بسم بالله توكلنا على الله
اول فصل فى الحلوة والجدع بقلمى سنيوريتا ياسمينا احمد
لو فى تفاعل هنزل فصل كمان
الحلوة والجدع
حدق الى اعينها العسليه بسعاده ويده تمسك بيدها فاخير بعد معاناه اجتمع العاشقين وتوجت قصه حبهم
باكليل من الحب وها هم كل الاهل الاقارب يهنون ويباركان للعروسين بحراره ....
غمز لها ياسين بطرف عينه وتمشى بها عبر الممر الطويل المؤدى الى الكوشه الصغيره
بدء بارسال اشارات لكل الاقارب والاحباء بسعاده ...بعد ان عاند الجميع الى ان استسلمنا الى
رغبتهم ...مالت خالت ياسين الى ام يا سين تهتف بسخط :
_ حلو الفستان العريان اللى لابسه مرت ولدك دا يا جدريه
نفخت قدريه بيأس :
_يووه بجى يا عزيزه ... جولنا البت مش واخده على عوايدنا من الاول يعنى واحده واحده لما نأخدها على طبعنا
هنجبها من الدار لنار هى من سكندريه واحنا من الصعيد كيف هنتحكم فيها اديكى شايفه كانوا هيموتوا الاتنين
على بعض نعمل ايه يعنى
لوحت عزيزه بغير مبالاه :
_ يلا اما نشوف بنت البندر دى هتجل (هتقل) جمتكم (قيمتكم )كيف (ازاى)..
رمقتها قدريه بنظرات شرسه وهدرت تحذرها :
_ حاسبى على كلامك يا عزيزه ياسين الكفراوى وعيلته كلها ما تخلجكش (اتخلقش )اللى يفكر يجلل منها
ولدى زين شباب الصعيد علام ومال وجاه وهيبه ...
لوت عزيزه فمها بسخط وسكتت تماما تجنبا لغضب قدريه ....
على الجانب الاخر كان والد ريهام وامها يتجادلا..
_ البت هتسبنا يا منير
تمتم منير بضيق :
_يووه بقا يا شوقيه .... فلقتينا
زمجرت شوقيه بضيق :
- يوووه ايه يامنير مش بنتى الوحيده
اجابها بتذمر مشابه :
_ والنبى ما توجعيش دماغنا احمدى ربنا ان حد رضى يتجوزها بعقلها دا ادعى بس ربنا
ما يرجعلكيش فى الصباحيه
قهقت شوقيه على مزاحه وهدرت :
_ هههههههههههههههه حرام تقول على البنت كدا والنبى دى ست العاقلين
والله هتوحشنى يامنير هى مش هتوحشك
هتف متأثرا :
_ طبعا اومال ايه مش بنتى ...يلا نبقى نروحها
