اجه اليوم المشؤوم اليوم اللي چنت بعمري ممتوقعته ولااحلم يصير زواجي لغير علي
مدااصدك معقوله هيج برمشة عين يعني اذكر قبل فتره قصيره نحجي بزواجنه ونحجي بإطفالنه اويلي. ياربي صدك ميصير غير اللي انت كاتبه ومتأكده مرح تعوفني ولاتعوف علي اوف ياعلي خليت حسره بگلبي من اجيب اسمك من اروح فدوه لحروف اسمك والله مشتااقتلك مشتاقه لضحكتك مشتااقه لكلامك مشتااقه لغزلك وضليت اتذكر واتذكر گمت اصيح وابچي اجتني ماما تركض ونور جانوا ديشتغلون جووه صعدوا ع صوتي امي حاضنتني ونور تبوس بيه
امنيه..ولكم وخروا عني قبلت اتزوج قبلت بكلشي بس مدااقبل يعوفني علي مااقبل يصير بي شي ولكم علي رح يموت ويعوفني گولوله مخانت الوعد گولوله بعدني اتنفسه بعمري مراح اتقبل غيره ولك علي تعااااال طك گلبي كافي والله خلص صبري اليوم اذا مااشوفك اسوي شي بروحي ونور وأمنيه يواسني ويبچن واني من گد مفقدت اعصابي حتى نسيت وجود ماما وگدامهه هيج احجي ضليت ادك والطم الا ان حسيت اريد انام مدري اريد اهرب من واقعي مدري اريد اقشمر روحي اني رح انام ومااكعد مدري من التعب الجسدي والتفكير
لالا اريد انام حتى افكر بعلي حتى اذكر اخر حضنه اليه ياحبيبي عمت عيوني عليك گلبك حاسك تگلي عمري مااتقربلج حرام واخير شوفه شبگتني شبكة موادع گلبك حس باللي رح تسوي أمنيه لتخاف اطمئن حبيبي راجعتلك عن قريب واعوضك ابتسم واني افكر بموضوعه
مياده..بنيتي نامي نص سااعه واكعدج وراج صالون وهوايه اشياا
امنيه. ماما حبابه شوفولي صالون تجي للبيت تمكيجلي مبيه حيل
نور. ماشي لعد گومي بدلي نروح للقاعه واخذي غراضج الضروريه وتجي تمكيجج للقاعه اذا مبيج حيل
امنيه..اي اي بس هسه خلي انام شويه
نامي نامي
نور..كملنه كلشي اني وام امنيه وسوده عليه خاله كل شويه وماخذتلهه فاصل بجي ولوم بروحهه وبحيدر بس ترجع تقشمر بروحهه واني حتئ مالي واهس اضحك هم بجهه علي وبجهه امنيه وحتئ خطيبي المسكين شگد هاملته بس هو يعرف بكلشي وتفاصيل ومقدر وكلش متعاطف وياهم واتفقنه نروح نسافر لعلي نشوفه لان من صدك رح اتخبل
وقررنه زواجنه بعد شهرين لأن احلامنه اني وامنيه فشلت جاان هو منتظرهه لأمنيه نتزوج سوه وهو مكمل كلشي بس يگول شيخلصني من خبالات امنيه هه تعال شوفهه شحالهه ياخبالات امنيه اليوم منيتهه واني گلبي حييييل معصور عليهه مااتخيل منظرهه ويه ذيج الخلقه مالت صلاح سوده عليه يبعد عيوني
اجه وقت العرس رحنه للقاعه نور لبست فستان بنفسجي طوخ وطويل ومكياج كلش بسيط وشسورت شعري
ومنتظرين أمنيه والناس تدك وتركص وديجي عالي حيييل وره ربع سااعه دخلت أمنيه اويلي اريد اصورهه متحملت بس دموعي تجري من شفتهه مثل الاميرات بس الاكثر قهرني كلام الناس ياحلوه بس شهالضعف شنو هاي بيهه مرض اووع بس اعظام اني متت من اسمع هالكلام مكيااج امنيه ابسط مكياج بالقاعه كلهه ولاعبالك عروس والاكثر مفاجاه لابسه بدله موبيضه وردي فاتح ادري هاي مومالت زواجهه بس شو طولت بيهه
