انتى ليا مش لحد تانى للكاتبة : سمر الخياط.semsema elhor

الفصل الحادى عشر (والله لأوريكى)

وصحي تاني يوم مجهز لها الفطار والعصير والورد جانبهم ودخلهولها وبيقول: 
اتفضلي يا حياتي
فاستغربت سما اووي وخاصة بعد اللي حصل امبارح واللي قاله لكن خدت الاكل وقالت: شكراا 
وخرج هو وشوية خرجتله وقالت:
انا عايزة اروح لسلمي المطار علشان هتسافر انهاردة
أمير: لا مفيش خروج
سما: يعني ايه مفيش خروج!! في سجن انا ولا ايه؟
أمير: اه في سجن مش انتي اللي عايزة كده
سما: انا اللي عايزة اعيش في سجن!!
أمير: اه مش قلتلك هعملك نفس معملتك
سما: وانا معايشاك في سجن
أمير: اللي انتي عاملاه فيا ده اكتر من السجن
سما: انا لازم اروح
أمير: وانا قلت لا
اشوف هتخرجي ازاي؟
فدخلت سما متعصبة جداا وشوية ودخل أمير وقرب منها وقال:
عايزة تروحي لاختك
فبصتله سما ومردتش فقال:
البسي علشان تلحقي تروحي بس ياريت متلبسيش هدوم باباكي اللي كنتي لبستها امبارح
فخرج وابتسمت سما وقالت: والله مجنون 
وقامت بسرعة ولبست فستان بينك تحفه وسيبت شعرها وحطت ميكب حلو عليها وخرجت قالت انا جاهزة
أمير: وانا جاهز للخروج مع ملكة جمال العالم اتفضلي
وركبوا العربية وشغل اغنية وائل جسار
مهما تقولوا وتعيدوا وتزيدوا حبنا اكبر من كده 
اجمل حاجة في الحب عذابه حتي ولو هو ابتدي
وكان طول الوقت بيبصلها وهي بتحاول تهرب من عيونه لكن كانت كل شوية تيجي في عنيه ووقف عند محل ورد اشترالها ورد واداهله وقال :
الورد لاحلي وردة في بستاني
وكمل ماشي وراحوا سلموا علي سلمي وقالت لها خلي بالك من نفسك وقالت لأمير سما دي مش بس اختي فياريت تحافظ عليها
أمير: سما في عيوني وفي قلبي وبصلها فتوهت سما وقالت تروحي وترجعي بالسلامة ان شاء اهور
وركبت الطيارة ومشي أمير وسما وحاست ان مش ده الطريق فسألته
انت رايح فين
أمير: رايحين نتغدي يا حياتي
سما: انا مش عايزة وصلني وروح انت اتغدي برحتك
أمير: انا بقول رايحين يعني رايحين يا عمري
وراحوا المطعم ولما قعدوا قال أمير:
تكلي ايه يا عمري
سما: بلاش طريقتك المستفزة دي
أمير: بضايقك
سما: اه
أمير: طيب تاكلي ايه يا روحي
وطلبوا الاكل وقدم أمير الشوكة بالاكل وبيقول:
كلي من ايدي الحتة دي يا حبيبتي
سما: مش عايزة
كل انت
بقولك قولي من ايدي يا حياتي
سما: يوووه هو كل حاجة كده
فاكلت منه وقالت: خلاص انا مش هاكل تاني وخلصوا اكل وقاموا فقالها ايه رايك لو روحنا عند مامتك
فاستغربت سما وقالت:
انت بتتكلم بجد
أمير: معقول ههزر يا حياتي
سما: ماشي بس بلاش حياتي وعمري دي بعد اذنك
أمير: ماشي يا روحي
فابتسمت سما وقالت: يلا ودينا 
وراحوا عند مامتها وقعدوا يتكلموا وقالت مامتها
