البارت ٥
دهاليز القدر
للكاتبة
Nuha-d-h
دخلت واول ما دخلت اقشعر جسمي واتذكرت بذاك اليوم اني وصديقتي تبارك بيوم كنا نمر على القصر بالطريق ونكول نتمنى نشوف البيت الفخم من الداخل
كان عندنا الفضول بذاك الوكت
وينج تبارك تعالي شوفي راح ادخل على عنادج 😜
طبعا بمرور الاشهر الدراسية تبارك صارت صديقتي واختي وخطية من اتخربط بابا اجتني للبيت وتحب دائما تساعدني حتى مرات رجلهة يجيبه يمنا بالبيت وتلف وياي كبب ودولمة تساعدني فديته صديقتي
دخلت للمطبخ بس ماشاء الله تبارك الرحمن شنو من فخامة واثاث وترتيب وذوق
المرة-تعالي حبيبة هذا المطبخ البارد يعني غرفة طعام بس للاكل هنا هذا المطبخ الحار للطبخ تعالي فوتي
اني رحت وراهة وركبتي انكسرت من اللف وعيوني صارن حول من الشوف
للكاتبة
Nuha-d-h
شوفي حبيبة اني اسمي نوال مرت الجبير اخذي راحتج ونزعي نقابج وعباتج وحجابج محد يجي هنا من الولد واذا يجون يدكون الباب لان احنا هنا جناين وحموين
فلازم يستأذنون
زهراء-اهلا وسهلا اتشرفت بيج خالة
نزعت عباتي ونقابي
نوال😲-ماشاء الله خالة شنو هذا الجمال حقه ابوج بيوم يلبسج النقاب عمي حورية شنو
الله عليج نزعي حجابج خلي اشوف اشعرك ليش تضل بنفسي
فابتسمت ونزعت شالي ونزل شعري مثل الشلال
نوال -ماشاء الله خالة الله يحفظج من كل عين خالة اقري على روحج المعوذات وحصنيهة وين ما ترحين
زهراء -مشكورة خالة عيونج الحلوات
نوال هناك وتذكرت 😱 كلام عمار عن الابنية الي يحبهة
وفوزية انطتني خبر عن بنية اللي راح تجي تساعدنا بالطبخ وتسوي كليجة ودولمة ان هي معلمة وياهة بالدوام فعرفت ان هي هاي الابنية اللي حجة عنهة عمار
والله يا عمار عمي حقك گلبك يعشج ويطيح بيهيج جمال هسة اني مرة وكلساعة اعاين عليهة شلون تتحرك ونوب دخيل الله لابسة ثوب نيلي
نوال -خالة ليش لابسة هيج ثوب حرامات خاف يخرب بالطبخ
زهراء بصوت ناصي-لاخالة هذا مال شغل قديم خالتة بس للشغل والطبخ حتى من يتلثك عادي
نوال يالله شحجي بعد اذا هذا الثوب الي مفصل جسمهة وصاير عليه عبالك فستان جديد
ماتكولين ثوب كشمير عادي وهي خطية رفعت اردانه ليفوك للعكس يمة وطلع بياضهة
والله لو يشوفهة عمار يوكف كلبة خرب
نوال -اخذي راحتج خالة اعتبري روحج ببيتكم كلشي موجود كدامج المواد والطحين والجوز والسمسم والتمر احنا شوية والبيت ينترس بنات يسدن عين الشمس
ادزهم الج يساعدنج باللف مال الكليجة وبعدين الدولمة والكبة نسويه ننتظر الشباب من يذبحون الذبيحة
دخلت علينة فلبينية اخذت من المخزن مال المطبخ المنظفات وطلعت وبعدهة اجت وحدة ثانية اثيوبية سمرة صاحت لنوال-ماما حجي كبيرة يريد انتي يكول سيحي نوال خل تجي
اني اشتغل واحجي بگلبي همة كم خدامة عندهم وشكد ينطون للخدامة بالشهر كاعدة احسبهة براسي شوية سمعت حركة وراي لكيت خدامة ثانية هم اثيوبية طلعت جدورة كبار مال طبخ من المخزن
اشتغل واحجي وادندن بيني وبين نفسي واتحرك بالمطبخ هم سمعت حركة وراي ما التفتت كلت هم وحدة من الخدامات فصرت اشتغل وادندن كملت تفليس التمر بطاسة جبيرة ونوب فرغت الجوز بكاسة زجاجية كبيرة فشلت ماعون الجوز ودرت وجان اشوف الدكتور ياسر واكف ومنتجي على الباب
اني من الرعبة وكع مني الماعون ونكسر
نزلت على الماعون اريد المة عين على الكزاز الي وكع بالكاع وعين على الدكتور ياسر ظليت اضرب اخماس باسداس
