طلابة عشگ ٥
زينب الموسوي
ظلت الرسائل بيني وبينه لحد طلع القبول اني رحت تربيه وعرفت هو مقدم تربيه بالمحافظه وياي ضجت عليه لان بوكتها انفتح هندسه بمحافظتنا بس هو بالرسايل فهمني يريد يكون وياي وبدا دوامنا بالكليه صرنا منفترك الا وقت المحاضره ومن احد يسال نگول گرايب كبرت مشاعرنا ونسينا واقعنا واقع اهلنا وخلافاتهم نايف اشتغل بمطعم بالمحافظه ومن سالته ليش
اريد الم مهرچ
. يامهري نايف خلي نتخرج اول وبعدين فكر بالزواج
ادري ورا مانتخرج بس انتي مهرچ مو قليل بنت شيوخ وعندچ الحساب
اني لو عليه مااريد غيرك بس تعرف اهلنا وشروطهم
اذا على الفلوس ابيع روحي واشتريچ اني خايف من الماضي ينفتح من جديد
مااظن هذا الحچي صارله سنين وناس راحت وناس ماتت وابوي يحبني اذا گتله اريدك يقبل
انشالله يقبلون وحالف الا اخذچ ونعيش بغداد.
يا هو الك بغداد هنا اهلنا وگاعنا گمره العشاير مشاكل ماتخلص وبغداد تلوگلچ تعيشين بيها
هسه خلي نتخرج والله كريم
اقتربنا من نص السنه كان هناك ولد بالكليه اسمه عماد وياي بنفس القسم بمرور الايام عرفته مهتم بيه وفد يوم كنت منتظره نايف الصبح اجى عليه وسلم
گمره اني من بداية السنه احاول اتعرف عليچ بس دانما اشوفچ ويه نايف ومااگدر احچي وياچ كدامه هو صدگ گرايبچ
اي گرايبي
شلون گرايبچ شجاب الفوح على الكاستر
احترم نفسك شني هذا الحچي
هاشبيچ ترى قصدي انتي الكاستر وبعدين القابكم تختلف سالت عليچ انتي من عمام وهو من عمام
اگلك شرايد من الصبح
رايد اتعرف ولچ انتي من كل عقلچ مكبله ويه هذا تعرفين چم شاب بالكليه يريدون يبسطونه من يشوفوچ وياه تعرفين اني ابوي يملك نص المحافظه
شايفه سيارتي عشيرة نايف كلها تحلم تتصور يمها
شگد اگو ناس منحطه وحقيره بس موش بگدك تولي منا لا اشتكي عليك بالعماده
وجه فكر انتي والله الا اخليچ تندمين وهذا الوجه الحلو الا اذله وهسه تشوفيه
ماگلت لنايف اي شي بس گتله
نايف الكليه تحچي على وگفتنا سوا واكو ولد من عشايرنا بالكليه ميصير بعد نوكف سوا
وشلون اشوفچ ومااسولف وياچ
نوكف ويه بنات ولد مجموعه موش لوحدنا واذا تريد نكتب رسائل انت هم فكر بسمعتي ميصير هيچ
على راحتچ نوكف مجموعه ونكتب رسائل يمتى تشترين موبايل
ابوي واخواني ميقبلون وصديقاتي يتصلون على تلفون ابوي ويحچون وياي
وانه اذا اريد شي اتصل بابوچ
انوب هي عايزه ولد من ال زون يتصل بيه
شيخلصها وي ال زون وال ازرك
تخلص بعرسنا اثنينه ويلتم شملهم من جديد
مااصدگ هذا اليوم يجي وتصيرين الي الله كريم تصير انشالله
ظل عماد يذايقني لحد يوم كنا واگفين سوا اني ونايف وبنيه من قسمنه اسمها هديل اجى عليه عماد
گمره ممكن دقيقه
لا مامكن انه واگفه ويه الجماعه وماعندي حچي وياك.
