ضحايا

ضحايا٤

#ضحايا٤
#زينب_الموسوي#
وكانت ليلة عرسنا حضرت اخته هنادي والدته والده وكانوا محضرين جهاز ثاني غير الي اشتريته اني وبدلات الجهاز عدهم كان يختلف عنا
والدته بدت كيد العمات من اول يوم
هذا ناصر اخر اعيالي مابيج تزعليه ولاتعانديه يابختج وياهناج الي اخذتيه ياطيب گلب اولدي تدرين بنات الديره كلهم يتمنون ناصر  والله انك محظوظه
هنادي ناصر بعد هم محظوظ يمه عشتار حلوه وايد
سكتت مارديت العرس كان مختصر ومافي ناس كثيره وحفله كانت بينا وبعد العشى اخذونا للشقه وصلتني ماما وهنادي وسحر دخلت الشقه حلوه ماثثه بشكل متناسق ريحه البخور  من الباب تضرب بالوجهه
هنادي اخذتني لغرفتي هي متزوجه
گالت والله ودي ابوسك بس ماودي اسبق اخوي
ضحكت
خليج عاقله واسمعي كلامه ترى كلنا مرينا بهذا الموقف ساعه وتخلص
دخل ناصر.
يله مع السلامه كل واحد على بيته مشكورين ماگصرتوا
هنادي شدعوه ماكلينا عروستك
ناصر اتقشمر معاكم
هنادي مبروك ياخوي انشالله منك المال ومنها العيال
ناصر لا المال من ابوي
يازين سوالفك ياناصر يله مع السلامه تصبحون على خير
رغم اني صرت عروس لناصر وصلنا لغرفه النوم ماكو بعد التفاته للوراء
شي بداخلي يگلي هذا مو زوجج ماانتميله وكل الي بينا صار وراح يصير  ادعاء بعيد عن الصدق وسط هذا التفكير انتبهت ناصر يگول
حرام عليج منو گالج اني اتحمل
شنو حرام
جمالج اليوم اكيد بموت وانتي السبب
كافي تبالغ هي شوية حمره انت اليوم طالع غير شكل
والله عجبتج
اكيد عاجبني الله يحرسك
يابعد عمري عشتار لاتلوميني اذا نجنيت الليله من يوم الي شفتك واني انتظر هذا اليوم
انتظرته بالحرام لو بالحلال
مااچذب بالبدايه ردتج صيد سهل
لكن انتي الي صدتيني وطوايفي بعد
حلوه كلمه طوايفي تعجبني من تكولها
يا انتي لو تجربيني كلي راح اعجبك
ههههه راح اجربك واشوف
لاتضحكين حرام عليج بكرى الصبح برفع دعوه ضد امج وابوج خلفوا جريمه واني الضحيه
وكانت ليله عرس بكل تصرف لناصر كان في شوق ولهفه كلامه كان ساحر ومربك الي كان مثل الفارس الي يتخطى بكل لحضه النا سوا حصن من حصوني الي احتميت بيها سنين واحتفظت خلفها  بقلبي ومشاعري حد هذي ليله وسلمتها برضاي لناصر
بوقت معين گلي  احنا واحد ومن باوعتله كان سعيد وده مايتركني من اديه ادركت غلات الي قدمته اله
اليل كله وهو يسمعني
ياكبر حضي بيج
انتي حلوه وايد بخلص عمري كله معاج
اطلبي الي تبيه بسويه
مااريد شي سلامتك بس تعبانه خليني انام
لا شو تنامين خلينا سهرانيين بسوبفلج عن حياتي
سولف داسمعك
سولف حياته من دخوله للمدرسه لحد ليلتنا هذي طلع الفجر واحنا نسولف
انت تصلي ناصر
مو دايمن.     لا حبيبي لازم تصلي الله يخليك مو گتلي اطلبي الي تبيه هذا طلبي التزم بصلاتك
بلتزم دامج تكولين حبيبي
ياحبيبي ياناصر يابعد طوايفي ياناصر بعد شتريد 
الله يازينها على لسانج گوليها مره ثانيه بموت والله
يابعد طوايفي ياناصر اشو مامتت چذاب
غلبنا النعاس ونمنا الظهر  گعدنا على صوت الموبايل لناصر
امه وابوه وهنادي كانوا بالباب
بفتح لهم
شتفتح انتظر شوفني ملابسه ملابس والفراش مگلوب
روحي بدلي وانا برتب الفراش
فتح الباب امه راسا دخلت على غرفتي كنت شبه عاريه
لاتستحين مني بس اريد اشوف فعايل اولدي
مارديت بكلمه رحت للحمام ابدل ملابسي واسلم على ابوه
والده كان انسان طيب وكريم الهدايا الي انطانياها ثمينه
وگلي كثر ماحول شهريا لناصر بحولچ
والي تحتاجيه لاتطلبيه منه اطلبيه مني وانا ابوج
تسلم عمي الله يخليك
بقوا اليوم كله عدنا وناصركل ميجي للمطبخ
شكلي اليوم بطردهم من الشقه مافي احساس مافي ذوق
بقيت اليوم كله انتظر اهلي يتصلون ماتصلوا وحتى اخواتي واخوي ماكلفوا نفسهم يتصلون على الاقل يتعرفون على ناصر اتصلت بماما كانت نايمه
ماما ليش ماجيتي عليه ومااتصلتي
مريضه ضغطي نازل انتي بخير مرتاحه