ابقى جبهالي كل يوم يابني انا بقيت لوحدي بعد ما سافرت سلمي
أمير: طبعا يا ماما انا كل يوم هجبها ونعدي عليكي ولا ايه يا حبيبتي
سما: اه طبعا ياماما
أمير: انا عايز اشتيكيلك من سما يا ماما
فبصتله سما مستغربة وخايفه فقالت امها ": ايه يابني
أمير: مش مهتميه بيا ياماما وكمان مبتعرفش تعمل اكل وانا نفسي اكل من ايديها الحلوين دول ومسك ايديها وهي معرفتش تشيل ايده علشان متحسش امها وقالت مامتها
معلش يابني بكرة هتتعلم اصبر عليها شوية
فباس ايديها وقال:
انا استناها العمر كله يا ماما
وخلصوا كلام وقاموا وهو ماسك ايديها واول ما امها قفلت الباب زقت ايديه وقالت: ليه الحركات دي بقي
أمير: مش انتي اللي قلتي يا حياتي انك مش عايزة ماما تحس باي حاجة علشان متتعبش انا بعمل اللي انتي عايزاه
سما: قلت كده اه لكن مش بالطريقة دي
أمير: هي دي الطريقة اللي انا اعرفها، لو مش عاجبك اروح اقولها علي كل حاجة من اول يوم لآخر يوم يا قلبي
سما: اف يلا بقي خليني اروح ولا عايز تروح في حتة تانية؟
أمير: لا يا قلبي نروح بيتنا ونسهر هناك على راحتنا احسن
وروحوا البيت ودخلوا يناموا والساعة 12 بالليل خبط أمير الباب عليها ولما فتحت قالت:
في حاجه ماما جرالها حاجة
أمير: لا بطني هي اللي جرالهان انا جاعان اوووي وعايز آكل
سما: وانا مالي؟
أمير: ما انتي يا حياتي اللي هتعمليلي الأكل
سما: انت ناسي اني مبعرفش
أمير: لا عارف بس مامتك قالت بكرة تتعلمي ودلوقتي الساعة 12 و5 يعني بدأنا اليوم الجديد وانتي لازم تتعلمي
سما: يعني عايزني اعمل ايه؟
أمير: تروحي يا قمري تعملي اكل وأنا هساعدك
سما: كتر خيرك على اساس انك بتعرف تعمل أكل
أمير: ايوه طبعا انتي نسيتي البيض
سما: ودي حاجة تتنسي ابداا
أمير: يلا بقى علشان تعمليلي الاكل من ايدك الحلوة يا قمر
فقامت سما تدخل المطبخ وهو وراها وقعد ع الكرسي اللي في المطبخ وقالها:
انا نفسي آكل حمام محشي بالفريك
سما: ايه؟! انت بتستهبل!!
أمير: ايه انا ايه؟
سما: انت بتستهبل؟
أمير: اه افتكرت بتقولي حاجة تانية
سما: اولا احنا معندناش حمام ولا فريك ولا انا اصلا بعرف اعمله
أمير: قولي انك مش بتعرفي تعملي مش هتتحججي بالحمام ومعرفش ايه
طيب ايه اللي بتعرفي تعمليه
سما: مش بعرف اعمل حاجة
أمير: مش بعرف اعمل حاجة؟
طيب انا جاعان دلوقتي اعمل ايه؟
سما: معرفش اطلب دليفري ولا نام أحسن 
أمير: دليفري لا مش معقول معايا ست زي القمر واطلب دليفري وانام!! انسي مش هنام غير لما اكل من ايدك دي
سما: خلاص اعملك ايه؟
أمير: احنا هنا عندنا في الثلاجة فراخ وملوخية وسمك وفي هنا كمان رز ومكرونة اعمليلي كل الحاجات دي
سما: انت بتهزر هعمل كل ده وبعدين ازاي سمك مع فراخ ولا مع الملوخية وكمان رز مع المكرونة!!
