#ضحايا١١
#زينب_الموسوي#
رجعنا على البيت داصعد الدرج سمعته
عشتار راح اشتاقلج
واني همين انس روح ارتاح اليوم هواي مشينا
اتصل بيج باليل
تلگتني ام احمد وبناتها ووصال وعسل
ها شسويتي ويه ابو الانس
مسويت شي راح يخطبني
تگولي خلي نهلهل ونزعي هذا الاسود
التموا عليه يهلهلن وينزعن
كافي اني انزع بنات دتغدغوني اضوج
ئوي عيني تضوج ليش ابو الانس مراح يدغدغج
لا هذا يختلف فدوه لعينه حظي الاغبر لو شايفته بسوريا ومتزوجته من الاول كل هذا ماصار
هذي قسمة ربج لاتعترضين
الحمد لله على كل حال
گلبوها حفله ورگص واغاني وضحكنا من كل گلوبنا رغم كل الي موجودات شايلات معاناه وحده كلنا عانينا من الحروب والاقتتال الي بدون سبب
ام احمد صارلها تلث سنوات بتركيا تشتغل معمل احذيه حتى تعيل نفسها واطفالها
وزوجها باقي بكمب بالمانيا لايگدر يرجع ولا محصل لجوء مرات تنهار من كثر الاشتياق اله تلجأ للعرك وياه بالتلفون وتسده تظل تبچي
وصال وعسل حبوا اولاد عمهم الي ملاگين شغل بالعراق تركوا العراق وراحوا على السويد اشوفهن محرمات على نفسهن الملابس الحلوه والمكياج يشترون ويخزنون بجنط منتظرات يوم عرسهن الي مينعرف شوكت
كل مصايب الحروب تدفع فاتورتها النساء
في اتصالي مع انس باليل خبرني عن حقيقه مخفيه
عشتار تعرفين ليش زوجتي تركتني
قليلة اصل بعد ميراد سوال وجواب
راح احجيلج عن اصابتي اليوم مگدرت احجي گدامج كلت بالتلفون احسن وحتى انطيج مجال تفكرين قبل خطوبتنا
احجي خوفتني شبيك
بعد مااحجي اذا قررتي تركيني او تبقين ويايه مااريد احد يعرف احلفي
وعيونك محد يعرف شبيك انس
عشتار زوجتي تركتني لان الاصابه تركتني رجل عاجز رجليه مكان بيها اصابه بليغه بقدر المنطقه لكن الناس متدري بهذا الشي اخذت حجة الاصابه برجليه حتى اتعالج هي الي عرفت وتركتني بعد شهرين متحملت احتاج عمليات وزرع اعصاب مكنت افكر بالحب والزواج لان اعرف حالتي بس انتي قلبتي الموازين ودخلتي اخذتي عقلي وگلبي واليوم من حجيت وياچ وافقتي فرحت بس بداخلي افكر شنو دنبچ انتي طالعه من ضيم تدخلين بضيم ثاني
لاتردين هسه من تفكرين اتصلي
سد التلفون
مع ضميري افكر احب انس بغض النظر عن الرغبه اتصلت راسا مارد
كتبتله جاوب انس الي عرفته منك ماغير شي بقراري وياك للموت جاوبني نحجي
دكيت مجاوب
كتبت انس مو كل النسوان تهاني شدعوه عليها شهرين متحملت ليش مااخذت بيك ضمان متتمرض قبل لاتتزوجك هذي وحده فايره
راح احجيلك الصراحه واسفه على الجراءه بس اريدك تفهمني وتصدگني
انس عمر الحب مكان الي يصير بين ذكر وانثى والدليل في رجال يروحون عند داعرات وياخذون الي يريدوه منهن هذي حب تعتبره
اني كنت زوجه بيوم من الايام مع رجال معافى مابيه شي المعاشره بينا كانت تزيدني نفور منه وتخليني بعد كل مره اكرهه اكثر
اليوم من فاتحتني بالزواج گتلك خطوبه بس لان بزاعنه روحي من الزواج والضيم الي شفته
اني الي محتاجته انت مااريد علاقه جسديه كرهتها اريد گلبك حبك وحنانك اريدك تصير اهلي فكر وردلي الجواب
تصبح على خير
بعد الي عرفته قلقت على انس اعرف هو رجال والعجز يعنيله موت من نوع ثاني
امامي خيارين اتزوج انس وارضى بحياة زوجيه خاليه من الج.......