اقترب مني وسئلني انتي منو بس اكلني بنظراته اكل واني عبالك مصلخة من ورة نضراتة
زهراءبصوت يرجف مال واحد يريد يبجي-دكتور ياسر الله يخليك دور وجهك
ياسر بصدمة اني سامع هذا الصوت وهاي العيون شايفهن واتذكرت بنت ابو زينب المنقبة الي جنت اسمع صوتهة واشوف عيونهة وحبيتهة وتعلك گلبي بيهة
بس المشكلة ما اعرف منو بيهن هي وشنو اسمهة
للكاتبة
Nuha-d-h
ياسر-منو انتي بنت ابو زينب
زهراء بخجل دنكت ووكعت دمعتهة -اي اني بنت ابو زينب
ياسر -لا لا لا ليش ليش تبجين
زهراء-دكتور تعرفني منقبة وومحجبة وانتىة ماغضيت بصرك عني ظليت بس تباوع عليه حسستني بالرخص
ياسر حس على روحة-من احتركت عشيرتك ياسر
درت وجهي وكلتلهة انتي منو بيهم من بنات ابو زينب
زهراء -اني المعلمة زهراء
ياسر يعني هي نفسهة الي عطبت گلبي
ياسر واني الكاع ما شايلتني من كد الفرحة لان صارلي اربع اشهر ادور وراهة واريد اعرف اسمهة اريد اسئل عليهة وما اعرف شلون اوصللهة اعرف ان هي بنت ابو زينب بس ما اعرف الي حبه كلبي شنو اسمهة والي سمعتة عن ابو زينب عندة ثلاثة بنات فتاهت علية شلون اعرف منو بيهن هي
وربك جابه لحد بيتنة وبمطبخنا يارحمتك يارب
ياسر ارجو منج السموحة لاتزعلين مني وعذريني لان اول مرة اشوف حورية بمطبخنا صعبة علية ترة الواحد مو كل يوم يشوف حورية تطبخ
زهراء اني مسحت دموعي وابتسمت وكلبي ابتسم وياي
ياسر -يالله عن اذنج يابنت الحلال اني اترخص بس لاتظلين هيج مفرعة لبسي حجاب فوك راسج عفية
زهراء اني من الخجل خدودي صارت طماطة
قبل لايطلع سئلتة دكتور شنو تحب اسويلك كليجة تمر لو جوز
طبعا اول مرة بحياتي اصير هيج جريئة واتكلم مع شاب لا ونوب اسئلة عن نوعة المفضل من الكليجة
حسيت روحي بوكته هيفاء وهبي من الجرئة
هو ابتسم -اي شي من ايدج الحلوة يصير طيب
زهراء بس سؤال
زهراء-كول دكتور
ياسر -انتي مرتبطة
زهراء بخجل وصوت ناصي -لا
ياسر-يالله ان شاء الله خير مع السلامة
وراح
للكاتبة
Nuha-d-h
نوال -الو شلونك شيخنا
عمار هلة بيج بنت عمي
نوال -شيخنا اليوم محضرتلك مفاجئة تحلم بيهه
عمار -شنو هاي المفاجئة كولي
نوال -انتى احزر
عمار -اكول اني مافارغ وراسي ماحاكة من الشغل
وانتي شكلج المسلسلات التركية طيرت مخج
نوال -يالله براحتك شيخنا بس بعدين راح تجيني وتتشكر مني هواي
عمار-ههههه لاااا انتي اليوم ابد مو صاحية يالله اروح مع السلامة
نوال بابتسام😇 -الله وياك شيخنا
ياسر/نوال نوال نوال
نوال بخرعة-شكو شكو شصار
ياسر -ديري بالج يدخل اي ولد من الولد للمطبخ لو تصير روحة هناك فاهمة
نوال باستغراب-صار خوية
ياسر- ولله الي اشوفة من ولدنا يدخل للمطبخ احرك عشريته واحد واحد
نوال🙄🙄🙄
يتبع
للكاتبة
Nuha-d-h
دهاليز القدر
للكاتبة
Nuha-d-h
زهراء-ذبحو الذبايح و الشباب تعاونو بطبرون الذبيحة وصل صغار نوال اتصلت على ياسر -ياسر يالله خوية شوكت تجيب اللحم ترة هم يالله نطبخ الغدة نريد نكف الغدة من وكت ورانة حفلة المولود والناس على جية
ياسر -اي اي صار جاي بس فتحي باب المطبخ وخلي البنات اليمج يلبسن حجابات
نوال لبسن حجابات
زهراء اباوع على بنات عم ياسر اكو حلوات واكو جكمات واكو حبابات بس اكو وحدة كلساعة تخزرني ما اعرفهة
اني ابد ما طلعت من المطبخ حتى حمام ما رحت
