القوارير

القوارير ٥

#القوارير ٥
زينب الموسوي
كانت حياتي مع هشام اجمل فتره بعمري رحلات وهدايا وسفر گدر ينزل لعمري وعاملني طفله مدللة الشي الي ماحسيته عند اهلي سمحلي اغير ستايل ملابسي واسوق ورجعت للدراسه كان صديق واب وحبيب احتوى كل مشاعري وعرفني على اهله بالتلفون غير مواعيد شغله حتى نكون سوا عرفت طالع من العراق لان والده كان يصلي بالجامع ماخذيه وعادميه بحجة الانتماء لحزب محظور
وهو طالع لسوريا بعدين واصل امريكا اول يوم دوام مدرسه وصلني
صيري شاطره مو تتكسلين اذا نجحتي اخذچ سفره لهوليوود
لا مااريد سفره اريد سياره
اسوله هسه الظروف مااگدر على السياره بس اخذي سيارتي
وانت شلون بدون سياره
اروح ويه اصدقائي للشغل بس انجحي
انشالله انجح
كانت ماري منتظرتني وفرحت من شافتني سعيده
هسه تضحكين وبالزواج كنتي تبكين
اكتشفت الزواج حلو وكنت غلطانه من بجيت
كنت خايفه عليج وحتى امي انقهرت عليج
شوفي رغم اني وياچ بصعوبه نتفاهم بس هشام وانتي احلى شي صار بحياتي
وانتي افضل صديقه عندي واريد ابقى صديقتچ طول العمر
اخذت اصبعي الزغير وخلته باصبعها الزغير وگالت صديقات جاوبتها صديقات
مرت شهرين على زواجي تحسنت لغتي كان شغل هشام متعب ومرات ياخذ ساعات زياده حتى يگدر على مصاريف اهله بالعراق وبين بيته مكنت اطلب منه شي بس هو من نوع يفهم ومخلي باله اني زغيره ويعمري طلبات البنات تزداد هذا الموقف بنهايته اكتشفت شي مكنت مستعده اله هشام گلي طالع عشر دقايق وراجع
وين رايح بهالليل
صديقي جاي من مشيكان وموصيه على حاجه اروح اجيبها وارجع
عرفت الحاجه لو ملابس الي لو حجاب هشام كافي ترى الملابس صارت عندي اكثر من ملابس الممثلات
غلطانه مو ملابس هسه ارجع وتعرفين
والله ماادري بيك ياابن سهام بس لا جايبلك مره من مشيگان واني ماادري
لا هاي مااسويها لو اموت عشر دقايق وراجع
طلع ورجع
هاي البقلاوه الي رديتها اعرف هنا بهاي الولايه مموجوده وصيتهم يجيبون
صدك تحجي انت ترى حجايه گلتها هسه اصدقاىك يگولون شگد تتدلل مرته بعد ابد مااطلب شي منك
اسوله اذا متطلبين مني منين تطلبين وبعدين انتي تتوحمين ابني مو زين عليه اذا ردتي شي ومااجبته
اتوحم شني منو كال اني زغيره مامعقوله
حبيبتي زغيره جبيره انتي حامل اخذي هذا التحليل وشوفي
خوفتني هشام مااريد طفل هسه
ليش هو راح تجيبيه هسه بعد تسع اشهر دگومي حتى اخابر اهلي واگلهم
نتيجه التحليل كانت حامل شي مكنت محسبته على الاقل مو بهاي السرعه
بدايت الحمل كنت رافضه الحمل لكن بدايه حركه الطفل تحركت وياه مشاعر الامومه ومن ولدت اول طفله فاطمه اصبحنا اني وهشام اسعد اثنين بالوجود كان عمري ١٦وعشر اشهر وسبع ايام
هشام بهاي الفتره احتاج شغل ثاني واني بين الدراسه واهلي وفاطمه ماري كانت تساعدني بالدروس وحتى مرات تجي عندي تراقب الطفله واني اشتغل بالبيت
بيوم گعدت هشام يروح للشغل شفته تعبان اكثر من لازم
اذا تعبان اليوم لاتروح ارتاح
لا موتعبان عادي تعودت على الشغل
بس ميهون عليه تعبك ابو فاطمه اخذ يوم اجازه على الاقل ترتاح نشوفك
كولي اشتاقيتلك واريد اشوفك
ئي اشتاقيتلك حرام
لا مو حرام بس المصاريف صارت اكثر مااريدچ انتي وبنتي تحتاجين شي ومااگدر اوفره الكم
محتاجيك انت هشام والكفل زينب الشقه متنطاق بدونك واكو اشياء نكدر نستغني عنها
خلص اسوله راح اخذ اجازه باجر
زين اودي فاطمه عند ماري ونبقى بس اني وياك
والله شيطانه ومخططه لكلشي