ماما هسه بس يطلعون اهل ناصر اجي اشوفج اكلتي شي لو ظليتي نايمه بلا اكل
اكلت يمه اكلت روحي لرجلج
طلعوا اهله ناصر كان يستعد لجوله جديده ويايه
ناصر وديني نص ساعه اشوف ماما ضغطها نازل
بعدين اوديج امج معاها ابوج لاتخافين تلكينهم مستانسين الشقه مافيها احد غيرهم
ناصر اذا تحبني اخذني نص ساعه والله
يله امري ل الله بس تعوضيني ماتكولين نعسانه وابي انام
لا يابه منو ينام نبقى للصبح اذا تريد
رحت على بيت اهلي البيت بارد شغلت الدفايات وحضرت اكل  وشفت ماما وغسلت كم ماعون بابا كان رايح يجيب خبز وعلً الدرج من دنطلع تلاكينا وياه ناصر گله
عمي لاتطلع بعدبارده عليك اني حسبت ولدك تحتاج شي اجيبه بسيارتي
تسلم ابني بس دير بالك على عشتار
لاتوصيني عمي هذي روحي
لمن كال لبابا حسبت ولدك مامسكت نفسي بچيت وبالسياره الطريق كله جبته بجي وناصر يسكتني
كفايه عشتار  كافيه تبجين مثل الياهل
شنو ذنبه رجال چبير ينحرم من ولده وبيته وطنه ويعيش غريب
بعد هذا الي كتبه الله عليه مابيدنا شي نسوويه نصبر على قضائه وقدره كافي تبجين وتخربين الليله علينا ترى كلها يومين وارد للدوام
مسحت دموعي وانداريت على الزجاج
لاتطالعين خارج السياره من الزجاج بيفكرونچ العياذ بالله
منو الي يفكروني
السيارات الي تمر بيفكرون چذي ياما صدت بنات بهذي الطريقه
سكتت وعرفت ناصر. راح يطلع عقد حياته كلها براسي فاقد الثقه بالبنات ويعتبر كلهن مشاريع صيد سهل
مرت ليلتين بينا حلوه وصار دوامه اول يوم بعد زواجنا طلعت رحت لشقة اهلي سويت كم شغله ورجعت لشقتي
ومن رجع اول مدخل
في عطر غريب بالشقه
اي عطر الناس تدخل تسلم شبيك
في احد دخل الشقه
لا ماكو اني طلعت لاهلي ورجعت
كيف تطلعين من غير اذني وبعدها وين رحتي
هي شقة اهلي خمس دقايق مشي ومرحت لاي مكان
متطلعين من الباب اذا مااعرف واهلك مسوولين عن نفسهم
مارديت عليه ظل يفتر بالشقه مااعرف شنو يدور
شتدور گولي يمكن انطيكياه
في احد غريب داخل الشقه متاكد العطر رجالي غريب
ناصر كلمه زايده اترك الشقه ومتشوف خلقتي شنو هذا الحجي مو عيب هسه اتصل بابوك واحجيله
دخلت للغرفه ماحجيت وياه
وهو طلع من الشقه باوعت من البلكون سيارته موجوده
صار اذان المغرب دخل الشقه كنت مبدله مثل اي عروس
باوع عليه منو كان عندك
اووووف ياربي شنو هالقهر ناصر تخبلت حبيبي ترى ادري انت كنت جوا العماره وتراقب سيارتك ماتحركت لو احد غريب فات كان شفته
مره ثانيه من اكون موجود يله تلبسي هذي الملابس افرضي الباب اندگ تفتحي عاريه
اكيد ماافتح البس يله افتح
الباب مينفتح ابد سمعيني زين اني عندي مفتاح غيرها انتي مامسوح تفتحين
ماادري شبيك اليوم بس واضح انت ماعندك ثقه بيه وهذي الملابس لبستها الك حتى اصالحك لان طلعت بدون علمك واخر مره البس وانتظرك
غيرت ملابسي ورحت نمت حاول يصالحني 
وخر عني ناصر شنو هالتصرفات لك انت جربتني موتت نفسك ومانطيتك مجال هسه تتهمني ورا تلث ايام من عرسي اخونك
طبعي اغار مو بيدي متفرحين اغار عليج
لك هذي ياغيره متگلي منين من الحياطين انت تشك والظاهر اني تورطت بهذا الزواج
خلصت ليلتنا عرك الصبح ديروح للدوام گلي
انزعي ملابسج       شنو انزع ليش مو داتروح للدوام
انزعي بلا عناد      ماادري شگلك بس احنا متزاعلين نتصالح اول يله انزع
ماعندي وقت اصالحج انزعي لا اجي اشك ملابسج عليج
ها شبيك ناصر ليش هيجي گلبت
من الواحد للثلاثه تنزعين
نزعت ملابسي لان كانت العصبيه واضحه عليه اخذ ملابسي دخلها للغرفه قفل عليها الكنتور وقفل باب الغرفه وبقيت بالصاله
تبقين بين الصاله والمطبخ والحمام
ناصر اذا اندك الباب شلون افتح
مااريدج تفتحين ولاتطلعين ومدام بلا ثياب مراح تطلعين منو گال من اطلع وين تروحين
ناصر انت مريض والله مو بعقلك تعوفني هيج افرض احترگت الشقه دخل حرامي
حرامي لو.  