شوية ونفتح باب المطبخ دخل ياسر لابس دشداشة بيضة ورافع الردانات للساعد مال زند ايدة
وشعرة مخربط يمة فدوة لطولة شلون وسيم
هنيالهة التصير من نصيبة امهة داعيتلهة رفع عينة وصارت بعيني بس يمة كلبي دكاتة وصلت للبلعوم
خزرني واقترب من يمي بحجة يشرب ماي وحجة بصوت ناصي-ليش واكفة بباب المطبخ يعني الجاي والرايح يشوفج من ينفتح الباب صيري على صفحة
زهراء-اني ما احجيلكم عن حالي شصار يمة يمة عندة غيرة وشهامة تموت
ياسر ☝🏻
للكاتبة
Nuha-d-h
خلصنا طبخ وكملنا الكليجة اني والبنات وشويتهة بالفرن وكانت الكمية كلش هواي وايدي انجوت بالفرن
وظلت روحي تلوب من وجع الجوية
خطية وياسر ابو الحفلة انشلع كلبة من الشغل كلساعة يدخل للمطبخ بحجة حتى يشوفني واني مرات ارفع راسي واشوفة ومرات اغلس عيب ابيع ثكل مايصير ذابة الميانة
اسمع صوتة قريب على شباك المطبخ وكأن يريد يسمعني يابة والله طاح حظي انهلكت ساعت السودة بيوم صرت دكتور واخذت الشهادة ادري هو الناجح عندكم هيج تشلون حالة وتكربونة كراب
جاوبة واحد من اولاد عمة -عمي كول يالله بعدك ما شايف شي من التعب لعد من تتزوج شلون بيك يمكن تظل تلطم
ياسر بصوت عالي -لا بيوم عرسي اشتغل واركص واطبل واني الممنون لان اعرف نهاية تعبي انام بحضن ام بيتي وبحضنهة انسى تعبي وانسى حتى عشيرتي كلهة
الشباب ظلو يضحكون ويصنفون علية
اني احس بروحي بعالم ثاني بالي مو يم البنات خرب احس روحي طايرة
ورة ساعة صبينا غدة ونكلوه الولد وياسر اتقرب مني وبصوت ناصي -انتي اتكتري على صفحة ما مريود منج تنكلين الاكل عندنا خدامات هواي اني انطيتة صحن الزلاطة وهو اخذة مني بس وكعت عينة على الحرك
عيونة صارن حمر وخزرني وين حركتي روحج
اني بصوت بس همس -بالفرن
ماحسيت الا ياسر ساحبني من ايدي ومدخلني للمخزن
وكلي شلون بيج وين اخليج شنو انتي طفلة حاركة ايديج
اني من الفشلة والخجل دنكت وعيوني دمعت-والله مانتبهت
للكاتبة
Nuha-d-h
ياسر-استغفر الله ادري شنو دموعج يشتلغن على اللمس بسرعة يوكعن
اوكفي هنا مو تطلعين
رحت لصيدلية المطبخ واخذت منه مرهم مال حروق
ورجعت الهة وشفته واكفة نفس مكانهة فدوة لربج شنو من حسن وجمال شايلة
اقتربت منهة وسحبت ايدهة وخليت عليه المرهم وكعدت امسح على مكان الجوي
وشوية احس نفسي ثكل ظليت اسحب نفس عميق حتى اهدء لكن مع الاسف من جريت النفس ودخلت ريحتهة وية انفاسي داخل اظلوعي و اتقربت منهة
زهراءيمة احس كلبي يرجف احس ضربات كلبي صارت باذاناتي
رفع ايدي وباسهة واني هنا معت وذابت روحي كلت راح اوكع رجلية بعد ما يعينوني
اقترب مني كلش وصار نفسنا واحد وما اسمع بس صوت انفاسنا وضربات كلوبنا
هنا اني حسيت على نفسي ودفعتة عني وطلعت اركض ورحت وكفت قريب على نوال شوية وهو طلع من الباب الثاني مال المطبخ
نوال شافتني -يالله خالة تعالي كعدي ويانة اتغدي لاتستحين
زهراء-لاما اشتهي اكل انتو اكلو بالعافية
نوال -لاحبيبة تاكلين لان ورانا المولود ووكفة وانتي ماحطيتي لكمة وحدة بحلكج من الصبح
زهراء بخجل -هَـا يالله راح اكل لخاطرج
خلص الغدة ونوال تسولف عن اولاد عمه وحمووينها وزوجهة الشيخ
نوال بابتسامة-احنا اولادنا الشباب والرياجيل الكبار ما ياكلون الا من طبخ ايدنا مايحبون اكل المطاعم الماصخ
