ایک بہت ہی گنہگار شخص حج ادا کرنے گیا وہاں کعبہ کا غلاف پکڑ کر بولا :
" الٰہی اس گھر کی زیارت کو حج کہتے ہیں اور کلمہ حج میں دو حرف ہیں، "ح" سے تیرا حکم اور "ج" سے میرے جرم مراد ہیں۔ تو اپنے حکم سے میرے جرم معاف فرما دے ... "
آواز آئی :
" اے میرے بندے تو نے کتنی عمدہ مناجات کی پھر کہو ... "
وہ دوبارہ نئے انداز سے یوں بولا :
" اے میرے بخشن ہار! اے غفار! تیری مغفرت کا دریا گنہگاروں کی مغفرت و بخشش کیلئے پرجوش ہے اور تیری رحمت کا خزانہ ہر سوالی کیلئے کھلا ہے۔ الٰہی! اس گھر کی زیارت کو حج کہتے ہیں اور حج دو حرف پر مشتمل ہے "ح" اور "ج" ... "ح" سے میری حاجت، اور "ج" سے تیرا جُود و کرم ہے۔ تو اپنے جُود و کرم سے اس مسکین کی حاجت پوری فرما دے ... "
آواز آئی :
اے میرے بندے تو نے کیا خوب حمد کی، پھر کہو ... "
وہ پھر عرض کرنے لگا :
اے خالق کائنات! تیری ذات ہر عیب و نقص اور کمزوری سے پاک ہے تو نے اپنی عافیت کا پردہ مسلمانوں پر ڈال رکھا ہے۔ میرے رب اس گھر کی زیارت کو حج کہتے ہیں حج کے دو حرف ہیں "ح" اور "ج" ... "ح" سے اگر میری حلاوت ایمانی اور "ج" سے تیرا جلال مراد ہے تو ...، تو اپنے جلال کی برکت سے اس ناتواں ضعیف بندے کے ایمان کی حلاوت کو شیطان سے محفوظ رکھنا ... "
آواز آئی :
" اے میرے مخلص ترین عاشق و صادق بندے! توں نے میرے حکم، میرے جود و کرم اور میرے جلال کے توسط سے جو کچھ طلب کیا ہے تجھے عطا فرمایا۔ ہمارا تو کام ہی مانگنے والے کا دامن بھر دینا ہے ، مگر بات تو یہ ہے کوئی مانگے تو سہی ... "
میرے نہایت ہی محترم و مکرم قارئین کرام اس ناچیز و کم فہم کا یہ واقعہ آپ احباب کے گوش گزار کرنے کا فقط اتنا سا مقصد تھا کہ، کیا مجھ گناہ گار سمیت ہم سب نے اس ذات باری تعالٰی سے اس سلیقے، خشوع و خضوع اور مان سے مانگا ہے ...؟
سوچئیے گا ضرور ...!
ﺍﮮ اللہ ہم جیسے گنہگاروں کو بهی مانگے کا سلیقہ اور توفیق عطا فرما،ﺍﮮ اللہ ﮨﻤﺎﺭﮮ ﮔﻨﺎﮦ ﻣﻌﺎﻑ ﻓﺮﻣﺎ ﺩﮮ ، ﺍﮮ اللہ ﮨﻤﺎﺭﯼ ﺧﻄﺎﺅﮞ ﮐﻮ ﺩﺭﮔزﺭ ﻓﺮﻣﺎ ، ﺍﮮ اللہ ہمیں رسول اللہ ﷺ رَحْمَةً لِّلْعَالَمِينَ کی اطاعت کرنے کی توفیق عطا فرما ، ﺍﮮ الله! ہمیں ایسی زندگی گزارنے کی توفیق عطا کر جس زندگی سے تو راضی ہو جائے ...!
بِرَحْمَتِكَ يَآ أَرْحَمَ الرَّحِمِينَ آمِينْ يارب العالمين ....
