بعد حادثة منشر الغسيل واما الليل دخل علينا حسيت اني فقدت اعصابي ولازم اشوف كيبوم واكلمه , جريت على شقتهم وانا حافية وخبطت عالباب جامد ,
طنط ام كيبوم (متفجأة) : امنية! مالك يا بنتي سلامتك ايه اللي حصل ,
انا ( مجنونة ) : طنط فين كيبوم عيزاه ضروري هو جوة صح خليه يطلع يكلمني ( دموعي مبتبطلش ) ,
طنط ( بوش حزين آسف ) : حبيبتي كيبوم سافر من الصبح ,
انا ( مصدومة ) : ايه سافر !!!! راح فين يا طنط؟؟؟ ( بعياط ) ,
طنط ( بتطبطب عليا ) : مالك يا بنتي بسم الله الرحمن الرحيم ايه اللي جرالكو بس هو قال انه طالع رحلة مش اصحابه ويمكن يطول ,
( سبتها ترغي ودخلت جبت التليفون واتصلت بماري ) ,
ماري : اوووني انا فرحانة انك ,
انا : نمرة ريو كام بسررعة ,
ماري : عيزاه ليه ؟؟؟
انا (بزعيق) : اخلصي يا ماري ,
ماري : طيب اهدي (لحظة) 010375538
انا ( قفلت السكة بعد مسمعت النمرة ) ,
اتصلت بريوك ,
ريوك : الو ,
انا : ريو كيبوم عندك؟ ,
ريوك : امنية ؟ لا كيبوم مش عندي في ايه؟ ,
انا : اومال راح فين مامته بتقول انه سافر مع اصحابه ازاي متعرفش؟ انت مخبي عليا هو قالك متقوليش؟؟؟ ,
ريوك : اهدي بس هخبي عليكي ليه انا معرفش عنه حاجة بجد ,
انا قفلت ف وشه هو راخر واستسلمت للأمر الواقع وحاولت اتأقلم على حياتي الجديدة من غيره ,,,,,,,
عدا اسبوعين وانا معرفش عن كيبوم حاجة واتحولت لنسخة من دينا بعد الانفصال ويمكن اسخم , وخلاص عقبال عندكو خطوبة ماري وريوك يوم الجمعة (بعد بكرة) هيعملوها ف نادي الشرطة عشان لو حد عاز ييجي
اما دينا وهنري فبقوا منتنيين قصدي مأنتمين مينفعش يعدي يوم من غير ميتكلمو ف التليفون عالاقل ساعة بس لسة مفيش حاجة رسمي ,
( في الجامعة )
دينا : برضو مش ناوية تفطري زي كل يوم
انا : لا انا فطرت قبل ماجي
ماري : اه مهو باين على وشك اللي بقا أد اللقمة
ريوك ( ظهر من العدم ) : ازيكو يا بناات
اصلا مفيش غير ماري اللي ردت ,
ماري : انت عايز تتضرب انهاردة كنسلت عليا ليه؟
أنت تقرأ
عندما تتحول الصداقة
Fanfictionعاشا عمرهما معا جيران، أصدقاء و أخوة حتى اتى ذلك اليوم الذي تغيرت نظرتهما للآخر هي لم تعد ابنة الجيران المشاكسة وهو لم يعد بمثابة الاخ الذي لم تلده امها ما سوف يحدث عندما تتحول الصداقة
