياد: لا
ايلين: اها
اياد : ليش مدتصدكيني
ايلين: اياد سمعت كلشي بينك وبين روزا باليوم الي دزيتلها العطر بي
اياد: ابتسمت ابتسامة جانبية الليله الي شفتي بيها روزا بغرفتي جنت اعتقد انو انتي ياايلين
ايلين: كلبي كام يدك بسرعة كتلة جنت تعتقد انو هاي اني ؟ شلووون؟؟
اياد: من دخلت روزا الغرفتي سمعت صوت حفيف الفستان الي دزيتة الج بذيج الليلة واستنشقت العطر الجديد الي صعنتة خصيصآ الج وحسب علمي انو موصل الاحد غيرج اعتقد الايد الي حضنتني من ركبتي هي ايدج
ايلين: لعد ليش جان مكتوب ع العطر Rose
اياد: مرة طلعت للحديقة وشفتج دتحجين وية الفلاحين وهمة يصيحولج وردة وردة بقة هذا الاسم بالي انو انتي وردة لذلك اختاريت هذا الاسم
ايلين: ندمت كلش ع تصرفي و حاولت اتذكر المشهد خلال ثواني تذكرت كلمة اه ياحبيبتي شكد مشتاق اخذج بحضني حست انو هي دتذوب بنطرات عيونة
اياد: تريدين اشرح الج اكثر تصرفاتي كلها جانت ناتجة بااغلب الاحيان من رغبتي باانه تكون عندي زوجة حنونة تدريجيآ بديت اشوف هاي الصفة بيج واليوم تاكدت منها ١٠٠٪
ايلين: شلون؟
اياد: من رجعت رحت شفت امي قبل مااجي عليج وحجتلي امي شلون اهتميتي بيها بغيابي تقربت اكثر فااكثر وهمست بااذنها اذا عندج بعد اسئلة اجليها لان بعد مااكدر اصبر اكثر حضنتها بقوووة وكتلها ايلين احبج جنت اعتقد انو رامي جان يبالغ من جان يوصف جمالج بس مع ذلك قلل من قيمته انت اجملل بهووواية من وصفة الج ملكيت بنية اجمل منج
ايلين : باوعت على اياد وبصدمة وممصدكة كتلة اياد انت دتشوف؟
اياد : نزعت نظارتي كتلها دااشوف اجمل ملاك كدامي
ايلين: كمزت بحضنة واني مومصدكة انو اياد ديشوف حسيت بخليط من المشاعر فرح خجل عجزت ان انطق اي كلمة من الفرح
اياد: بعدتها عني ورفعت راسها وبقيت اباوع بوجها نزلت راسها ورجعت رفعتة كوليلها ايلين اريد اسمعها
ايلين: احبك اياد من اول مشفتك احبببببك
اياد: كوليلها بعد اريد اسمعها هواية
ايلين: احبك احبك احبك
اياد: بقيت اباوع بعينها واني مدااكدر اشيل عني عنها مدااشبع منها تقربت منها اكثر ودفعتها ع الحايط بستها بعنف من شفتها حاولت تبتعد رفعت ايديها الى ان استسلمت الي مكدرت تبتعد كتلها ايلين تتزوجيني ؟؟
ايلين: اي اي اي هههههه 😍😍😍
اياد: تزوجنا اني وايلين سويتلها احلى عرس وشفتها بالبدلة البيضة منو جان متوقع انو فجأة يكلب حالي من حال الى حال صنعت بداخلي شي اسمة امل علمودها تحديت نفسي وسويت العملية المرأة الناجحة هي الي تكسب زوجها بهدؤها وحنيتها ..
ايلين: تزوجنا اني واياد وجان احلى يوم بحياتي بحضور عائلتة وعائلتي اياد جابهم الي سوالي مفاجأة وحتى الفلاحين وعوائلهم عزمتهم هاي نتيجة طريقي للمجهول بس انتوا مو تسون نفس الشي وتروحون بطريق مجهول يمكن يكعد كعد الي منو يكول يكعد الي خلي طريقكم وواضح حتى لتعبون وتعانون اياد رغم حقدة علية بالبداية وبدون مااسويلة شي بس حبيتة تعلقت بي كل يوم اشوفة ناكل سوية عايشين بنفس الغرفة ❤ اكيد راح تكون عندي مشاعر اتجاهة وهو هم 🌺
——النهاية——
