تسريع للأحداث للوصول للجزء الاهم والاحلى
مرت الاشهر واني ومياده بقمة السعاده
وتحضيرات لان دخلت شهرهه ورح تجيب بنوته
لان سكناا السونارات حتى نعرف شنو ابطنهه
مياده حيدر اليوم كلشش خااايفه لان رح اسوي العمليه
ههههه وج عليمن تخافين تنامين تكعدين تلكين فرحتناا منوره حياتنه
رحناا للمستشفى وطبت مياده للولاده واني بعد اصلاا مااجت ابالي نجلاء بس قبل فتره رحتلهه انطيتهه مبلغ كتلهه سقطي الطفل وهي وافقت رح. تسقطه والتهيت بمياده بعد ومسئلت سقطته لولا بس اكيد تسقطه لان هي اصلاا بس رادت فلوس متريد طفل
ياربي سهل ولادتهه ياالله گلبي احس رح يوكف
حيدر عصام نعم نعم اني مبروك زوجتك ولدت وهي والطفله بخير
اييييييي ياربي هسه ابدي اخابر اهلي واهلهه لان ردناهه مفاجأه مياده جذبت عليهم وكلتلهم الاسبوع اليجي عمليتي
خابرت ع امي كامت تبجي وتهلهل واجت هي واخواني وخواتي والوالد ومن الباب خلوا العالم صاافنه سووا زفه دك ورگص وهلاهل وجكليت وابويه يوزع فلوس
اجتي ام مياده كسرت گلبي تكوم وتوكع من الفرحه ودموعهم وتطش فلوس وچكليت والعالم يبجون ويضحكون
فرحتنااا متنوصف كملنه الاجراءات
طلعنه للبيت
مياده .. حيدر صدك سميتها (أمنيه)
اي صح لان هاي امنيتي جانت
لايمعود خاف يضلون يحششون ع اسمهاا ويعقدوهه مو كلنا نسميهه فرح
ههههههه لا امنيه احلى
اوك حبي صدك حلوو وفدوه دشوفهه اصلااا تستاهل اسم قمر ع هالجمال
عشنااا لحظات ولا بالاحلام
مياده..حيدر صار بغييير عالم واصلااا يجي من وكت من دوامه حتى يگابل امنيه وميغفه الا ينومهه ع گلبه
حتى كمت اكله وخرهه اغااار بس اني داخلي طايره فرح واخيرا تحقق حلمنه وتممت سعادة حيدر بهالبنوته التجنن
حيدر.. ميدو رح اخذ اموشتي واروح لبيت ابو يسر
احم احم اموشتك ولعد ميدو وين راحت حاير بهالفصعونه
ولج اسكتي يافصعونه هاي ضلعة ابوهه وشمعته وضوه عيونه
حبيبي الله يحفظنااا لبعض وميحرمك منهه
انطينيااهه خ ابدل الهه واخذهه
حيدر.. اني الطريق كله مخليهه بحضني واسووق وهي وكحه وحركه متكعد راحه وصلنه لبيت ابو يسر وچان عمر علاوي ابنهم سنه ونص او سنتين هذا اخر العنقود
وهم لكفوا من عندي امنيه وخلصوهه بالبوس والشيل وشمر واني گلبي يمهه احجي ويه زيد وعيوني يمهه شلون يشيلوهه ويلعبوهه
زيد... اكول حيدر شخبار نجلاء
حيدر.. والله ماادري اخر شي كتلهه سقطي الطفل
زيد.. اي صح وسقطته مثل متدري م عدهه امكانيه وانت خلفت بوعدك الهه
المهم هسه انت اهم شي عائلتك وسعادتك
حيدر..واني داارجع لللبيت حسيت كلام زيد بي شي من الضوجه او متأثر بنجلاء يمكن اني غلطت خطيه بحقهه يله ان شاااءالله كل فتره ادزلهه فلوس ابري ذمتي
مرت السنوات وكبرت امنيتنا المدللة
اللي ماكوو بأناقتهه ولسانهه وعلاقتهه ويه حيدر
اكثر ما ويايه متعلقه بأبوهه لأبعد الحدود
وين ميروح ياخذهه وياا
اليوم اول يوم لأمنيه بالمدرسه
طلبت أن .... برأيكم شنو طلبت
تصويتكم ودعمكم يشجعني
اقدم افضل ماعندي
ليش هالتفاعل كلش ضعيف رغم اللي ديقروهه هوايه بعد ماانزل الا الگه تفاعل قوي
#ســرى حــامد