أمير: مزاجي كده
سما: بقولك مش هعرف مش هعرف
أمير: اتصلي بمامتك خليها تمليكي في التليفون ازاي تعملي وبراحتك انا مش مستعجل خاااالص
سما: هي هتبقى صاحية دلوقتي
أمير: مليش دعوة انا جاعان دلوقتي وهاكل دلوقتي
سما: يا ربي اف اف اف
أمير: خلاص انا عندي حل تاني لو مش عايزة تعملي اكل دلوقتي ممكن تعملي حاجة تانية
سما: وايه هي ان شاء الله؟
أمير: تنامي ف حضني انهاردة علشان محسش بالجوع لحد الصبح
سما: ههههه انت بتحلم
واتصلت بامها وقالت
معلش يا ماما يا حبيبتي بس اصل أمير عايز يطفح قصدي ياكل ياكل وعايزاكي تعرفيني الفراخ بتتعمل ازاي
أمير: والسمك والملوخية
فكانت امها ع التليفون وقالتلها اغسلي الفراخ وحطيها ع الشبكة بعد ما تحشيها فراحت تغسلها فوقعت منها وغرقت نفسها فضحك أمير بصوت عالي فاتغاظت اووي فراحت اخدت شوية ميه ورمتها عليه وقالت: سوري مش قصدي 
فضحك اكتر وقال: ولا يهمك يا روحي 
وحشتها بالعافية وحطتها ع الشبكة والسمك قطعته وحطته في الزيت من غير ما تحدقه والملوخية حاولت تقطعها لكن معرفتش تمسك المخرطة كويس وهو ميت من الضحك وهي بيزيد غيظها ونرفزتها وآخر لما زهقت حطتها في الحلة من غير ماتتقطع كويس فقال أمير: الشهقة
انا عايز اسمع الشهقة
وغسلت الرز وحطته في الحلة وغسلت المكرونة وقالت لمامتها 
فقالت: ايه اللي انتي عملتيه ده المكرونة مش بتتغسل 
فقالت: مش مهم مش مهم 
وكملت وقفلت فخرج أمير وقعد ع السفره وقال: يلا بسرعة عايز آكل خلصي 
فحطت الاطباق وفضل مستني ربع ساعة ولما زهق قال: انا هاكل الاطباق ولا ايه ولا هو الاكل هيجي المرحله التانية 
فحطت الاكل وقالت: اتفضل انا داخلة انام
أمير: استني هنا رايحه فين؟
سما: رايحة انام في حاجة تاني؟
أمير: اه طبعا اقعدي كلي معايا مش يمكن تكوني حطالي سم وأموت لوحدي
سما: يا ريت
أمير: بتقولي حاجة؟
سما: لاء لاء لاء
وقعدت وغرفت الأكل فقال أمير: انتي متأكده ان دي مكرونة احسن تكوني غلطي وحطيتي بدل المكرونة عيش ولا حاجة
سما: لاء مكرونة ما انت كنت قاعد
سما: استني هنا فين الملوخية
سما: بلاش الملوخية
أمير: لاء بقي انا عايز ملوخية
سما: انت حر
وراحت جبت الملوخيه وغرفتها ولما شفها قال:
انتي مين اللي قالك هاتي الملوخية دخليها يا شيخة انا اصلا مش بحبها ادخلي ادخلي
سما
.......
