يحيي: النخاع مش أمير برده محتاج نخاع علشان يبقي كويس
سما: اه فعلا بس معاك ازاي
يحيي: اقولك ازاي؟ انا قبل ما اجي هنا عملت تحاليل من اسبوع وجيت هنا وعرفت إنها مطابقة لحالة أمير ومستعد اتبرع بيه
سما: بجد؟ بجد يا يحيي انا مش مصدقة معقول
يحيي: لاء طبعا مش معقول
سما..........؟ مش فاهمة يعني ايه؟
يحيي: يعني اكيد بعد اللي عمله معايا واخدك مني غصب عني وعنك واتنازله عن النخاع بالسهولة دي
سما: مش فاهمة برده انت تقصد ايه هتديله النخاع ولا لاء
يحيي: هديله النخاع بس بشرط
سما: شرط؟ شرط ايه؟
يحيي: تتطلقي ونتجوز
سما: ايه؟
يحيي: زي ما سمعتي زي ما هوه اخدك مني بالعافية انا كمان هعمل زيه وانتي اللي هتختاري يا حياته يا نتجوز
سما: مش ممكن انا مش مصدقة انك انت اللي بتقول كده يا يحيي
يحيي: لاء صدقي صدقي اني بحبك وممكن اعمل اي حاجة علشان اوصلك وزي ما هو عمل انا كمان لازم استغل الفرص
سما: انا...انا
يحيي: انا هسيبك تفكري لحد بكرة ولما تقرري اتصلي بيا وانتي عارفة نمرتي كويس سلام سلام يا سما
ووقفت سما شوية مش مصدقة اللي هي سمعته ومخها وقف عن التفكير ومكنتش عارفة تعمل ايه فراحت شافت النتايج لكن كلها طلعت سلبي وقالت ليهم كلهم ع اللي حصل علشان يقولولها تعمل ايه
زياد: لا يا سما ده مش ممكن يحصل والحيوان ده لازم يتعلم الأدب
منى: أنا مش مصدقة ان يحيي يعمل كده
سما: المهم قولولي انا هقنع أمير ازاي
سلمى: تقنعيه؟ انتي خلاص قررتي انك توافقي بالكلام الفارغ اللي هو قاله ده
سما: عندك حل تاني؟
سلمى: اه طبعا احنا نستني لما نلاقي متبرع تاني
سما: حلني بقي على ما نبقي نلاقي يكون أمير ضاع مني
الام: فكري يابنتي انتي كده بتعذبي نفسك
سما: انا مش مهم المهم أمير يقوم بالسلامة تاني
زياد: أمير لا يمكن يوافق بكدة ابد
سما: انا فكرت ولقيت اننا مش لازم نقوله
زياد: ازاي يعني؟ ازاي هيطلقك بالسهولة دي انتي ناسية هو عمل ايه علشان يتجوزك
سما: لاء مش ناسية بس انا هرفع عليه قضية طلاق وهيتحكم فيها وهو لسه في المستشفى
سلمى: اللي بتعمليه ده جنان يا سما
سما: ارجوكم ساعدوني علشان أمير يقوم ويبقي كويس انا مش عايزة منكم غير ان محدش يقوله على ان يحيي هو المتبرع ولما تقولوله اصلا بموضوع المرض اكون مش موجودى ولما يسأل عليا قولوله اني اني لما سمعت بالخبر مشيت و...........واتخليت عنه
سلمى: انتي اتجننتي
يعني ايه اتخليتي عنه
منى: ايه اللي بتقوليه ده مش ممكن طبعا
سما: علشان خطري لو بتحبوني وبتحبوه بجد تعملوا كده
وقاموا كلهم وهما مش مصدقين اللي بيحصل وسما قعدت في الاوضة اللي جانبه علشان مقدرتش تسيبه وتروح وعلشان تطمن عليه من بعيد ودخلوا كلهم لأمير ماعدا سما وقال زياد لأمير انه عنده سرطان فاضايق اووي أمير مش علشانه لكن علشان سما لكن اتطمن لما عرف ان في متبرع وهو هيعمل العملية في خلال الاسبوع ده وسأل عن سما فقال
زياد: سما؟ ! سما
أمير: انطق سما مالها؟
زياد: لاء هي كويسة الحمد لله بس .......بس هي لما عرفت بالمرض مشيت
أمير: يعني ايه مشيت تعبت يعني ولا ايه
زياد: لاء مش تعبت بس هي قالت انها مش ...مش هتقدر تكمل معاك وو
أمير: وايه؟
زياد: هترفع قضية طلاق
أمير: مش ممكن مش مصدق سما عملت كده مش ممكن مش ممكن انا لازم أشوفها
زياد: للأسف مش هينفع علشان هي مشيت
أمير: انا لازم اشوفها انا لازم اسمعها واسمع منها
زياد: اهدى بس يا أمير وانساها احسن
أمير: انساها ازاي
انا مش ممكن اصدق ان سما تتخلى عني
زياد: لا هي عملت كده
أمير: دي سما يا زياد انسى حب حياتي انسى الانسانة الوحيدة اللي قلبي دق علشانها انسى اللي رجعت تاني للحياة علشانها مش ممكن مش ممكن
علشان خطري يا زياد عايز اشوفها ولو مش هتجبهالي انا هروحلها بنفسي انت فاهم؟
وخرجوا كلهم ولقوا سما قدام الباب وبتعيط فعرفوا انها سمعت كلامه فراحت لها منى وقالت:
حرام عليكي اللي بتعمليه في نفسك وفي أمير ده انتي شفتي حالته ازاي لما سمع اللي قولتيه
سما: انا عارفة بس بكره هينسى