فتشوفين رغم احنا عندنا خدامات بس احنا هنا الي مستلمات المطبخ والطبخ وبيوم العزايم الجناين والبنات كلهة تتحزم ماكو وخدة تظل مسعدة وكاعدة ابد مانخلي خدامة تلمس شي من الطبخ لان زلمنا تكش روحهم ما يستنظفون
وظلت تحجي عن زوجهة الشيخ شلون راح يصير شيخ عشيرة من بعد ابوه الحجي
نوال بصوت عالي-اي صدك نسيت الشيخ عمار كلي حضري جوازج راح نسافر للعمرة يمة فديته
هنا شفت بنية من البنات حامل نطت عيونهة وشركت بالجاي الي جانت تشربة
نوال-اسم عليج شيخة شبيج خيرج
شيخة وهي تكح-لا لا ما بية شي سلامتج حبيبة
بس عودك شنو شكله يبجي
ست فوزية جانت كاعدة قريب مني -هههههه والله يانوال ماتكعدين راحة
نوال -خية فوزية والله كلي حضري جوازج حتى نسافر للعمرة اني وياه
فوزية-الف عافية عليكم
زهراء خلصنا التحضيرات والتجهيزات
وبعد ما شفت ياسر
للكاتبة
Nuha-d-h
ظليت بس التلفت وادور عليهة اريد اشبع من شوفتة
راحن البنات حتى يحضرن نفسهم واجت نوال-يالله حبيبة كومي روحي بدلي هدومج وغسلي وعدلي لان راح يبدي المولود
زهراء -بس دليلني على مكان اكدر اخذ راحتي بي والبس هدموي وارتب نفسي
دخلتني لداخل البيت اول شي صالة مفتوحة جبيرة وبيهة يصير بالنص درج من نصعد ينقسم قسمين واحد يمنة وواحد يسرة
نوال تصعد وتسولف وياي -
هاي الصفحة من الدرج تصير بيهة شقتين والصفحة الثانية هم شقتين
صفحة بيهةشقة الي وشقة لشيخة
والجهة الثانية بيهة شقة لياسر وشقة جانت لحماي محمد جان كاعد بيهة قبل لا يطلع ببيت لوحدة هو ومرتة
وجهالة هو هنا بيتة يصير قريب علينا بالمزرعة
دخلتني بشقته وكالت اخذي راحتج خالة هنا محد يكدر يجي
عافتني لوحدي وطلعت بعد مادلتني الحمام
رحت بدلت ملابسي وغسلت وخلصت بس شنو من حمام الله يستر عليهم هواي تعبانين على بيتهم
رحت طلعت ملابس وكعد البس واعدل بروحي واخذني الوكت وما حسيت على روحي لبست بدلتي القالب الماروني تصير بيهة الضهر مفتوح من ورة وبيهة فتحة من جوة لحد الركبة. رجلي كلهة طالهة من ورة ويصير اردانة ربع وفتحة الصدر دائرية عريضة كلش بسيط لبست حذائي وخليت شعري صفح وخليت بروش على شعري وخليت مكياج خفيف وكحل خلة عيوني يبرزن
خلصت ولميت ملابس وكعدت انتظر نوال حتى تجي عليه تنزلني لان اخاف اطلع ويشوفني واحد من ولدهم
فجاءة واسمع صوت الباب مال الشقة
وسمعت صوت خشن مال رجال جاي يحجي بالنقال
يمة كمزت من الخوفة ولكفت جنطتي ولبدت خلف البردة مال الغرفة
وكطعت النفس حسيت الصوت اقترب من الغرفة ودخل داخل الغرفة وخلص اتصالة
اباوع شوية من البردة شفت ظهرهة عليه لابس دشداشة سودة وخال شماغة على اكتافة على صفحة وخلة النقال على ميز المراية
وشفتة رفع ايدة وسحب شعرة ليورة وهو ينفخ
نوب راح على الكنتور وطلع الة ملابس وحضرهن على السرير واخذ منشفة حسيت دار وجهة على صفحتي وعيونة انتفتحت بصدمة ونوب رجع غمضهن واخذ المنشفة وطلع من الغرفة بس استغربت من قفل باب الغرفة وراه يمة هنا اني كمت اريد ابجي شلون البزونة من تنحبس بغرفة لوحدهة تظل بس تحوم اريد ادور على مكان اطلع من عندة ماكو وتالي ظليت انتظر رحمة الله
بس الغريب بالامر هذا نفس الرجال الي اسمه الشيخ عمار شيسوي بغرفة خالة نوال وماخذ راحتة شنو يمكن
ابنهة هذا بس ماكالت عندهة ابن
اهوووو اني شعليه هسة خلي اشوفلي حل لهلورطة الوكعت بيهة
يمة😱هاي صوت رجلين شوية وانفتح الباب
يتبع
للكاتبة
