دقات قلبـــ💔ــبي تؤلمنـي

للكـ✎ـاتبة وميـض اللـيــل💕

⚠لا احلل ولا ابيح ولا اسامح لا دنيا ولا ءاخرة .. احد ينشر رواياتي ف اي مكان عام او خاص👌

رواية واقعية من مجتمعنا الليبي احداثها كلها واقعية ... وشخصياتها تعيش بيننا..
ابطال روايتي ليسو كلهم يعرفو بعض او من مدينه واحده..  بس انا جمعتهم ف مدينه واحده وجعلتهم معارف ..واقارب ..

ان شاء لله بروايتي هذه استطيع ان اكتب كل شيء واقعي بعيدااا عن الخيال بعد قطعي .. بس عارفه روحي حسي الخيالي الا مايشتغل😂👊
وفيه امور ماعندي علم بيها نحاول نقربها للواقع ف الافعال ولاقوال ارجو ان تفهمو ما اقصد😶

ارجوا التفاعل 😻

#وميض الليل

# البداية

لم أعد أشعر بشيء ..عدا تلكـ الآهات التي تعلو مع كل نبـــضة من بقــايا نبضــات الحــياة بداخلي
💔

وريف " شافت لوجها الشاحب ف المراية خسرت من وزنها الكثييير .. وجها بدا دابل وعيونها ناعسه من قله النوم والاكل .. رفعت نقالها وشافت التاريخ مزال اسبوعين ع زواجها .. الكل مشغول من حولها ويوتي للعرس يلي بيكون كبير ويبوه يجي بسرعه الا هي لو تلقى توقف دقات الساعه وترجعها ع ورى قبل سنه واشهر من الان .. تنهدت مش رح يفيدها شي  سمعت صوت تبييب من سيارة خوها تأففت و خدت شنطتها ومذكراتها طلعت لقت خوها يستنى فيها ركبت معاه"

وقاص" بعصبيه: تي شن هالحاااله كم مرة نقلك استعجلي شن تخيطي ف دبشك خياطه ولا تلبسي فيه

وريف " تأففت: نلبس فيه

وقاص" بعصبيه: اخر مرة نوصلك قولي لسيدك يوصلك ولا بري ع كرعيك مش فاضيلك راه "حرك السيارة بقوة وسرعه قوية"

وريف" شدت ف الكرسي وهي خايفه يدير بيهم حادث"

..
..
ف مكان اخر
هدير " بعصبيه : ولله لما نوريهااااا تي شن لبسهااا فيها تو هي كيف بنمشي

حيدر" خش بعصبيه : تي اسسس عطيك بكشه يامصيبه معاي صاحبي وانت تلعلي ع الصبح

هدير" بغيض: تي باه باه وانت ديما اصحابك يحادو سجلهم ف كتيب العائله وخلاص

حيدر" قرب منها بعصبيه: تي ضمي فمممك الراجل واقف برى وانت تعلي ف صوتك وامشي لكليتك شن موقفك تستنى

هدير: اختك الحصله مشت بالكندره امتعي وخلتلي كندرتها المشروكه

حيدر: احسن شي شدي الحوش وبطلي شن كلية ماكلية تعرفي تكتبي وتقري خلاص شدي الحوش

هدير " حطت ايدها ع خصرها: نعممم نعممم اسمع ماليكش دخل انت بويااا هو يلي يصرف عليا مش انت بعدين لما تتزوج ويكون عندك بنات بطلهم

حيدر " عصصصب لين بانت عروقه "

هدير " خااافت وعرفت انها زلقت بالكلام وهربت منه بسرعه خشت للحمام وسكراته وهي تتنهد بخوف "

حيدر" ضرب الباب برجله: تي ولله لما نصقه لسااانك كان كررتيها "مشى بغيض "[ اكره شي عند حيدر ان حد يجيب سيره الزواج والصغار ~_~]
..
..
ف بيت اخر شبيه بالقصر سكان هذا البيت فائقين الثراااء

ايلاف " خدت وشاحها ولبساته ع السريع ولبست قوانطيات وطلعت من دارها ومشت ف الممر وهي تسمع ف صوت الاغاني ع الصبح من الغرفه المجاورة لغرفتها استغفرت بثمثمه وكملت طريقها ونزلت ومشت لغرفه الاكل يلي جنب المطبخ لقت امها وبوها يفطرو : صلاح الخير

الام والاب: صباح النور

ايلاف: اني ماشيه

الام: تعالي افطري شن تمشي بلا فطور كل يوم

ايلاف: معليش ماما نفطر ف الكلية الساعه 10 مع صاحباتي

الاب: يابنتي تعالي نعطيك مصروفك

ايلاف: عندي يا بابا ماتموش المرة يلي فاتت عطيني هلبا

دخل وجلس طول ع نظرات بوه وامه واخته وبدا يفطر

ايلاف: الناس تصبح قبل

اياس" اشرلها تمشي "

الام : شن ياوليدي بتمشي للكلية اليوم

اياس" وهو ياكل ومش معبر امه"

ايلاف" استغفرت داخلها ولفت"

الاب: ايلوو اصبري نوصلك

ايلاف: لا يابابا بنمشي مع بنت جيرانه "طلعت "

اياس " وقف: باتي نبي 1500

الاب: وعلاش مش عندك

اياس: السيارة بنغسلها ف مغسله فاتحه جديد وماعنديش تو كاش

الاب: خود من درج المكتب يلي تبيه "وقف وخدا حقيبه العمل ومشى"

...

ف منزل مجاور لكن الاختلاااف واااضح بين المنزلين

لورين " تبكي: يماا شن تبيني نلبس هاللبس ف بداية السنه كلهم شافوني فيه السنه يلي فاتت

الام" بضيق: بوك ماعنداش فلوس شن يخنب باش يلبسك انت وخواتك

لورين: والواااه خواتي الصغار شروو كلهم وقفت الا عليا "رن نقالها شافت لقتها ايلاف "

الام: اطلعي لصاحبتك اكيد واقفه برى

لورين" مسحت دموعها وخدت شنطتها بغيض: وهذا العار بكبره عي كل يوم لبسه وانا لبستي من السنه يلي فاتت "طلعت وضربت الباب وراها يلي مكسور من اساسه "

الام " تنهدت: ربي يهديها تقعد تقارن بين الناس ديما

..

لهنا نتوقف
استوووووب ✋

رح نعرفكم بالابطال عشان ماتنسوهم وتعرفو اعمارهم كم (بدوون وصف اشكالهم )

البطله ( وريف العمر 23سنه اخر سنه
)
اخوها ( وقاص عمره 18 سنه )
..
البطله ( هدير العمر 21 سنه ف سنه تانية )
اختها (عبير 16 سنه اولى ثانوي )
اخوها (حيدر 18سنه)
..
البطله (ايلاف العمر 22 سنه ثالثه جامعه)
اخوها ( اياس العمر 23 سنه )
..
البطله ( لورين العمر 21 سنه )

وغيرهم من الابطال يلي بيتم ظهورهم ترتيبااا حسب الاحداث فلااا تستعجلووو شي😻
ولكل شخص حكاية منقطعه بنفسه 👍

تفااعل+تعليق = بارت جديد 😻