كافي تبيع ثگل عليه وروح اخذ اجازه
اخذ اجازه هشام وكنت اگدر اخلي فاطمه عند اهلي بس اعرف راح يسالون ليش وشعندج مخليه بنتج ورايحه بس ماري تفتهم بالحب والرومانسيه اتفقت وياها اجي بالليل اخذها
كانت نهايه ليلتنا اني وهشام صرت حامل بنتي الثانيه زينب ولدتها كنت بصف ١١وعمري ١٨سنه
هشام قرر يعادل شهادته وبدا يدرس باليل والدوله تغطي جزء من مصاريفنا اعتمدت على اهلي يساعدوني بناتي لان اشتغلت بالعطله مطعم معروف للاكل السريع اسمه مكدونالز مع ماري صارت حياتي ركض ارجع من الشغل اخذ بناتي للشقه اهتم بيهم واحضر اكل وانظف وانام يرجع هشام اكون نايمه اشوفه الصبح واني طالعه مرات ابوسه ومرات انسى اتذكر بالسياره اتصل بيه واكله اسفه
بدا دوام المدارس عرفت مااگدر استغني عن الشغل  انتظرت هشام حتى نحجي بالموضوع
باچر المدارس هشام ومااريد اداوم
شنو هذا الحجي انتي اخر سنه اعداديه تريدين تبطلين
موابطل بس ااجل هاي السنه هشام احنا محتاجين شغلي والبنات زغار امي تعبت منهن وانت دراستك مهمه كمل انت وبعدين اني
اسيل متاجلين وتداومين هاي امريكا افرضي اني متت تعوقت منو الج وللبنات شهادتج مو بس لنفسج الي ولبناتج
وشهادتك هم الي ولبناتك ياعيوني انت ادرس واخذ الشهاده واني بعدين اكمل فدوه لعينك اذا تحبني لاتعارض
لا اسيل اعارض تركين الشغل وتداومين
لا هوايه تحبني مااداوم بكيفي اني بدون دراسه ومالحك اشوفك انوب دراسه
هاي حجج وانتي دوم الي تريديه تسويه بس هاي المره لا تداومين واذا مااداومتي اترك الدراسه اني هم اسيل يمكن نتعب هسه بس بعدين نرتاح لمن نصير بوظايف ودخل عالي وتامين صحي
ماگدرت اقنعه ولاگدر يقنعني ومن الصبح گعد
يله گومي حضري البنات وديهن عند امج وروحي للدراسه
مو گتلك مااداوم
اسيل كافي من الصبح عناد تروحين
راح اروح بس لبيت اهلي واخذ بناتي وياي
طلعت من البيت واخذت بناتي رحت لاهلي ساعه ٢الظهر هو يوميه يرجع يتغدى ويشوف البنات ويروح للكليه
اجى على اهلي واخذني للبيت بدون اهلي ميعرفون شنو المشكله
رجعنا للشقه بس منحجي مع بعض اليوم الثاني بدلت من الصبح وديت البنات لامي ورحت للمدرسه والظهر رجعت سويت غدى وانتظرت هشام وجزء من شخصيتي العشائريه وتفكيري. قنعت نفسي لازم يصير عندي ولد وهشام ميصير يبقى بدون ولد وخططت للحمل الثالث مع اني اعرف الناس بظروفي وقت ماعندي العب مع بناتي
رجع هشام تغدا وگعد يدرس بس لاعنده امتحان تخرب الخطه كلها
شنو عندك امتحان
لا ماعندي محاضره قديمه داانقلها
وعليمن تنقلها استنسخها كله ٥٠سنت
من اكتبها تبقى بالي ماانساها وبعدين الگفها راسا
ماشاالله انت كلشي تلگفه بسرعه بس من اريد اصالحك متلگفها لازم اسوي اعلان بالجرايد والتلفزيون وهم تسوي نفسك متفتهم
وعليمن الاعلان گولي اسفه وداومي بالمدرسه
مو داومت اليوم بعد شكو
راح تداومين كم يوم وبعدين تبطلين اعرفج كلش زين
زين اذا تعرفني كلش زين متعرف احبك واموت عليك ومااگدر اكسرلك كلمه
اذا تحبيني تكملين دراسه
والكفل زينب احبك وراح اكمل
شكد صار مسامعها گوليها مره ثانيه
دعوف الكتب وتعال وياي وراح اكولها الف مره
مشت الخطه وبعدها بشهر عرفت حامل واكيد الكل لامني حتى هشام وخاصه ان الولاده راح تكون بموعد الامتحانات النهائيه
ماري ساندتني بس وبهاي الفتره ماري تعرفت على شاب بالاعداديه اسمه ستيفن
شكرا  لليعلقون ومتابعين  التعليق هو تشجيع يخلينانستمر