الخذلان

البارت الثاني

البارت الثاني…
#الخذلان…
#بقلمي_شمس ..

ميار .. مااهتميت وكملت صب ..
بعدين اجه محمد اخذ السفره ..
گال انتن لاتشيلن .
ماتدنگن گدام الزلم .. حظرن المواعين بصواني واحنا نوديهن للسفره ..شمس

شالوا الاكل كله ..
واجت نهله .. اسمعي ميار .. انتي سوي جاي وحظري الاستكانات لاتتغدين وياهم عيب ..
مو عبالج نسيت سوالفج قبل شويه وي وسيم ..

طلعت غميتها من وراها ..شمس
گبررر والله وانغرت بنت المعيدي ..
هي هاي تاليتها ..
بنات الفگر يجن يتكبرن ع بنت الدلال ..

اووووف بابا خليتني ورحت للذل وتالي بنت الحارس تتأمر عليه وتنهى وتشور بالبيت ..
نزلت دموعي.. ( كون الابو من يموت ياخذ بناته )
احسن ممايبقن تحت رحمة الي ميرحمون ..

ماحسيت الا الجاي گام يفور وطيت النار ..
وحظرت الاستكانات ..

گعدت بالمطبخ ..
اجه علي ووسام وعمو ديغسلون ..
گمت اصب جاي ..

عمو .. ليش،بابا گاعده هنا مااجيتي تغديتي ويانا ..
ميار .. لا عمو مااشتهي ..
اتباوعت شفت وسام يبتسم ..
نصيت راسي ..

أمير .. يله كملي صب الجاي حتى اخذه ..
ويخزر عليه ..

هذا شبي اكيد الحية مرته نقلتله كلام عني ..
والله اليعلم شضافت من ملح وبهارات ع السالفه ..

شويه وشربوا جاي ..
وسمعت عمو يحجي وي اخواني ..
واخواني يحجون ..
بس مافهمت شي ..

شويه واجن نسوان اخواني ورأيستهن نهلة ..
والله وعرفتج مو خاليه ..

ميار .. شنو قصدج
علياء .. هههه خطيه متعرف شكو .. عايشه بدور الحب والغرام وتسوين نفسج غشيمه ..شمس
ميار .. عاد كافي تحجن بالالغاز شكو ..

نهله .. وسام حبيب الگلب يريد يتزوجج ..

ميار .. 😲😲 شنو
مستحيل .. وسام مثل اخويه

نهله .. هههههه هو گاضيتها مثل اخويه وطلعت المي تمشي من تحتنا .. ويمكن حتى اتصالات وغراميات من ورانا ..

ميار .. لهنا وكافي بعد مااسمحلج ..
اكيد عبالج الكل مثل اختج ..
الي باعت نفسها حتى لمحمد اخويه حتى يتزوجها ..

من حجيت هيج .. رفعت نهله ايديها عليه بس اني دنگت بسرعه ومرت محمد لزمتها ..
وگالتلها يعني اختج كانت تريد محمد ..
اگول من تشوفني تتخبل ..

نهله .. ولي انتي الثانيه من وجهي ..
اختي اشرف منجن ..شمس
وانتي ياميار بسيطه .. اذا ماحطمت حياتج اني مو نهله .

اني نهاريت وبنفس الوقت خفت ..
امي دايما تگول تجنبيها ..
لان الها تأثير قوي ع أمير .. واخاف يبطلوني ..

اووووف ميار دگعدي واسكتي ..
تجيبين المصايب النفسج ..

*قبل سنه اخت نهله انهزمت وي حبيبها واخوانها لزموها وموتها ضرب وحبسوها بالبيت والولد ضربوا بالسكاكين بس مااشتكى عليهم خاف بوقتها ..

اختها ماعقلت وبقت ع سوالفها .. وصارت تتردد علينا وبعدين عرفت حاطه عينها ع محمد ..
ومره سمعنا عياط ركضنا الغرفة محمد .. لگيناها نايمه بسريره وتسويله اغراء ..