بس دقيقه وارجعي رد عليه نايف گالتلك متريد انت لزكه شني
خايب انت هم تحچي شني علاقتك بيها
وانت شني علاقتك بيها هاي خطيبتي
خطيبتك انت لك عبالك احنا ازواج خلي اهلها يدرون والله يذبحوك ويذبحوها
كبرت الشغله بينهم تضاربوا گدام الطلاب اني وهديل شردنا للقسم وصلت العركه للعماده واخذوهم ورا نص ساعه صاحوني للعماده
تعالي بنتي هذا الولد خطيبچ
دكتور اگدر احچي وياك وهمه يطلعون
ميخالف اطلعوا برا
طلعوا اثنينهم احچي
دكتور الولد من منطقتي بس احنا كل واحد من عشيره مو خطيبي
زين ليش گال خطيبتي ترى هاي سمعه مو زينه عليچ
ادري هو بساعه عصبيه ولان يعرف مااحچي ويه ولد غيره لان من منطقتي وامن بيه اني بت عشاير موش بت ولايه وعماد اتعمد يهينه دكتور الله يخليك انه هنا حتى اخذ شهاده موش حتى انزل راس اهلي وهذا عماد اكثر من مره گتله مااوگف وياك ماياخذ الحچي
خلص روحي بس المره الجايه لاتوگفين ويه ولد لا هو ولاغيره منو سماچ گمره.
ابوي سماني
ماغلط انتي گمره وربيع
تركت قسم العماده وطلعت گلبي يفور من تصرف نايف حاول يلحگني
نايف كافي انعم الله عليك ماقصرت تتعارك وخطيبتي وبعد ليش ماگلت مرتي فرد نوب
وليش ضايجه من حچاية خطيبتي
شلون تگول خطيبتي نص الكليه ولد عشاير ويعرفون احنا منو اذا وصلت الحجايه لابوي واخواني ولد عمي يذبحوني
مافكرت هيچ بس تريديني اسكت وهو يگول انت شكو
روح هسه وبعد لاتحچي وياي بالجامعه.
راح اجيبلچ موبايل
نايف اهلي ميقبلون ومااحب اضم عليهم افتهم.
چا اقنعيهم واشتري موبايل اذا مااسولف وياچ اتسودن
چا انتم عائله كلها مسودنين شورطني وياكم
بعد تورطتي ارضي بقسمتچ وسكتي
بويه راضيه بس انت بطل تصير شقاوه بالكليه مو لان الله منطيك عافيه تشوف روحك على الوادم
والله ليتقرب منچ مو بس اصير شقاوه عليه انهيه من الوجود
يبوووه على حظچ ياكمره
مرت على الحادث اسبوع انه ونايف رجعنا نكتب رسايل ومنوگف سوا لحد يوم عماد دز عليه بنيه وگالت عماد ابوه يشتغل مدير بمحطه الكهرباء وعدهم محطه بانزين وامه معلمه ويريد بس يتعرف عليچ
اگلچ خيه وروح امي انه مااحب هاي السوالف ولا اريدها ولد عمي تسعه مايرضون بهذا الحچي الدراسه كل يوم يكولون لابوي بطلها عوفوني بحالي من رحتلچ فدوه اني
بعدها بيوم جمعه جتي ناس لمضيف ابوي وبعد مااطلعوا صاحني ابوي
بويه گمره عماد ابن استاد كريم تعرفينه. بويه وياي بالكليه شماله
استاد كريم مدير المحطه جاني يخطبچ لابنه الزلمه خوش زلمه انا اعرفه وبيته بالولايه شتكولين بويه اني مااريد اتزوج لمن اخلص دراسه وهذا الرجال مااعرفه اي بويه صدگ ولد عمچ ماينطونچ بدر وعباس اثنينهم حاچوني عنچ انتي اختاري واحد منهم اثنينهم معلمين وانا هم مااريدچ تبعدين عني
واني مااريد ابعد عنكم وانتم ؟استمروا بالدعم والتعليق
لو تروحون تنامون ونكمل الصبح