مع الاسف عليك الرجال الي ماعنده ثقه بمرته ماعنده ثقه بنفسه
العالم وسخ قذر الفساد بكل مكان كل الي عرفتهن يبيعن الشرف بارخص ثمن اريد احافظ عليج امنعج تصيرين مثلهن
الي تريد تخون مايمنعها غير ربها وضميرها بس شگولك انت تشوف الناس كلها مثلك
طلع وقفل الباب الشقه مامتعوده افتر عاريه عندي كان شرشف ابيض على طاوله الاكل لفيت نفسي بيه حاولت اكسر باب الغرفه بس اذا اكسره راح يشك بيه اكثر اتصلت بماما وسالت عليهم مااگدر اگلهم لان همه مناقصين وماعدهم استعداد يتحملون مشاكلي ويه روحي ابجي واصبر بيها هسه يعرف طبعي ويبطل شك لكن الشك مرض صعب الشفاء منه
كملت شغلي رجع ناصر كانت بيده جنطه للكتب شمرها للگاع وركض عليه شافني جسمي مكزبر من البرد
حضني ويبوس بيه عبالك اول مره يشوفني
اسف والله اسف مااگدر احط ثقتي بحرمه اخاف تخونيني
مكنت افكر ارد عليه بقدر تفكيري يبعد عني مااريده يلمسني كرهت اديه الي تلمسني وشفايفها احسها سياط نار على جسمي نار تلسعني ظليت اصرخ
وخر مخبل روح تعالج شنو حرمه وين عايشين احنا انطيني ملابسي ساعة السوده
انطيك ملابسك بس تطاوعيني الحين تنسين كل الي صار معاي عشتار احبج
اول مره اشوف هيج شي سكتت وكل جزء بجسمي رافضه ردته يخلص ويايه باي طريقه اريده يتركني وخلص
بعدها انطاني ملابسي دخلت  الحمام ابجي طلعت رحت على غرفتي
دخل وبيده موبايلي
مين اتصل فيك اليوم
محد اتصل ماما اني اتصلت بيها
هذا رقم امج دگي عليه
دگ عليها انت وعوفني لا والله اذب نفسي من الشباك
دگ على ماما سلم عليها
ماما طلبت منه يجيبني تريد تشوفني
اعتذر منها
خالتي اني هسه وصلت للشقه ومشتاق الها بكرا اجيبها تعالي انتي عدنا
مااعرف ماما شنو ردت
اخذ الموبايل ذبه بگلاص المي گدامي
شنو گايله حگ   امج شكيتيلها اكيد
لا انت مينعاش وياك
كمت ابدل ملابسي واطلع
وين رايحه لاهلج صدگي بالله الواحد الاحد لو طلعتي وصلتي لاهلج بتكونين جنيتي على اهلج بيدج اذبحهم وبدون مااورط نفسي في ناس تذبح وتشوفين الوضع بسوريا كلشي نگلب الحراميه والقتلى بكل مكان
ناصر ليش تغيرت عشت وياك تلث ايام احلى من الخيال وفجاءه رحت للكليه رجعت عبالك غير واحد
ماتغيرت الدنيا صعبه وانتي زغيره وحلوه اخاف عليج
والله لاتخاف اقسملك بالله اني الك وبس الي اخذته انت مانطيه لغيرك وداعتك بس هذا مو اسلوب مااگدر اتحمله فدوه لعينك ارجع ناصر الحباب الي يحبني
ندار عليه خله ايده حولي ظمني حيل
بحاول وانتي تحملي شويه
حاضر اتحمل لخاطرك
ترك الشقه رجع باليل خايف