بس هو مانطاها فرصه وفضحها وطردها من البيت ..
ونهله بوقتها اتهمت محمد يريد يعتدي عليها ..
وصارت مشاكل ومحمد وامير راد واحد يقتل الثاني بسببها ..
لو ما الله سترر ..شمس

نهله ميصير عندها اطفال .. وصارت همجيه بكل شي تصرفاتها وتعاملها وسيطرتها ..

كأنه تريد تبين للناس هي قويه .. وتخبي الضعف الي بداخلها ..
وخاصه بعد مامرت علي علياء ولدت بنوته ..

انقهرت وضاجت نهله وزاد تعصبها وهمجيتها ..
تبين انها تحب مرت علي بس هي حاقده مستحيل تحب
احد .. الا اذا كان عندها مصلحه ..

مرات يسون خطط ع مرت محمد .. حتى يخلنها تنهزم وتترك محمد وهيج تنتقم من محمد .. الي فضل هاله ع اختها ..

سلمنا ع بيت عمو وطلعوا .. وسام مانزل عينه مني .

اني نضفت المطبخ وغسلت المواعين ..
وردت اصعد انام ..
صاح امير عليه .. ميار تعالي شويه ..

اجيت لگيت نهله مخليه رجل ع رجل وتبتسم ..
واخواني هم گاعدين وامي ..

امير .. لج شعندج وي وسام ..
ميار .. ماعندي شي وسام مثل اخويه
عرفت نهله معبيته عليه ..

امير .. لعد ليش اجه خطبج وخاصه بهذا الوقت ..
ميار .. مستحيل افكر بوسام كزوج الي ..
لان ماعندي مشاعر اتجاهه غير الاخوه ..

واذا اتصلوا .. گولولهم هذا الكلام ..

امير .. يعني رافضته ..
ميار .. بلي رافضه .

هو اتباوع النهله . وهي صارت تخبط الوان ..
خرب مخططها .. عبالها عندي شي وياه وتخرب عليه الزواج ..

ماانكر انه خوش ولد .. بس اني ماعندي مشاعر اتجاها ومستحيل احطم حياتي وحياته عمود اخلص من اهلي ..

اني عندي طموح اكمل ولازم اكمل ..
ماافكر حاليا بالزواج ..شمس

رحت للغرفه انام اجت امي ..
يمه ليش رفضتي ووسام خوش ولد وحباب وراح يصونج وهو ابن عمج ..

رفعت راسي .. تحجين صدگ يمه اني اخلص من جبروت اخواني اروح للعماره واكيد الي موجود بخواني موجود بيهم ..

اخواني انولدوا وعاشوا ببغداد .. بس بقى طبعهم وجبروتهم ع جدي ابو بابا ..
وانتي اعرف بي ..

ردت انام اتصلت ابتهال ..
گعدنا ندردش وسولفتلها ع الي صار ..
الى ان طارت النومه ..
صار العصر ..
اگوم احظر للعشا ..

مرت الايام طبيعيه بين تحضير للجامعه .. واكيد محد فرحان الي بس ماما ..
ابتهال انقبلت رياضيات وهي كانت تحب الرياضيات وشاطره بي ..

اجرنا خط احنا وبنات .. وصرنا نروح ونرجع للجامعه ..

مااوصف احساسي .. حياة جديده وحلوه ..
الجامعه كبيره كلش وحلوه ..
بنات ولد واختلاط وصداقه وگروبات .
واني وابتهال الثوله بس نتصفن ..

وبيوم دا نطلع من الجامعه وصار مقابيلي وسام
اتفاجأت ..
وسام .. هلو ميار شلونج
ميار .. الحمد لله تمام انت شلونك
وسام .. ممكن احجي وياج

#بقلمي_شمس
يتبع…