الخذلان

البارت الثالث

البارت الثالث...
#الخذلان...
#بقلمي_شمس

اترخصت ابتهال وهي عينها عليه .. وتمشي وتغم بيه لان رفضته ..
بالگوه حبست ضحكتي ..

بس الصراحه وسام حلو وابيض وشخصيه ومهندس ماينرفض ..

بس شأسوي واني گلبي يعتبره اخ الي لا اكثر ..

وسام .. وصلني خبر رفضج
ميار .. نصيت راسي ..
وسام .. ميار لتخجلين اني ردت اساعدج تخلصين منهم ومن ضلمهم ..
امج كانت دايما تسولف الامي ع اخوانج وزوجاتهم وشلون يعاملوج ..
ميار .. وسام اشكر تضيحتك والي جاي تسويه .. بس مااگدر . مستحيل اتزوج بهذا الشكل ..
هذا قرار مصيري مو حتى اهرب من واقعي اوگع بخطأ
وانت شنو ذنبك تضحي وتتزوج انسانه ماتحبك ..

شوف حياتك وسام وتزوج الي تسعدك ..
واكيد ماانسى وگفتك وياي ..

وسام . ( لج انتي سعادتي بس شلون افهمج وانتي معتبرتني اخو الج ).. احجي بداخلي

ع العموم اني اجرت شقه هنا .. ورقمي هذا
واي شي تحتاجيه اني حاظر .

ميار .. تسلم خويه ماتقصرر ..

سلم وراح بس مااعرف ليش من أگوله خويه يضوج
واني اتعمد اگولها حتى يشيلني من راسه .
لان مستحيل ارتبط بشخص من غير مااحبه ويحبني ونعيش قصة حب ..

رجعت الابتهال الي ودها تاكلني ..
لج هو هذا ينرفـض شوف الشخصيه والجمال ..
ماترديه حوليه عليه ..

ميار .. هههههه ياليت وسام حباب وانتي اختي واتمنى الج هيج قسمه ..

ابتهال .. اي بس شنو للفائده لو شايفه عيونه انتي تحجين وهو مشالهن من عليج ..
واگع بحبج وانتي ولاعبالك ياظالمه ..

ميارر.. دمشي خلي نروح لا يتلگونا اهلنا بالمقبلات مالتهم ..
ابتهال .. هههههه اني اهون من الحيايا الي عندج

وصلت البيت وكالعاده ..
كلام يسم البدن ..
كل وحده صعدت غرفتها وتاركات كلشي عليه ..
بس الغدا يطبخنه يخبصنا ..
حتى مواعينهن الي يتغدن بيهن يتركنهن ويصعدن ..

كملت تنضيف ورحت نمت ..
للعصر گعدت بوست ماما ونسولف ع الجامعه وشنو صار ..
وگلتلها ع وسام .. لان مااضم شي عليها ..

امي .. يمه وسام خوش ولد حرام تضيعيه من ايديج ..
ميار .. يووم سبق وان گتلج برأي ..

نهله كانت تتنصت ..
لازم وسام ماتاب .. شنو عمه خابروج فتحوا الموضوع مره ثانيه ..
امي .. نهله يمه عيب تدخلين روحج بالصغيره والجبيره اني وبنتي وبغرفتي ليش تدخلين ..

نهله .. والله خوش وطرديني من غرفتج بسيطه ..
مو زين ملفيتجن انتي وبنتج ..

ميار .. لج انتي ملفيه منو ببيت منو ..
هذا بيت ابويه وغصب عنج نگعد بي ..

نهله .. تعالي ولج هاي ويامن تحجين طالع السانج ميار خانم وصايره تحجين ..
لزمتني من شعري ولزمتها من شعرها ونامت فوگاي وتضرب ..
بهذي اللحظه ..
دخلوا امير ومحمد ..
اجه امير رفعها من فوگاي .. شمس

شافت امير صارت تتمسكن ..
محمد عاط ماتستحن انت صغار تتعاركن ..

نهله وهي تبجي .. كافي بعد مااتحمل شايله البيت ع راسي وتجي حضرتها من الجامعه ع الجاهز تاكل وتنام
ومن نحجي تگول بيت ابويه وعمتي مساندتها ..

شوفلك حل امير ترى اعوف البيت واطلع ..
امير تخبل ..
سحبني من شعري ..
لج انتي وحده وخابصه البيت ..
لو ماامي .. حتى الجامعه ابطلج ..

صيري ادميه واشتغلي مو مخليه خدم جواج .. هاي اذا تردين تكملين ماكو بطلي واگعدي ..

امي .. يمه خافوا الله بأختكم ..
اني وياها گاعدين هنا نسولف ونهله دخلت علينه وبعيونها الشر ..

امير .. يمه انتي هم خافي الله ونصفي مو خليتي گبالتج وي نهله .. رجليج ع الگبر كوني عادله ذني هم بناتج

محمد .. امير شلون تحجي هيج وي امي..
امير .. لو شاده وي مرتك جان ماحجيت وگلت امي ..

امي بقت تبجي .. وتگول ياحيف رباتي بيكم ..
وامير راح يراضي الخاتون غاسلته غسل ..

ومحمد دار وجها ومشى الغرفته حتى مااخذ من خاطر امي ..

ميار .. يمه كافي لاتبجين .. وداعتج مااحجي بعد لو تكسر راسي نهله ..
بس اهم شي ماتنذلين انتي ..
امي .. اني نذليت من اليوم الي مات ابوج بي وصرت تحت رحمة امير واخوانج ..
وهسا تحت رحمة نسوانهم ..

راحت امي تصلي .. واني سويت العشا ..
كملته وفرشت السفره وخليته الهم ودخلت الغرفتي ..

گعدت اتصفح بالفيس وابجي ..
كتبت خاطره بالصدفه واني صافنه ..

من كنت تخشي عليهم من الوجع والأذي..هُم أول من أوجعوك بِقسـوة ودون رحمه..احفظ قلبك من الخذلان والندم و ارتفع عن آذاهم بالبُعـد والتخلي ..

كنت اقصد بيها اخواني .. خذلوني اني وامي .. شگد احبهم واخاف عليهم بس همه للاسف ماعندهم رحمة ومايحبون بس الفلوس ومصالحهم ونسوانهم ..
اما احنه مخلينه يمهم حتى مايجي يوم ونداعي بحقنا وناخذه ..

نطيت الخاطره نشر وگمت توضيت وصليت ..
كملت ..اتصلت عليه ابتهال ..

الو
هلو ميورره شلونج اكو شي صاير
ليش انتي متعرفين حياتي شنو
اي شفت منشورج حزين
هي كل منشوراتي حزينه بقت ع هذا
اي بس معلقلج واحد صاگ يخبل
هو مو من اصدقائج تعجبت من شفته معلق
منو هذا ??
ماادري روحي شوفيه .

غلقته من ابتهال ورحت للفيس بسرعه ..
شفت واحد ولد حلو ملامحه حاده
وصورته ابيض واسود مسويها عبالك فوتو
اسمه .. أسمر ''
ماعرفته منو اسمه وهمي ..
معلق ع منشوري وكاتب .. شمس

قد يكون #الخذلان نعمة في بعض الاحيان !!
فهو #يكشف_لك حقيقة الوجوه المزيفة
#من_حولك

مااعرف ليش عدت قرائتها كم مره واني ابتسم ..
بس المشكله مااعرف منو وليش علق ع صفحتي
هذا اكيد يعرفني ..
#بقلمي_شمس
يتبع... .