منى: هينسى ايه دا مزعلش علي مرضه قد ما زعل عليكي
وتاني يوم جيه يحيي لما اتصلت بيه وقالت انها وافقت وجيه علشان يجهز نفسه للعملية واتفاجئت سما بان أمير رافض انه يعمل العملية ودخل زياد علشان يقنعه وهي كانت بره سمعاه ويحيي كمان فقال أمير:
انا مش هعمل العملية يعني مش هعمل العملية
زياد: ليه بس احنا ما صدقنا لقينا متبرع
أمير: انا رجعت للحياة من تاني بس علشان سما كانت فيها لكن دلوقتي بعد ما اتخلت عني انا مش عايز الحياة دي مش عايز اعيش ولا لحظة بعيدة عني فيها
زياد: بس يا أمير
أمير: مفيش بس متتعبش نفسك ده قراري ومش هرجع فيه مهما حصل
فخرج زياد وسأل سما هيعمل ايه فقالت: مش عارفة انا عملت كده علشانه مكنتش اتخيل انه هيعمل كده
زياد: هتعملي ايه يعني في المصيبة دي
سما: خلاص.........انا هقوله على كل حاجة
ودخلت سما عليه فقال"
سما...انا كنت عارف انك مش ممكن تسيبيني
فحكتله سما ع اللي حصل فاتعصب جدا وقال:
انتي ازاي توافقي على حاجه زي كده
سما: انا عملت كده علشانك مش ممكن اشوفك بتتعذب قدامي وفي ايدي الحل واسكت
أمير: ايوه تسكتي الحياة اللي من غيرك انا مش عايزها
انا بحبك يا سما وعايز اعيش معاكي حياتي كلها لو طويلة او قصيرة انا مش عايز غير اني اموت في حضنك
سما: مش هقدر مش هقدر انا ممكن اعمل اي حاجة علشان انت تعيش
أمير: لاء لاء هتقدري انا مش هعمل العملية مش هعملها
فخرجت سما وهي بتعيط وسألها يحيي هتعمل ايه؟
سما: ملكش دعوة انت اتفقنا زي ما هو
وراحت لزياد وقالتله انها هتقول انها رجعت في كلامها ومش هياخد أمير النخاع من يحيي علشان ظهر متبرع تاني وفعلا قالوا كده لأمير وكان فرحان جدا واتجهز علشان يعمل العملية وعملها واستنوا يومين علشان يعرفوا اذا كان الجسم قبل النخاع ولا لاء وخرج الدكتور وقال:
الحمد لله الجسم اتقبل النخاع وهو فاق دلوقتي وعايز يشوف مدام سما
ففرحوا اوي ودخلوا كلهم قال زياد:
حمد لله ع السلامة يا وحش
أمير: انت ايه اللي دخلك يا اخي انا طلبت سما بس انا مش عارف ايه ده
وشوية وخرجوا كلهم ماعدا سما فضلت جانبه ماسكة ايده وبيتكلموا مع بعض وكانت سما فرحانة جد بسلامته لكن كانت حزينة علشان دي اخر مرة هتكون معاه وهتمشي بعدها علي طول فقعدت جانبه تشبع منه
سما: انا مش عارفة ازاي في الوقت القصير دا قدرت احبك الحب دا كله
انا مش عايزاك تزعل مني يا أمير
وعايزاك تعرف اني ممكن اموت علشان انت تعيش
أمير: ايه الكلام دا
بعد الشر عنك
انا من غيرك ولا حاجة يا سما
انتي قدرتي تغيري فيا حاجات كتير اوي
انا كمان حبيتك من اول ما شفتك
عمري ماحسيت بالسعادة غير وانتي جانبي
اوعدك اني هعيشك اسعد انسانة في الدنيا
وعمري ماهزعلك ولا اغصبك على حاجة
وكان يحيي واقف وسامع كل كلامهم ولما خرجت سما اتفاجات بيه قدامها وكانت هتمشي فقال:
سما
سما: نعم
يحيي: كنت عايز اقولك اني مكنتش عارف ان أمير بيحبك بجد كده وكنت فاكر انها نزوة من نزواته لكن بعد اللي شفته ده وشفت قد ايه هو بيحبك وانتي كمان بتحبيه ومستعدية تضحي علشانه شفت اني مينفعش ابعدكم عن بعض او فرق بينكم وانا اسف ع اللي عملته ده واتمنى ليكي السعادة ولو احتاجتي اي حاجة انا موجود واعتبريني زي اخوكي
سما: انا..انا مش عارفة اقولك ايه
يحيي: متقولليش حاجة وسلميلي على أمير وقوليله حمد الله ع السلامة
سما: متشكرة اوي يا يحيي بجد شكر وانت صديق عزيز واخ فعلا
وراح اوضته يرتاح لانه مكنش لازم يقوم من السرير وبعد شهر خرج أمير من المستشفي وقالها:
انا عايز اوديكي مكان الاول قبل ما نروح
سما: مكان؟ ؟ مكان ايه؟
أمير: هتعرفي دلوقتي
YOU ARE READING
انتى ليا مش لحد تانى للكاتبة : سمر الخياط.semsema elhor
Romanceحتى لو طول عمرنا عايشين من غير ما نفكر فى الحب ولا فى شريك حياتنا وحتى لو حابين حياتنا كده لما بنقابل نصنا التانى كلامنا كله بيتغير بنحارب الدنيا كلها عشان يكون لينا ومن نصيبنا بنحارب حتى الشريك نفسه بنحاربه عشان يحبنا ويفضل جمبنا