نور..حياتي اميرتي طالعه تجننين
امنيه..عيونج التجنن ياتوأم روحي
نور..گومي يلا بدلي لزكتي بهاي
امنيه..لاماابدل هي بس هاي
نور.شنوو لج هاي ورديه والناس منتظره تبدلين
امنيه..يطبهم مرض الناس شعليه بيهم واني ماابدل ولاالبس البدله البيضه لغير علي
نور..بس امنيه. ..دااحجي واجتي وحده شحالهه وملطخه وجهه بالمكياج وتعلج وتلعب الروح حشة خلقة الله اكلج عيني منه مدري امنه مدري شسمج يعروسه كومي بدلي العالم دتباوع
امنيه..اسمي امنيه وماابدل اوك حبي
ياا ليش داده فشله من العالم شتكول علينه مجايبيلج بدلات
لاحياتي يگولون العروسه مسحتله وام عظام وميعجبهه تبدل
والله ياالله شلگه بيج صلاح واخذج شنوو هالاخلاق والاسلوب الزفر
نور.هي احجي عدل ماكو غيرج زفر ولي مناا شدخلج انت تتلوكين روحي باعي لروحج بالمرايا
اووي الظاهر هاي العائله كلهه هيج كاوليات
نور..اني عرفتهه من اقارب صلاح واني روحي طافره والنوب گالت كاوليات لو اني هلهت بگلبي اجتني الفرصه ولزمتهه من شعرهه وگطعتهه ملخت وجهه والضحكني امنيه بدلتهه مفروشه ومتبين وضلت تدوس بالكعب مالتهه عليهه موتتهه وهي كدامهم تسويلي وج نونه فضحتيناا وخري وهي مردتهه مرد بالكعب التمن وصارت عركه شكبرهه واهله لصلاح عايقات وصلفاات حييييل. ولسانهم طويل بهالاثنااء صاحوا اجه العريس اجه العريس تفرقن ووخرن واني اخزر بيهن وهاي الكتلناهه ضلت تخازر بيه النوب باوعت لامنيه تسويلهه اني اعلمج امنيه عيبت الهه بلسانهه يايمه بگد ماچنه ضايجات ومخنوكه متنه ضحك وامنيه لازمه ايدي وكلتلي هانونه شفتي موگتلج عرسي حيكون مميز طب الشفيه وتلگنه هلاهل والهيبه والشفيه وهو خلقته جنهه نعال
والله بهاللحظات حسيت دگات گلب امنيه رح يطلع
الدموع اشتغلت اجه باسهه براسه ويتمعلج باوعتله گتله مبروك بس شنو هذا العلج وراثه
صلاح..نعم العفو شنوو كلتي
نور..لاهيج مگلت شي بس دااگول مبروك
صلاح..اها حلو الله يبارك فيج
نور..ننننننه فدوه لابو الوصخ حلوو العفو نعم وانت وجك مالت منظف مجاري وهم هوايه عليك وفيج فيج الله يفكنه منك ويطير فجك ابو فيج داامشي واعيب علي انلطمت بخاله مياده استحيت منهه ع الموقف السويته هي جاانت تبجي ابتسمت وكلتلي سويتنهه ولجن هههههههه
اخ حتئ خااله عاجبهه السوينااا
وذني الدبات مالت الطرشي خبصناا يكمزن ويهوسن چنهن بقرات هاديهن للسباق لااله الا الله لساني زفر شلوووووون بيه
طلعت امنيه واخذت روحي وياهه اخ ياربي راحت عافيتي اعرف اليوم يصير بيهه شي
اوف ذني البومات خاف يأذنهه
امنيه.وصلنه لبيت البومه صلاح طبينه للغرفه
گعد رجل ع رجل ع الكرسي وگلي گومي يله بدلي وتعالي بسرعه
اي اطلع
لاصدك خاف مترضين گومي ولي بالحمام
هاي انت اول يوم وهيج اسلوبك لو نصير سنه شلون
ديله عيني يلا اني مومثل بابا حضينه بيد ماما
امنيه..هو گال هيج عن بابا واني نطت عيوني وطفرت ع صلاح وگتله ...
اهوو وكتج تحجين يثوله الله اعلم شنو حجت
للمشوار تكمله كونوا في الانتظار
#ســـرى حـــامــد 💔
