دقات قلبـــ💔ــبي تؤلمنـي

الدقة الثـ💔ـامنـة

علاء : انا مش متعود عليك.. نحس ف روحي تزوجت قبل وقتي.. يعني قصدي نحس اننا مزال مفروض مش تو تزوجنا

وريف" بستغراب : كيف مش تو تزوجنا ؟؟ لينا سنتين وقريب 3 سنين خاطبين وتقلي مزال مش وقته؟؟ بعدين انا وانت مش صغار لين مزال

علاء" بهدوء: مش عارف مرات غير قعد مش متأقلم معاك ومش متعود عليك

وريف" رجعت حطيت راسي ع حضنه وانا نبكي: مش تحبني وخطبتني عن حب قلي خيرك ؟؟ لا تقلي نتعودو ع بعض .. لينا شهوور مع بعض لتو ماتعودت عليا ؟؟.. علاش تنفر مني؟؟ حتى اهتمام ماتهتم لا بصحتي ولا بشي؟؟ ولله نحبك نحبك حس بيا "انفجرت اكثر نبكي وهو ماسمعت منه غير تنفسه ودقات قلبه يلي قريبه مني نحس بألم حااااااد 💔 الم يعصر قلبي ويهشم روحي💔 مسحت دموعي بعبره : علاش زمان تقلي ف كلام حلو وتهتم بيا .. تو وانا جنبك هاملني.. قلي خيرك؟؟ مفروض يقوى حبنا مش يضعف .. حتى كلمه نحبك ماسمعتها منك غير مرتين وبعد ما انا نقلك نحبك .. علاش قلي لو تحب غيري ولله ولله العظيم نمشي نخطبهالك بس لا تجرحني لا ادمرني ولله نحبك

علاء" بتنهيده: اصبري عليا شوي بس شوي اصبري انا مش عارف خيرني.. يمكن الامر غريب عليا ؟ يمكن لاننا قراب من بعض ف العمر

وريف" وكل كلمه ك وقع سيف ع قلبي💔: مادخلش العمر حتى لو انا اكبر منك ماليهش دخل العمر بالحب

علاء" تنهد: انا بصراحه مانعرفش مش قادر ينتقبلك ماقدرتش ولله ماقدرت لا نلمسك ولا حتى نعاملك بهدوء مش عارف علاش بديت عصبي ولله مانعرف اصبري عليا

وريف" بعدت عنه وانا ماخديت منه لا حق ولا باطل وندمت اني ارتميت ف حضنه يلي مازادني الا نااار فوق ناري .. ودموعي ماوقفو وقلبي ينزف دم💔: نصبر عليك طول العمر بس شوي اهتمام بس شوي ولا تغصب عليا .. انا مانبي منك شي بس حس فيا.. شهور فاتت واحنا نفس الحاله ولا حسستني اني انثى ف حياتك الناس بدت تسأل علاش لتو ماحملتش .. شن نقلهم وانت ماتقرب مني الا ف الشهرين مرة وتجيني كأني جارية نلبي كل مطالبك وبسس تعاملني كأني حيوان مش انسانه تحبك

علاء" بتأفف: الناس ماليهاش علاقه بينا لاحقين ع الهم بعدين قلتلك اصبري مش بايدي مش عاارف خيرني مش عاارف

وريف" سندت راسي ع السرير والالم مسيطر عليا : لامتى نصبر انا قريب نهبل ولا ننتحر من تعاملك

علاء" بعصبيه: اوف خيرك انت شن تنتحري فكينا عاد قلنالك اصبري عليا لين نتعود عليك خلاص ارقدي ومعش تبكي انا طالع شوي "وقف وطلع"

وريف" انفجرت اكثر ماقدرت نتحمل ولله العظيم مانقدر نتحمل اكثر مافهمت منه شي كيف يتعود كيييف بعد كم سنه ولا قدااش بنصبر حتى اهتمااام مايهتم ويعصب دائما ولله تعباااانه تعباااااانه 💔

..
..
🎀أرجــوكم أخبـــروا ذلكَ الـرجل بِـ أنه أصبح السبب بِـ بقاء روحِي في جسدي ، وأصبحَ يتسلل كَـ لصٍ إلى نبضـآآتِ قلبِــي لِـ يسرقها له !🎀