او اترك انس الي ماهتزت مشاعري الا وياه حتى اهلي ما تعلقت بيهم بكده
ادري احتمال يبقى عاجز او ميوصل لالمانيا او متنجح العمليه كل هذا ممكن
ذكرياتي عن العلاقه الحميمه مع ناصر كان يستخدمها عقاب الي ووسيله للاذلال
اخذت قراري اتزوج انسانيته مو قدرته
الصبح گعدت اروح للشغل اندگت الباب ام احمد حجت
ابو الانس دز الكيك والعصير
ركضت اشوف طلع صديقه رياض عايش وياه بالشقه
صباح الخير انس اخذناه للمستشفى عنده ضيق بالتنفس وحبيت اگولج اذا تريدين تروحين تشوفيه
هسه خمس دقايق واروح
رادت ام احمد تروح مخليتها وصيت البنات ياخذولي اجازه من الشغل
صعدت تكسي ورحت على المستشفى كان انس صاحي شفته من الزجاج دگيت الباب ودخلت
صباح الخير سلامتك انس
الله يسلمج ليش عفتي شغلج وجيتي
لا بالله اعوف الدنيا لعيونك الشغل شنو
ابتسم ومد ايده الي تعالي
اخذت ايده وگعدت يمه
شنو گالوا الاطباء شبيك تدلل مو باله وتريد لجوء بهاي السوالف
لا والله البارحه صدوك ضجت واختنگت
يامسكين اخاف تحب
عشتار فكرتي تدرين بالي راح يصير زواج رهبان
فكرت انس اني اريدك كافي نقاش بهذا الموضوع وگلي شوكت تخطبني لو غيرت رائيك
العصر من اطلع اجي على ام احمد
وشوكت نتزوج
يازواج خلي اتعالج اول هسه بس احجزچ الي
وليش منتزوج احسن مباقين ندفع ايجار واكل وكهرباء ومي كل واحد بمكان ندفع سوا
عشتار انتي افتهمتي الي گلته البارحه لو لا انطيج التقارير
لاتنطيني التقارير ومااريد اشوفها وكافي حجي بهذا الموضوع الا اذا انت غيرت رائيك
ماغيرت رائي بس اكول خطوبه هسه وبعدين نتزوج فكري الوضع يكون صعب نعيش سوا ومااگدر اتحمل وانتي بنيه شابه
انس لايصير دمك ثگيل زين نتزوج نبقى سوى نسولف ناكل نطلع ليش باليل لازمين التلفونات مامليت وبعدين انت محتاج احد يداريك واني محتاج احد وياي مو ابقى غريبه
مثل متريدين ويوم الي تتندمين كولي
لا حبيبي ماكو ندم في نسوان بالعراق فقدت احبابها وباقيات عايشات على ريحة ملابسهم العافوها
والله ياانس مدا اجاملك ومقتنعه وادري انت صعب عليك لكن اصبر والصابرين جزاءهم عند ربنا عظيم طلعنا من المستشفى واشترينا حلقات و واجتمعوا اصدقائنا حتى نلبسهم. ام احمد. سوت مكياجي
وگعدنا اني وانس بالصاله واصدقائنا
كنت سعيده مثل الي اول مره تجرب الخطوبه والزواج انتبهت انس ضايج
شبيك ليش ضايج احد غاصبك عليه
لا مضايج بس شويه تعبان راح اخذ الولد ونروح اريد ارتاح
يا انس شجاك البنات شيگولون ميريدها
وكف وحجى ويه اصدقاىه يله كافي اريد ارتاح
ام احمد كانت تقدم الكيك
حجت وياه هاي وين رايح اكل كيك
والله ام احمد تعبان اترخص
طلع والولد لحگوه ظلينا صافنين وحده بوجه الثانيه
ام احمد شنو تعاركتوا انتي وياه
لا اصلن مالحگت اگعد يمه كال تعبان