وكمل بص ع الاكل وقال انا هبدأ بالسمك الأول احسن الفراخ شكلها ميطمنش ولما داق بلعها بالعافية وقال:
انا ايه اللي صحاني!! ما انا كنت نايم!! انا بعاقبك ولا بعاقب نفسي، انا داخل أنام والاكل ده ارميه في الزبالة ولا اقولك حرام نعذب القطط ولعي فيه
ودخل فضحكت سما وقالت: احسن 
ولمت الأكل ودخلت تنام والصبح صحيت علي صوت أغنية بتقول
انت الحب الكبير......الاول والاخييير ولا غيرك يا حبيبي 
يا حبيبي هواك اثييييير
فقامت سما لقيته مشغل التسجيل فطفته ودخلت تنام وشوية وصحيت علي صوت أغنية
بحبك وودك وامووووت .........اموت في هواك ويله ويله ويله
قلبي عشانك تاحمااااال ...........تحمل اساك 
فخرجت تاني وطفته وفضلت واقفة شوية ومطلعش فراحت قفلت الباب كأنها دخلت لكن فضلت واقفة فخرج فقالت:
احنا هنلعب ولا ايه لو سمحت انا عايزة انام
أمير: انا كلمتك؟
سما.والأغاني اللي حضرتك مشغلها دي
سما: انتي مضايقة منها
سما: اتخنقت زهقت
أمير: تصدقي مش عندي
سما: هي ايه دي اللي مش عندك
أمير: اغنية
اتخنقت لاء زهقت من الحياة واللي فيها والبيت واللي فييه
سما: يوووووه
أمير: ههههههههه وراكي وراكي
ودخلت جوه وكلمت مامتها تطمن عليها ولما خرجت لقت ع الباب ورقه مكتوب فيها
بحبك بحبك بحبك
فابتسمت وقالت: مجنون مجنون 
ودخلت الحمام وخرجت لقته مستنيها ع السفرة والاكل قدامه وقال:
يلا يا حياتي علشان ناكل مع بعض
فقعدت تاكل وهي بتاكل لقت ع الطبق محفور كلمت بحبك
فعملت نفسها مش شايفة وكملت اكل وهي بتشرب لاحظت الكوباية مكتوب عليها بعشقك برده شربت ودخلت الاوضة على طول وفضلت تضحك وشوية
خبط عليها أمير وقال:
انا مش عاجبني الشقه كده
سما: يعني اعملك ايه؟
أمير: تروحي تروقيها وتمسحي كمان
سما: يا سلام
أمير: ايوه يلا خلصي اعمليلك همه
سما: انا مش همسح حاجة انت بتحلم
أمير: خلاص انا هروح احلم في التليفون وانا بكلم ما ما هه ماما
سما: انت بتهددني روح ميهمنيش انا مش بتهدد
أمير: اوكيه
وراح أمير واتصل بمامتها وقال:
الو يا ماما ازيك
الام: انا كويسه يا بني انتم عاملين ايه؟
أمير: والله يا ماما احنا مش تمام
الام: ليه يابني ايه اللي حصل؟
فبص لسما وقالها: اقولها ليه ولا تعملي اللي قولت عليه؟
سما: ....................اف ماشي ماشي
أمير: قشطة...........خلاص يا ماما اصل انا كنت زعلان شويه من سما لكن هي جت وصالحتني
الام: ربنا يهديكوا يابني
وراحت سما وجابت الجردل وشالت السجاد بالعافية وهو مقامش يساعدها خالص وكان قاعد يضحك وهي كانت مضايقة جدا ومسحت وخلصت وهي بتشيل الجردل اتزحلقت ووقعت والمية كلها وقعت وفضل يضحك عليها وراح اومها وقال:
هههههه خلاص خلاص كفايه كده انا هلم الميه دي ههههههههههههههههه بس تعرفي شكلك حلو اوي كده
ودخلت سما اوضتها وهي متنرفزة وبعد فترة خبط عليها وقال: بابا رجع من السفر ولازم نروح نشوفه
سما: ابوك؟ انت عندك اب؟!
أمير: عندي اب!! امال طلعت لوحدي طلعت شيطاني كده!!
سما: هههه مش قصدي بس اصلي اعرف انه مش ف مصر
أمير: اه فعلا اصلا عايش بره مع مراته
سما: امممممم طيب ثواني وهبقي جاهزة
وخرجت سما وهي لبسه جيبة قصيرة سودة وبلوزة حمرة وبوط وجايبة شعرها علي جانب ومنزله قصة فبلصلها أمير ومتنح وقال:
انت هتروحي معايا عند بابا كده؟!
سما: اه فيها ايه؟
أمير: فيها كتير بابا عينه زايغة وانا عارفه كويس وممكن يعلقك مني
سما: هههه مش انت اللي عايز تحس انك خارج مع واحدة مش مع واحد صاحبك
أمير: انتي كده هتخليني اعمل مليون حادثة ومش هبص غير عليكي!!!!