ام احمد اخاف لان معاق وحس بالنقص من شافچ مبدله وخاله مكياج
شبيه معوق ترى رجل وحده الي يعرج منها بس اني حضي غير شكل
بالليل بدت تلفونات انس
ماجاوبته قفلت تلفوني ونمت شنو لعب جهال هو احبچ واريد اخطبچ وتعبان اريد ارتاح
الصبح نزلنا اني والبنات نروح للشغل كان انس ينتظر عاى الدرج سلموا البنات عليه وراحوا وبقينا اني وياه
گلي تعالي اوصلچ للشغل ونسولف
مشينا سكته
انس راح نوصل وانت ساكت
ماعندي شي اكوله واجيت عليچ اشوفج واعتذر على البارحه طلعت وعفتچ
وليش طلعت وعفتني تندمت على الخطوبه
انتي راح تتندمين وراح تكرهيني
شنو اخذت خيره وعرفت
ميحتاج خيره عشتار هذا الزواج بيه ظلم الج حرام
اكولك انت جاي من الصبح تغثني وعبالك اتوسل بيك غلطان براحتك تريد حلقتك اخذها والله وياك بعد هذي الفلسفه مالها داعي
عفته ورحت وصلت للشغل احس وجهي تطلع منه حراره واديه ترجف البنات شافوني
شبيچ وجههج شبيه
ماادري احس نار تطلع من وجهي واذاني اكيد افلونزا عدكم اسبرين
انطوني اسبرين بعدها بساعه حسيت نفسي نعسانه خلص الدوام كوه رجعوني البنات بتكسي للبيت وام احمد تلگتني وين حلقتج
انطيتها ل انس وداخله انام عفيه لتگعدوني
غير تفهميني ليش رجعتي الحلقه
يكول متندم خابريه واساليه
اساله والله لا العب بيه طوبه
دخلت نمت وماكعدت الا بالعشره باليل شفت التلفون انس متصل بيه كم مره سالت ام احمد جاوبت
يگول اني مريض ورجلي ومااريد اظلمها
وانتي شنو گلتي
گتلها عشتار تحبك ومتعلقه بيك ورجعت للبيت مريضه ونامت وبعدين. اعتذر وگال راح اخابرها
ئي لگيت متصل بس مراح اجاوبه
الصبح دز كيك وعصير
ومن خلصنا الشغل البنات رادوا يمرون عليه يشترون منه
روحوا انتوا اني ماادخل
بعد احسن لاتروحين راح نتسوگ ونگله ل اغراض لعشتار
والنبي اذا جبتن اسمي الا اتصل بيه وگله چذب
وبقيت اربع ايام مااجاوب اتصالاته اليوم الخامس صادف عطله اندگت الباب كان انس وطلب من ام احمد يشوفني
طلعت
صباح الخير عشتار بدلي حتى نطلع
مااريد اطلع وياك
لاتصيرين عنوديه يله انتظرج هنا واخذي حلقتج البسيها اني مگتلچ انزعيها
هسه ابدل واجيك
طلعنا وظلينا نسولف
حلفتله ميهمني هو عاجز ماطول يحبني ويحترمني
وفهمني هو ميگدر يتحمل نعيش سوا
بدون ميتقرب اليه
كنت استحي احجي وياه بهذي المواضيع بس من سالته
يعني تگدر تعيش بدوني ومتگدر تعيش ويايه معناها متحبني
ولچ والله احبچ وخايف لا فديوم تكرهيني
اذا تركتني راح اكرهك
مااتركچ عشتار بس شفتج بالمكياج يوم الخطوبه وماتحملت كيف اذا صرنا بيت واحد
مااخلي مكياج والبس حجاب وعبايه ونقاب بعد شتريد
دتصنفين ها
لعد شسويلك انت مسويها ماساه ومعضله حبيبي نتزوج ونعتبر نفسنا مخطوبين لحد تشفى واذا اشتكيت فد يوم گلي انتي وافقتي
خلص حبيبتي نتزوج من باچر نبدي ندور سكن مناسب
